صفحة 1 من 5 123 ... الأخيرةالأخيرة
النتائج 1 إلى 5 من 25

الموضوع: معانااااااااااااااتي مع صب القهوة..

  1. #1
    0::+[ مزيونة الـزيــن ]+::0


    تاريخ التسجيل
    May 2005
    المشاركات
    1,146
    معدل تقييم المستوى
    2

    معانااااااااااااااتي مع صب القهوة..

    السلام عليكم ورحمة الله وبركاته
    يا هلا ومرحبا ............
    عندي مشكله نقدر نقول عنها انها مشكله اغلب البنات والعيال

    ألا وهي مشكلة ( صب القهوة .. وما ادراك ماصب القهوه )

    قبل لا اطرح المشكله واظهر الحقائق والخفايا واكشف الاوراق

    خلوني اسألكم سؤال : ليش لاجونا ضيوف لازم نشربهم قهوه ؟

    ليه يعني مايشربون ببيتهم بعدين يجون لمنا ؟ طب ليش مايجيبون قهوتهم معهم ؟ وكل واحد يصب لنفسه ؟

    ليش وليش ولمازا هزا يحدس ؟؟؟؟؟
    يعني تجيني امي وتقول : بعد المغرب بيجونا حريم .

    اقولها : منب طالعه لهم مالي نفس .

    تقووول : تراهم مهب ميتين عليك بس مين اللي بيصب القهوه ؟

    يوووووووه صارت عندي حالة نفسيه من صب القهوة

    لاني اذا باصب القهوة لازم اول البس وطبعا عشان البس قبلها ابلللط ساعة

    قدام دولابي اختار خلقنّه من بين خلاقيني .. همن استشور شوشتي

    هذا غير المكياج يووووووووووه مشوااااااااااااااااااااااااااااااار

    شي ثاني وهو اني ادخل على الحريم وانا ماسكه القهوه مدري احط القهوه

    على الطاوله وادور اسلم !!!!!!

    والا ادور اصب القهوة واسلم بنفس الوقت !!!!

    والا ادخل اسلم بعدين اروح اجيب القهوة !!!!!

    بعدين انا مدري اصب بالدوووور من اليمين والا اروح لاكبر وحدة !!

    سـألت امي هالسؤال وقلت بكل غباء : يمه اصب بالدور والا لاكبر وحدة ؟؟

    وصدف ان مر أخوي وقال : صبي بالدور تدرين ليش !! عشان الحريم

    كلهم صغار مايكبرون خخخخخخخخخخخ

    قلتله : يعني عادي محد يقول هالبنت هبله ؟؟؟

    >>>>>>>>> هالسؤال يدل على الهباله الملازمه للعقل

    قال اخوي : لا .. انتي ما ينشره عليك لانك هبله ؟؟

    خخخخخخخ ياحبيله اخوي يستخف دمه >>>> يهزئها وتضحكله

    نرجع لموضوعنا

    صب القهوة شي مهب زين ات از نت نااااااايس

    لاني اصير اطامر بين الحريم ومايمديني اخلص الا فيه وحدة خلصت فنجالها

    وتأشرلي امي .. صبيلها .. يعني من جد عذاااااااااااااااااااااااااااب

    هذا غير لامني صبيت لوحدة واقولها : سمي . تقول : لا مابي

    اقول بيني وبين نفسي : هاهاها تحسبيني بأترجاك .. شربتيها والا عساك هاهاها

    بس يجي صوت امي ويحطم علي متعتي واحلااامي

    : ( وش بك ماتقهويتي ؟ طيب اخر فنجال ... )

    ياربييييييه .. وتجلس امي تحايل فيها وانا واقفه آكل هواء

    والشي اللي يقهر بعد انه لاصارت وحدة تسولف

    بنص السالفه تأشرلي اختي ( وحدة خلصت فنجالها قومي صبي قهوة )

    اقوم انا أأشرلها بعد ( ليش ياعمتي !! وراه ماتصبينلها انتي ؟؟ )

