صفحة 1 من 2 12 الأخيرةالأخيرة
النتائج 1 إلى 5 من 6

الموضوع: طرق للتبيض الاسنان

  1. #1
    ... عضو ذهبي ...


    تاريخ التسجيل
    May 2005
    المشاركات
    886
    معدل تقييم المستوى
    1

    افتراضي طرق للتبيض الاسنان

    في 3 طرق أساسية للتبييض وبتتفاوت نتايجها من شخص لآخر، وبيعتمد نجاح عملية التبييض على حالة الأسنان الصحية، وعلى نوع ودرجة اصفرار الأسنان، ونوع وتركيز المحلول المستخدم في التبييض، والوقت المستخدم, وإذا كان الشخص ده بيتبع التعليمات ولا لأ، وكمان نظام التبييض المستخدم.

    طرق تبييض الأسنان:

    1. معاجين الأسنان اللي بتبيض:

    موجودة في كل الصيدليات و"السوبر ماركت" وهي بتتكون من مواد مصنفرة ومواد كيماوية مبيضة. بس ليها عيب إنها مابتبيضش بعمق ومابتوصلش لنفس نتيجة التبييض عند دكتور الأسنان.

    وكمان معاجين الأسنان المبيضة بتبيض أسنانك درجة واحدة أو أقل.

    أما التبييض عند طبيب الأسنان فيمكن أن يبيض أسنانك من 3 إلى 8 درجات.

    2. هنبيض في البيت:

    ودول لوحدهم 3 طرق للأسف في طريقة واحدة منهم بس موجودة في مصر أما الطريقتين التانين لازم تجيبيهم من بره أو حتى من الدول العربية:
    • أول طريقة: الدكتور يشرف على عمل قالب خاص على مقاس أسنانك، والقالب ده بيسمح بأقصى درجات التلامس بين سنانك ومحلول التبييض اللي غالبا بيكون "الهيدروجين بيروكسيد" اللي بيتحط جوه القالب وتسيبيه في بقك وقت النوم. ودي بتعتبر أفضل وسيلة تبييض أسنان في البيت.

    • فيه حل تاني إنك تشتري القالب ده للأسف من بره مصر، بس مشكلته إنه مقاس واحد للكل، وبيعتبر فعال نسبيا لكن مش زي القالب اللي بيعمله الدكتور مخصوص ليكِ. وتستخدميه بنفس الطريقة الأولانية.

    • وفيه بقى لزقة للتبييض ودي ممكن توصي أي حد يشتريهالك وهو راجع من بره برضه، وتحطيها على الأسنان الأمامية مرتين في اليوم 30 دقيقة لمدة أسبوعين، وساعتها المواد الموجودة على "اللزقة" دي هي اللي بتبيض الأسنان، ونتيجتها بتعيش لمدة أربعة أشهر.

    3. هنروح للدكتور:

    ودي بقى من غير كلام أفضل وأسرع وسائل تبييض الأسنان، لأن الدكتور بيستخدم مواد شديدة الفاعلية للتبييض لكنها في نفس الوقت مابتأثرش على قوة الأسنان، والدكتور هيحطلك طبقة واقية للثة حول الأسنان علشان ماتأثرش مواد التبييض عليها، وبعدين يحط المواد دي على الأسنان مباشرة. وكمان ممكن يستخدم "الليزر" للإسراع في عملية التبييض.

    طيب يا ترى فيه فرق بين البيت والعيادة؟

    أيوه طبعا فيه اختلافات ولازم نقولهالك علشان تاخدى القرار الصح..

    • فترة التبييض: تأخذ فترة التبييض المنزلي أسابيع عديدة حسب حالة الأسنان، وكمان كذا عامل تاني، ولكن غالبا بتاخد عملية التبييض عند دكتور الأسنان زيارة واحدة ( أقل من ساعة).

    • الإشراف: تتم عملية التبييض تحت إشراف الدكتور ودي حاجة مهمة جدا.

    • التكلفة: التبييض في عيادة الأسنان بيكلف أكثر من التبييض في البيت، ده بالإضافة إن التبييض المنزلي ممكن يوصل أسنانك للبياض اللي إنت عايزاه بسعر أقل خصوصا إذا كان لون أسنانك قريب من اللون اللي عاوزة توصلي له.

    يعني الأحسن ما نبيضش في البيت؟

    ماباقولكيش كده لكن لازم تاخدي بالك كويس من إنك لو حسيتِ في أي وقت بحساسية في أسنانك من الحاجات السخنة أو الساقعة أو بتغيير في لون اللثة توقفي فورا عن عملية التبييض المنزلي وروحي بسرعة لدكتور الأسنان.

