صفحة 1 من 3 123 الأخيرةالأخيرة
النتائج 1 إلى 5 من 11

الموضوع: -::(أخ)::-

  1. #1
    ... عضو جديد ...


    تاريخ التسجيل
    Apr 2007
    الدولة
    آلـ سعـ الدمام ـودية
    المشاركات
    19
    معدل تقييم المستوى
    0

    افتراضي -::(أخ)::-

    [align=center].
    .

    [rams]http://song.6arab.com/rwaished_lay-ra7at-alom(w-7asan-albalam).ram[/rams]

    .
    .

    [poem=font="Times New Roman,5,darkblue,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
    عطني دليلك والأسامي وحدها ماهي دليل = عطني أمارة مُقْنِعة انّك أخي أو لي قريب
    لو ع الأسامي وحدها هيّن ترى اسمي أصيل = واسمك أصوله أصلها نجدِ العروبة يالحبيب
    قل وش تبي أكثر من اللي ترسله لي يالبخيل = ما قد وصلني شي يخفَف هم ولا يمنع نحيب
    ماني بناكر لك مواقف هي جميلة لو قليل = لكن مواقِفْكِ الجميلة هي قليلة ما تطيب
    مالي سوى الله أحتسب له بلوتي يكفي وكيل = أدعي على أخٍ ظلمني عن عمد والله مجيب
    لا قلت أنا يوسف أنا الحادي عشر وانت البديل = مو لي من الأخوة عشر وانت الشقيق اللي ينيب
    يا خي غريبة ذي الحكاية والحكي فيها رحيل = ما في ولا شي ما تحقّق من ملامحها غريب!
    انت الغريب اللي حصل فيها ولا غيرك دخيل = انت الوحيد اللي خرج منها بلا قسمة ونصيب
    خانك غرورك واحرمَك دين المَلِك والسلسبيل = مو قلت لك انت الوحيد اللي خرج منها شحيب
    مادري وش اللي يشغلَك عنّي ومن راسك تشيل = فكرة تعب أعصابي اللي تخدعَك صح يالرهيب
    شكلك كذا فاضي ومو لاقي أحد مثلك عويل = يشكي وتدري حالِتك صعبة أجل شف لك طبيب
    مو لاقي اللي تبلشه واتفكّني من ذا القبيل = أثرك تظن انّك على حقٍ ومحدٍ بك يعيب
    ما برحمَك خل تمتنع عنّي مع الشّكر الجزيل = دامك تَحِت وطأة قلم شاعر وكاتب والأديب
    ياما حفظتك في غيابك لا تكن ناكر جميل = ما تعتبر من لا جُمعنا والولد شعره يشيب
    أخ؟ وش معانيها الأخوّة كنّها عابر سبيل = يعني بقى شي ما تغيّر جت على هذي تصيب!
    يحرق أثاثك في جهنّم للمظاهر لو تحيل = بيني وبينك هالليالي والقمر عنّك يغيب
    هذي سواتك معْ وجود الأم لها العمر الطويل = لا راحت الأم وش بقى من بعدها تعطي وتجيب
    ارحم أمومة مُستغيثة لربّها تطلب جَميل = تدعي لنا وأدعي أنا لكن وظنّي بك يخيب
    يالله طلبتك رحمةٍ ترحم أبي يالله تزيل = عنّه ذنوبه تسكنه الجنّة نَعَم أنت المنيب
    أذكر زمان أوّل أخي كنّا سوى وانت الخليل = لكن تحوّل والسبب ما تعترف به يالعجيب
    والمشكلة انّك تبتعد أكثر وانا حظّي يميل = وادعي على أخٍ ظلمني من ورى قلبي أطيب
    قادر تراني ع الهجِر وامحي خيالك بالمزيل = فرصة أخيرة لك ولا ضاعت ترى حسبي الرقيب
    الله يسامحنا على الزلّة وقلبك مستطيل! = أدري البلا ابفكرك ولا ابقلبك طلبت الله يثيب
    سافر ولا تنسى مديرك من مصر ذاك النحيل = منجة مصر جب له ترى ترقى رقي شسمه شبيب؟
    هذا وقد كانت معانينا صميمة كالنّخيل = افتح عيونك واحتري طلعة قمر ليل العريب
    يمكن تشوف اللي حصل مافي على الله مستحيل = يالله طلبتك وانتظر واثق بعدلك يا حسيب[/poem].
    .

    الدمام - مكتبي - ربيع 2007

    .
    .

    للجميع ودّي وتقديري

    [/align]

  2. #2
    ... عضو ذهبي ...


    تاريخ التسجيل
    Dec 2004
    المشاركات
    536
    معدل تقييم المستوى
    1

    افتراضي

    تسلم يمناك اخوي عبد العزيز

    يعطيك الف عافيه على الابيات الرائعه


    لا تحرمنا من جديدك

    اتمنى لك التوفيق


    تحيتي لك

    التنين

  3. #3
    ][..شـاعـر ممــيز.. ][


    تاريخ التسجيل
    Mar 2005
    المشاركات
    265
    معدل تقييم المستوى
    1

    افتراضي

    سيدي الفاضل
    عبدالعزيز ال سولو

    صح لسانك
    قمة الشعر بل ارتقيت صهوة الشعر
    فعسفتها بكل اقتدار وصغتها في قالب شعري سبكت معانيه وأجزلت
    في كل بيت من هذه الرائعه التي لا تقل روعه عن شاعرها
    وقد استحقت هذه القصيده الثناء ولأشاده بشاعرها ليس مجامله ولكن احقاق
    للحق
    سيدي الفاضل
    دمت بود
    وتقبل
    مرور
    اخوك المتواضع
    النضييييييييير

  4. #4
    ][.. شــاعــر ممــيز.. ][
    تاريخ التسجيل
    Jun 2006
    الدولة
    الشرقيــ...ـــــه
    المشاركات
    4,278
    معدل تقييم المستوى
    5

    افتراضي

    شاعرنا الجميل

    عبدالعزيز


    صح الله لسانكـ على هذه القصيــده الرائعه والتي عانقت السحاب

    لكـ من التقدير اجزله ومن التحــايا اعطرها..

    دمت ودام نزفكـ الرائع..

    عميـق الجرح

  5. #5
    ... V I P...


    تاريخ التسجيل
    Dec 2005
    الدولة
    في عالم خيالاتي
    المشاركات
    7,326
    معدل تقييم المستوى
    8

    افتراضي

    تـــرانيــم تعـــانــق السمــاء..

    وحـــروف تبـــرزأجمــل الكلمـــات..

    والمعـــــــاني..

    الشــــــاعر..

    صح السانك مليار..

    وتــــــــــــــسلم انامــــــــــلك..

    تحيتي

    صمت الوداع

صفحة 1 من 3 123 الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52