    ونجلس نلعب من غير كلام ... طيب هو لازم اول ماتخلص فنجالها نقوم نصب زي المهابيل

    مايضرها لو صبرت شوي .. خلاص بتموت اذا ماصبينالها على طول

    لا نكون نشتغل خدم عند ابوها وانا مدري

    عاد كله كوم واذا جوكم ضيوف فاضين كووووووووووووووووم

    يجلسون يعزمون على بعض والله ان تاخذينه انتي لا والله انتي

    طيب وانا اللي واقفه محد فكر فيني . والا عشان اصب القهوة صرت صفر على الشمال

    اصابعي مولعه من الحرررارررة وهم جالسين يعزمزن على بعض

    وقتها يجيني شعور اني ودي اصب القهوه على روسهم واقول لا انتي ولا انتي

    محد بيشرب قهوة .. خلالالالالالالالالالالالالالالالاص

    والا لاجت وحدة تميلح وتقوم تمسك الدله وتحاول تفتحها وتناظرني

    يعني تعالي .. وجعععع وشوله اللقافه لازم يعني تتقهوين وتطفحين عشر طعش فنجال

    واروح لمها واقول : ( هاتي عنك ) . تقول : ( لاه عادي ) ..

    اقطعي واخسي تراني منب اترجاك هاتي الدله اقووول

    بس تبين تصيرين سنعه قدام الحريم ..

    وععععع الللللللله لا يعيده من موقف شعووور شين

    شي ثاني لا مننا قلنا (( تفضلوا العشااااء ))

    آآآآآآه و آآآآآه ثم آآآآآه مدري وش يصير فيهن !!!

    والله العظيم ترانا قلنا تفضلوا للعشاء !!!

    يقعدون يسولفون ولااااااااا على بالهم وكل وحدة تحط بجيبها مو بس حجر

    الا اثقااااااااااال وجبااااااااال وتلال وبحوووووووور

    وعلى بال مايمشون او بالاحرى يتسحبون من الغرفه الى المقلط

    يااااااااي طيب اذا ماتبون تتعشون وش مجلسكم لوقت العشاء ؟؟

    ((( سؤال مههههم يطرح نفسه )))

    عاد انا جتني فكرة اننا نقولهم قبل لا يجهز العشا بنص ساعة

    تفضلوا للعشاء >>>>> يازينك ساكته

    والا مايقومون الا لما اروح عند وحدة وحدة واقولها تفضلي

    ماباقي الا ابوووس رجلينهن واترجاهن تكفون تفضلوا للعشاء

    مير ودي اترجاهم واقولهم لا عاد تجون لمنا انا مااحب العزايم اللي ببيتنا

    اكرررررررره العزايم اللي ببيتنااااااااااااااااا

    اكرهااااااكرهااااااكرهااااااااا


    V
    V
    V

    هذي معاناتي مع صب

  2. #2
    ... عضو نشيط ...


    تاريخ التسجيل
    May 2005
    المشاركات
    161
    معدل تقييم المستوى
    1

    افتراضي

    والله اني حاس في معاناتك يا هبلـــــه <<<<<<<<<< يمووون طالع على اخوووووووك
    هههههههههههههههههههههههه


    خلوني اسألكم سؤال : ليش لاجونا ضيوف لازم نشربهم قهوه ؟

    ليه يعني مايشربون ببيتهم بعدين يجون لمنا ؟ طب ليش مايجيبون قهوتهم معهم ؟ وكل واحد يصب لنفسه ؟


    ابووووووووووووك يالتحشيش ههههههههههههههههههه

    الا وشوله يجووون خلاص كل واحد يحط صورته عند الثاني ويتمقل فيها واذا بغا يسولف عنده التلفون والصوره بيده
    خخخخخخخخخخخخخخخخخخخخخخخخخخخخخخخخخخخ

    معاناتك زي معاناتي طبعا" الرجال غير مثل جنقل لااند لووووووووول
    اهواش عند فنجال القهو زين ماكل واحد معه سلااح كان ثوورو بعض وانا مادن لهم الفنجال ولا اذا جاتس شايب ومليت الفنجال يقعد يهزك قدام البشريه ( قسم بالله ماتسوى عليك ) ولا ابوي قالب عيونه رادار مطار الملك خالد ( ماشاء الله بسم الله على بيي) ياما يأشر رح لفلان بعيونه وانقز واثر ابوشباب جالس يمزمز بالفنجال ويطيح وجهي

    مواقف كثيره بس وين اللي يلبق فيها خخخخخخخخ عادي سماجه
    ادري اني سويت بربر كتير بس حبيت اسووي اضافه على موضوعك الخنفشاري

    وبس خلاااااااااااااص

  3. #3
    0::+[ مزيونة الـزيــن ]+::0


    تاريخ التسجيل
    May 2005
    المشاركات
    1,146
    معدل تقييم المستوى
    2

    افتراضي

    ابووووووووووووك يالتحشيش ههههههههههههههههههه

    الا وشوله يجووون خلاص كل واحد يحط صورته عند الثاني ويتمقل فيها واذا بغا يسولف عنده التلفون والصوره بيده
    خخخخخخخخخخخخخخخخخخخخخخخخخخخخخخخخخخخ

    حلووووووووووووووووووووووووووووووووووووووة

    يعطيك العافية

    منور يالغالي..........