    يعني فيه مشاكل لتبييض الأسنان؟

    فيه مشكلتين مرتبطتين بتبييض الأسنان، الأولانية هي: زيادة حساسية الأسنان للسخن والبارد، والثانية: التهاب أو هيجان اللثة ودول برضه ليهم حل:
    • للتقليل من حساسية الأسنان: استخدمي معجون أسنان خاص بالأسنان الحساسة وهو بيحتوي على "نتترات البوتاسيوم" واللي بتهدي من حدة الحساسية والشعور بالألم.

    • هيجان اللثة: غالبا بينتج بسبب استخدام قالب التبييض المنزلي اللي اتكلمنا عليه ومقاسه بيكون أكبر من اللازم .

    بس نطمنك إن المشكلتين دول مؤقتين وبيخلصوا في يومين لتلات أيام بعد ما توقفي التبييض.

    سؤال بقى يعني التبييض ده بيقعد طول العمر؟

    للأسف لأ.. تبييض الأسنان مابيدومش طول العمر. وخصوصا الأشخاص اللي بياكلوا مأكولات أو مشروبات فيها أصباغ زي الحلويات أو العصائر الملونة أو الشاي والقهوة أو الناس المدخنة، ودول بتبدأ أسنانهم بالاصفرار بعد شهر واحد من التبييض. أما الناس التانية فبيستمر تأثير التبييض لسنة كاملة أو أكثر.

    طيب والحل؟

    إنت ممكن تطولي فترة التبييض باتباع التعليمات دي:
    1. قللي من أكل وشرب المواد اللي تحتوي على الأصباغ.

    2. اغسلي أسنانك فورا بعد تناول المأكولات أو المشروبات اللي فيها صبغات.

    3. لو عاوزة تشربي عصاير ملونة مثلا استخدمي "الشاليموه" وحاولي تمنعي العصير يلمس أسنانك الأمامية.

    4. استخدمي معجون أسنان مبيض (مرة أو مرتين في الأسبوع فقط) لإزالة البقع المترسبة على سطح أسنانك واستخدمي معجون أسنان يحتوي على "الفلورايد" وغير مبيض بقية أيام الأسبوع.

    5. ممكن تبيضي كل ستة أشهر أو سنة أو سنتين على حسب طريقة التبييض اللي استخدمتيه، وإذا كنت من المدخنين أو من مستهلكي المواد الصابغة ممكن تحتاج للتبييض ثلاث أو أربع مرات في السنة.

  2. #2
    ... عضو مـاسي ...


    تاريخ التسجيل
    Oct 2004
    الدولة
    ][ بيت أهلي ][
    المشاركات
    1,341
    معدل تقييم المستوى
    2

    افتراضي

    غاليتي

    تسلمين على المجهود الرائع
    بانتظار كل جديد

    تحيتي

    شجون

  3. #3
    ღ قـمـ المنتدى ـر ღ


    تاريخ التسجيل
    Oct 2004
    الدولة
    قــــــــطــ الحب ــــــر
    المشاركات
    2,064
    معدل تقييم المستوى
    3

    افتراضي

    [glow=#FF0000][align=center]تسلمييين اختي

    كتاب مفتوح

    ع الطريقه الحلوة

    ودمتي للزين

    ولك فائق احترامي وتقديري

    ود القلوب[/align]
    [/glow]

  4. #4
    ... عضو ذهبي ...


    تاريخ التسجيل
    May 2005
    المشاركات
    886
    معدل تقييم المستوى
    1

    افتراضي

    الله يسلمك شجون وشاكرة مرورك تحياتي لك

  5. #5
    ... عضو ذهبي ...


    تاريخ التسجيل
    May 2005
    المشاركات
    886
    معدل تقييم المستوى
    1

    افتراضي

    الله يسلمك ود وشاكرة مرورك تحياتي لك

صفحة 1 من 2 12 الأخيرةالأخيرة

المواضيع المتشابهه

  1. عيادات الاسنان في الهند
    بواسطة انوووووووسه في المنتدى الارشيف
    مشاركات: 8
    آخر مشاركة: 03-05-2008, 08:18 PM
  2. عياداة الاسنان في الهند
    بواسطة فيرست ليدي في المنتدى الارشيف
    مشاركات: 5
    آخر مشاركة: 25-04-2008, 11:37 AM
  3. !! من عود الاسنان كان هذا الفن الراقي !!
    بواسطة !.همسة العسكرٍي.! في المنتدى الارشيف
    مشاركات: 22
    آخر مشاركة: 06-02-2008, 07:38 PM
  4. درس تفتيح لون الاسنان !!
    بواسطة є x i ẗ في المنتدى الارشيف
    مشاركات: 11
    آخر مشاركة: 04-06-2007, 04:04 PM
  5. حل بديل لطبيب الاسنان ..
    بواسطة شويه هباله في المنتدى الارشيف
    مشاركات: 10
    آخر مشاركة: 30-12-2006, 03:06 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52