صفحة 1 من 11 123 ... الأخيرةالأخيرة
النتائج 1 إلى 5 من 53

الموضوع: الصدر ضايق

  1. #1
    ][ ..شــاعــروإعلامي.. ][
    تاريخ التسجيل
    Dec 2006
    الدولة
    في صدر كل طيب
    المشاركات
    3,085
    معدل تقييم المستوى
    4

    افتراضي الصدر ضايق

    [align=center]مسندها للشاعر / مفرح عبدالله العفري الشملاني العنزي[/align]



    [poem=font="Simplified Arabic,6,darkblue,bold,normal" bkcolor="transparent" bkimage="backgrounds/19.gif" border="groove,6,darkblue" type=2 line=0 align=center use=ex num="0,black"]
    ياراكب(ن)من فوق أبيـض غمـاره=جمس(ن)جديد وُنازح البعد يطويـه
    لازاد ريسه قـام ينسـف أغبـاره=خلف الرفارف كن صوتـه يباريـه
    ملفاه قرم(ن) شـب للضيـف نـاره=مفرح اللـي عانـي البعـد ناصيـه
    له مجلس(ن)يجمع قريبـه وجـاره=هـذا يرحـبّـه وهــذا يحيـيّـه
    وفنجال(ن)أشقر(كيف)جهـز أبهـاره=هـذا جهـز تـوُه وهـذا يسـويـه
    وكم(ن) قعود(ن) فيـه قلـط فقـاره=وحيل(ن) مخولف روسها في صوانيه
    والعـود الازرق مايْوُنّـي بـخـاره=من شجرة(ن) بالهند ماضمت سواقيه
    نمر(ن) تسلسل مع مسيـر النمـاره=وذكره مـع كـل النشامـا معليـه
    والطيب ساس وزاهي(ن) في شعـاره=هبه من الله يعشق الطيـب راعيـه
    له بالمراجـل أحتـراف وُشطـاره=واصغر عياله بالمراجـل مضريـه
    وله شايب(ن) قفـى وباقـي ذكـاره=من مات راح وفعل يمنـاه يّْحيّيّـه
    وله لابة(ن) تضفي عليهـا الامـاره=من حد الأردن لين نجـد وُشماليـه
    للجـار ريـف وللمعـادي شـراره=كل(ن) عرف ساجر وُفعله وُماضيـه
    قبـل الثلاثـي والسـواري مهـاره=ورمح(ن) على أول رميتـه مايثنيـه
    كم فارس(ن) لاقـاه يتـم صغـاره=ماعاد عوُّد يـذرف الدمـع غاليـه
    وفرسان وايل ربحهـم كـل غـاره=تاريخهم كل القبايـل حكـت فيـه
    ويابوفهـد فكـري تـوجـه رداره=يمـك وغيـرك مافهمنـاه نشكيـه
    أنـا غريـب وُمعرفتكـم تـجـاره=بيحت لك شي(ن) عن الناس مخفيـه
    هرج(ن) صحيح ولاتحسبـه قمـاره=الوقـت الأقشـر عذبتنـي بلاويـه
    الصدر ضايق شـرق نيـران واره=ومن البطاء قامت تدكـه طواريـه
    هم(ن)يميـن وهم(ن) أخـر يسـاره=في ساحل (الخفجي) حياتي غدت تيه
    أفطر سيجـاره واتعشـى سيجـاره=والزاد والمشـروب مانـي أباغيـه
    أنـوح والّْعـي والدمـوع بغـزاره=دمع(ن) يصبحنـي ودمع(ن)أمسيـه
    والليـل يامفـرح يشابـه نـهـاره=سهر وعنا وارهاق وافـراق لاقيـه
    مستوصف (الأهلى) عطاني قـراره=واجرى فحوصاته بذلـىّ مساعيـه
    وقدم لـي الدكتـور كـل أعتـذاره=قال انت حالـك عندنـا مانداويـه
    وعمـار قلبـي يامفـرح دمــاره=وانت المجرب لاتناشـد بهـا ليـه
    صار الخطا والصح نفـس العبـاره=واول شبابـي كنـي اعيـش تاليـه
    من جرف يامفرح أليـا راس قـاره=وروس الشواهق مثل حالي تصحيـه
    والرجـم دايـم ذبتـه وانـحـداره=قلب المولـع لاصعـد بـه يسليـه
    وتراك قبلي ذقـت كـاس المـراره=كم راس مرقاب(ن)مضى لك أتعديه
    وانا الـذي شفق(ن)لشوفـة ديـاره=لكـن دوامـه عاقـبـه مايخلـيـه
    شـفـي وُدي أتـوجـه زيــاره=أبطيت ماجيت الجبيـل وُضواحيـه
    واللي جبرني فيه ناقـض أجمـاره=أبوجديل(ن)فـوق الامتـان كاسيـه
    ريم(ن)على أول شبتـه وازدهـاره=مغنيه ربي من حلا الزيـن مغنيـه
    العام حولـي فـي هذيـك الزبـاره=بدو(ن)تقيم وذودهـم فـي مفاليـّه
    وام الحويّْرماتـفـارق أحـــواره=واليوم عنـي نـازح البعـد حاديـه
    أشفق على شوفه واسـوق البشـاره=وبين اربع الجدران وقتـه يقضيـه
    وذيـك الفيافـي بدلوهـا بـحـاره=واللي يبي حوله من السوق يشريـه
    عقب المخومـس سكنـوه بعمـاره=وسـواق بالخدمـه يجيبـه يوديـه
    وخلف النوافـذ سخرفولـه أستـاره=والسقف له عازل عن الشمس يحميه
    ومكيف(ن)زايـد بـراد وُحــراره=نسى سموم الصيف لاهـب صاليّـه
    وخالف مسـاري يامفـرح مسـاره=وعسى شوير(ن)شار تفنـا حسانيـه
    حتى ولـو عنـدي عليهـا أقـداره=ماقبل على نفسي أعتاب ومشاريـه
    لومرني صدفـه علـى بـاب داره=في ذمتـي مالـد عينـي وحاكيـه
    ماني من اللي يحفـرون الجحـاره=سود الوجيه اللي أليا غـاب واليـه
    وانا من اللـي لويطـول أنتظـاره=ابوه قبـل يمـوت بذّْنْـه موصيـه
    ولوتاب قلبـي قلـت جعلـه وداره=وياخو (معيض) القلب ماهو بناسيـه
    موتـي سببهـا لاتعـده خـسـاره=فـدوه لهـا (كلي)لوالـروح تفنيـه
    والـرد يكفـي زبدتـه واختصـاره=واللـي تقـولـه (لدليهي)يكفـيـه[/poem]