  4. #4
    ^,. رفيعة الشأن .,^


    تاريخ التسجيل
    Feb 2005
    المشاركات
    4,381
    معدل تقييم المستوى
    5

    افتراضي

    هلا والله ملكه

    السلام عليكم ورحمة الله وبركاته
    يا هلا ومرحبا ............
    عندي مشكله نقدر نقول عنها انها مشكله اغلب البنات والعيال
    وعليكم السلااااام والرحمه
    ارححححبي يابنت
    ماهي المشكله ؟ قولي وحنا نحلها معااااااااك

    ألا وهي مشكلة ( صب القهوة .. وما ادراك ماصب القهوه )
    خخخخخ انشهد انها مشكله خااصتن لاصارت في الدله <<ياي مقدر امسكها وهي حااااره


    قبل لا اطرح المشكله واظهر الحقائق والخفايا واكشف الاوراق

    خلوني اسألكم سؤال : ليش لاجونا ضيوف لازم نشربهم قهوه ؟
    تصدقين سؤالك وجيـــــه؟؟

    ههههههههههههههههه

    ليه مايشربونها في بيوتهم بدال مانخسر هيل وقناااد ومدري ايش

    خخخخخخخخخخخخخخخخخخ

    بس هذي اصالتنا تحتم علينا الشيء هذااااااا

    الله الله<<<<<
    \

    ليش وليش ولمازا هزا يحدس ؟؟؟؟؟
    ههههههههه ذكرتيني بالسدحاااااان لمازا هههههههههه

    ايس كلام ؟


    يعني تجيني امي وتقول : بعد المغرب بيجونا حريم .

    اقولها : منب طالعه لهم مالي نفس .

    تقووول : تراهم مهب ميتين عليك بس مين اللي بيصب القهوه ؟

    يوووووووه صارت عندي حالة نفسيه من صب القهوة
    خخخخخخخخ

    اقول ملكه حنا عندنا ناااااس تأجرينهم ويجون يصبون تبين ارسل لك وحده؟

    خخخخخخخخخ بس في الساعه 25 ريال ومع المواصلات 10 ريال

    خخخخخخخخخخخخخخخخخخخخخخخخخخخخخ



    لاني اذا باصب القهوة لازم اول البس وطبعا عشان البس قبلها ابلللط ساعة

    قدام دولابي اختار خلقنّه من بين خلاقيني .. همن استشور شوشتي
    يوووووووه ذكرتيني بمعاناتي لاصار عندنا عشااااااا

    ههههههههههه لازم اجرب ملابسي كلهااااااااا


    هذا غير المكياج يووووووووووه مشوااااااااااااااااااااااااااااااار
    انا اقعد ساعه << شرايك هههههههههههههههه

    شي ثاني وهو اني ادخل على الحريم وانا ماسكه القهوه مدري احط القهوه

    على الطاوله وادور اسلم !!!!!!
    ههههههههه عندي لك حل خلي الشغاله تدخل تمسكها لك وانتي تصبين انا اسوي كذااااا <<وشسوي يديني رقيقه

    خخخخخخخخخخخخخخ

    والا ادور اصب القهوة واسلم بنفس الوقت !!!!

    والا ادخل اسلم بعدين اروح اجيب القهوة !!!!!
    هههههههههههههههه والله معاناه القهوه

    بعدين انا مدري اصب بالدوووور من اليمين والا اروح لاكبر وحدة !!
    لاطبعا ابدي بالكبيررررررر << بتعلمك ذي
    ههههههههههه

    حنا لازم تبدين بالكبير وبعدين الصغير فالاصغررررر هههههههههههههههه


    سـألت امي هالسؤال وقلت بكل غباء : يمه اصب بالدور والا لاكبر وحدة ؟؟

    وصدف ان مر أخوي وقال : صبي بالدور تدرين ليش !! عشان الحريم

    كلهم صغار مايكبرون خخخخخخخخخخخ
    خخخخخخخخخخخخخخ اخوك حفله وهو صاااااادق تلقين المعزومات كلهن نفس العمر بس يشلخووووون كل وحده تنقص عشر سنين من عمرهااااااااااا


    قلتله : يعني عادي محد يقول هالبنت هبله ؟؟؟

    >>>>>>>>> هالسؤال يدل على الهباله الملازمه للعقل

    قال اخوي : لا .. انتي ما ينشره عليك لانك هبله ؟؟

    خخخخخخخ ياحبيله اخوي يستخف دمه >>>> يهزئها وتضحكله
    خخخخخخخخخخ والله زي اخوااااااني يستهبلون مرة نطقت اسم عايله قدامهم بالغلط من سنتين الين اليوم ماسكينها علي!!!!!!!!!!!

    ههههههههههههههههههههه



    صب القهوة شي مهب زين ات از نت نااااااايس
    هو بيني وبينك نايس بس مهوب نايس لاجاوك ناس مغثه مهما تصبين مايهزون فناجيلهم

    خخخخخخخخخخخخخخخخخخخخخ

    لاني اصير اطامر بين الحريم ومايمديني اخلص الا فيه وحدة خلصت فنجالها

    وتأشرلي امي .. صبيلها .. يعني من جد عذاااااااااااااااااااااااااااب
    امك هذي تبي جائزة نوبل للسلاااااام قصدي للكررررررم



    هذا غير لامني صبيت لوحدة واقولها : سمي . تقول : لا مابي
    يؤؤؤؤؤ هنا العوووق تموتين قهررررر

    خخخخخخخ واحيانا يجونك ناس عقليااااتهم قوطي بيبسي لاردت وحده فنجال ولا كوب الحليب قالت لا مابيه معيوووف!

    ههههههههههههههههه
    ههههههههههههههههههههههههه

    والله نكته !


    اقول بيني وبين نفسي : هاهاها تحسبيني بأترجاك .. شربتيها والا عساك هاهاها

    بس يجي صوت امي ويحطم علي متعتي واحلااامي

    : ( وش بك ماتقهويتي ؟ طيب اخر فنجال ... )
    خخخخخخخ امك تبي تخلص طاقتك ههههههههههههههههه

    ياربييييييه .. وتجلس امي تحايل فيها وانا واقفه آكل هواء

    والشي اللي يقهر بعد انه لاصارت وحدة تسولف

    بنص السالفه تأشرلي اختي ( وحدة خلصت فنجالها قومي صبي قهوة )
    ههههههه تدرين ياملكه كني اشوووفك

    طيب وش رايك تقسمين القهوه على دلتين ؟؟<<فكرة مجنونه بس سريعه

    خخخخخخخخخخخخخخخخ

    اقوم انا أأشرلها بعد ( ليش ياعمتي !! وراه ماتصبينلها انتي ؟؟ )
    هنا تعجبيني طلعت الصخصييييه هههههههههههههههههه


    ونجلس نلعب من غير كلام ... طيب هو لازم اول ماتخلص فنجالها نقوم نصب زي المهابيل

    مايضرها لو صبرت شوي .. خلاص بتموت اذا ماصبينالها على طول

    لا نكون نشتغل خدم عند ابوها وانا مدري
    هههههههههه يالله ياااااربي وش كثر تعااااااانين خلاص المره الجايه اجي اصب معك


    عاد كله كوم واذا جوكم ضيوف فاضين كووووووووووووووووم

    يجلسون يعزمون على بعض والله ان تاخذينه انتي لا والله انتي
    ههههه وانتي رجولك متورمه هههههههه خاصه لو كنتي لابسه عالي << خخخخخخخخخخخ



    طيب وانا اللي واقفه محد فكر فيني . والا عشان اصب القهوة صرت صفر على الشمال

    اصابعي مولعه من الحرررارررة وهم جالسين يعزمزن على بعض
    خخخخخخخخخ ربي يعينك

    وقتها يجيني شعور اني ودي اصب القهوه على روسهم واقول لا انتي ولا انتي

    محد بيشرب قهوة .. خلالالالالالالالالالالالالالالالاص
    هههههههههههههه
    هههههههههههههههه

    الله يرررررررج ابليسك


    والا لاجت وحدة تميلح وتقوم تمسك الدله وتحاول تفتحها وتناظرني

    يعني تعالي .. وجعععع وشوله اللقافه لازم يعني تتقهوين وتطفحين عشر طعش فنجال
    خخخخخخخخخخخخ مفجوعه بري حااااااااالي


    واروح لمها واقول : ( هاتي عنك ) . تقول : ( لاه عادي ) ..