    [align=center]للمعلوميه لست من يشرب التدخين /والتطرق له في القصيده مجرد توظيف فقط[/align]

  2. #2
    ... عضو ذهبي ...


    تاريخ التسجيل
    Feb 2007
    الدولة
    فلسطين
    المشاركات
    722
    معدل تقييم المستوى
    1

    افتراضي

    بسم الله الرحمن الرحيم



    الله اكبر

    الله الله الله

    صح الله السانك


    عدد النجوم


    ولد عمي ولا تهون


    لك مني اجمل تحيه

  3. #3
    عـينـــكـ غــديــر


    تاريخ التسجيل
    Oct 2004
    المشاركات
    7,861
    معدل تقييم المستوى
    8

    افتراضي

    الله الله الله

    يابو سعد

    صح السانك

    الجبيل وضواحيه والمستوصف الاهلي

    وكل شبر في الجبيل له ذكريات


    الله ياوب سعد

    صح السانك

  4. #4
    ... عضو نشيط ...


    تاريخ التسجيل
    Sep 2005
    المشاركات
    43
    معدل تقييم المستوى
    0

    افتراضي

    صح الساانك

    ولاهنت على القصيده

    رائعــــــه مثل راعيــــــهاا

    تقبلي مروووووووري

    دمت بود وصحـه

    تحيتي لكـ ،،

  5. #5
    ][.. شــاعــر ممــيز.. ][


    تاريخ التسجيل
    Aug 2006
    المشاركات
    349
    معدل تقييم المستوى
    1

    افتراضي

    حي والله هالعين يا اختصار


    وحي هالجزاااله


    قصيده جزله من رااس جزل ورائعه

    ابدعت بالتصوير


    صح لسااااااانك لين ترضى ولاهنت



    دمت بخير


    تحيتي

صفحة 1 من 11 123 ... الأخيرةالأخيرة

المواضيع المتشابهه

  1. ما أقول الصدر ضايق اقول الكون فيني ضاق ..!!
    بواسطة آحوال في المنتدى قصائد وخواطر
    مشاركات: 11
    آخر مشاركة: 06-05-2010, 10:29 PM
  2. الي ضايق صدرة فقط هو الي يدخل ...
    بواسطة أسـرآر الـغـلآ في المنتدى الارشيف
    مشاركات: 26
    آخر مشاركة: 15-09-2008, 02:32 AM
  3. ][][§¤°^°¤§][][ضايق خلقك ؟؟؟ ادخل هنا][][§¤°^°¤§][][
    بواسطة !! الـــهـــرم !! في المنتدى الارشيف
    مشاركات: 2
    آخر مشاركة: 01-06-2006, 07:46 PM
  4. ^*^يا ضايق الصدر^*^
    بواسطة اشــلــي في المنتدى قصائد وخواطر
    مشاركات: 5
    آخر مشاركة: 20-05-2006, 08:33 PM
  5. *·~-.¸وش فيك ضايق ياقلبي¸,.-~*
    بواسطة عذاب الـ ع ـين في المنتدى الارشيف
    مشاركات: 16
    آخر مشاركة: 09-07-2005, 07:11 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52