    اقطعي واخسي تراني منب اترجاك هاتي الدله اقووول

    بس تبين تصيرين سنعه قدام الحريم ..

    وععععع الللللللله لا يعيده من موقف شعووور شين
    بصراحه اعجبتني كلمه لمهاااا<< احسبها وحده اسمها مهااااا ههههههههههههه
    ههههههههههههههههههه



    شي ثاني لا مننا قلنا (( تفضلوا العشااااء ))

    آآآآآآه و آآآآآه ثم آآآآآه مدري وش يصير فيهن !!!

    والله العظيم ترانا قلنا تفضلوا للعشاء !!!
    صدقتي والله ماكنهم سمعوااااااا لازم ترددينها 10 مراااااات ويالله يالله يتسحبووون

    خخخخخخخخخخخخ

    يقعدون يسولفون ولااااااااا على بالهم وكل وحدة تحط بجيبها مو بس حجر

    الا اثقااااااااااال وجبااااااااال وتلال وبحوووووووور

    وعلى بال مايمشون او بالاحرى يتسحبون من الغرفه الى المقلط

    يااااااااي طيب اذا ماتبون تتعشون وش مجلسكم لوقت العشاء ؟؟

    ((( سؤال مههههم يطرح نفسه )))
    مشالله على الذكااااااااء ياربي منك الله يحفظك

    خخخخخخخخخخخخخخخخخ

    عاد انا جتني فكرة اننا نقولهم قبل لا يجهز العشا بنص ساعة

    تفضلوا للعشاء >>>>> يازينك ساكته
    ههههههههه هذا حل معقوووول

    والا مايقومون الا لما اروح عند وحدة وحدة واقولها تفضلي

    ماباقي الا ابوووس رجلينهن واترجاهن تكفون تفضلوا للعشاء

    مير ودي اترجاهم واقولهم لا عاد تجون لمنا انا مااحب العزايم اللي ببيتنا

    اكرررررررره العزايم اللي ببيتنااااااااااااااااا

    اكرهااااااكرهااااااكرهااااااااا


    V
    V
    V

    هذي معاناتي مع صب القهوه
    هههههههههههه
    هههههههههههههههه


    صراااااااااحه موضوع ولا اروع؟؟؟؟

    ياخي وين مخبيه هالمواااااااهب يابت ؟ اعترفي

    ههههههههههههههههه

    خلا1111111ص المرة الجايه دقي علي فاكس واجيك طيراااااااان <<على بساط الريح

    ههههههههههههههههههه


    يسلموووووووو ملكه وربي ضحكتيني



    سي يووووووووو

  5. #5
    ... V I P...


    تاريخ التسجيل
    May 2005
    الدولة
    سعودي يبو
    المشاركات
    8,248
    معدل تقييم المستوى
    9

    افتراضي

    اجل انت زيي

    والله ياهي معاناة

صفحة 1 من 5 123 ... الأخيرةالأخيرة

المواضيع المتشابهه

  1. القهوة التركيه
    بواسطة السنـــreemـــدريلا في المنتدى عالم حواء
    مشاركات: 14
    آخر مشاركة: 13-04-2007, 01:16 AM
  2. أوصاف القهوة
    بواسطة ذرب المعاني في المنتدى الارشيف
    مشاركات: 15
    آخر مشاركة: 01-07-2006, 08:43 AM
  3. ..ملف لكل أنواع القهوة..
    بواسطة P E A C E في المنتدى الارشيف
    مشاركات: 2
    آخر مشاركة: 16-06-2006, 12:37 AM
  4. كن مثل حبيبات القهوة
    بواسطة alsiwiday في المنتدى الارشيف
    مشاركات: 3
    آخر مشاركة: 28-05-2006, 04:42 PM
  5. صب القهوة يا ولد....القيصر وصل
    بواسطة القيـــصر في المنتدى الارشيف
    مشاركات: 8
    آخر مشاركة: 25-10-2004, 02:19 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52