صفحة 1 من 2 12 الأخيرةالأخيرة
النتائج 1 إلى 5 من 7

الموضوع: }}}} أبـــــــــو شو شـــــــه فتى العشـــــــه {{{ روايه من حـــــارتنا {{{

  1. #1
    ~الـ ج ـروح ماتـ،ـروح~


    تاريخ التسجيل
    Nov 2004
    المشاركات
    14,287
    معدل تقييم المستوى
    16

    افتراضي }}}} أبـــــــــو شو شـــــــه فتى العشـــــــه {{{ روايه من حـــــارتنا {{{

    مساكم الله بالخير و حيالله أهل القهوة
    يا جماعه على طاري القهوة والله يا هي حر من جد هذا وتونا على قولهم ما بعد جا طباخ الرطب مدري التمر وعلى رواية الرهيب طباخ التمر عباته
    ودك الواحد معد يطلع إلا بثلج بس المشكلة بعد تخاف يفهمونك غلط
    وعلى طاري الثلج اليوم وأنا في مشواري الصباحي أتجول في أرجاء مدينة الرياض في هالبراد يالله من فضلك درجه الحرارة 45 الله لا يغير علينا وميت من الحر ومكيف السيارة شغال وما كنه شغال(المشكله من المكيف لا تظلمون الجو) قعدت أتذكر أيام الطفولة كيف كنا نستحمل هالحر أو ما كان لهالدرجة أو بالأصح ما ندري عنه ؟
    تخبرون عاد مع الحر اللطيف تطلع لك ذكريات وأفكار مدري وش تبي
    ما طرى على بالي الا واحد من عيال حارتنا الله يذكره بالخير يقاله سعيدان ويدلعونه ابو وشه (يعني فيه وشه في راسه)
    سعيدان كان من اكبر بزارين الحاره هاك الايام كان معيد في سادس ابتدائي 4 سنوات واخر شي راح لديرتهم القريبه من الرياض يعرف له واحد ونجحوه مع حقين الليلي بالدف والترفيس



    وبعد ما تخرج سوينا له حفله بالحاره وقطينا له وشرينا كيكه تخبرون هو الكبير وحاط نفسه من اعيان الحاره
    وش تحسبون صار معه شهاده كبيره بعد معه السادسه من قده
    تخبرون منول السادسه تحكي ويسمونها شهاده زي التوجيهي الحين ان ما كانت اقوى من الجامعه
    سعيدان حب يشتغل لكن كل ما راح وزاره او أي مكان سوو له اختبار قبول مبدئي بس ماش يدرون انه ما عندك احد

    ويقولون له البند ما يسمح ومن هالتصريفات مع العلم انهم هاك الايام يتشفقون الي يجيهم مهوب زي هالوقت
    اخيراً الولد يئس وما يبي يتفشل قدامنا كل ما قلنا له متى تتوظف قال والله طالبيني الاماره يبون يحطوني امير
    على احد ذالقرى الي حول الرياض وأنا عييت
    حتى مرسلين لابوي يبونه يكلمني و قلت إذا ما تعطوني اماره على حارتنا والا ما ابي

    حنا نقول في انفسنا الله من المهايط يا سعيدان بالقوه تبي تصير مهم بس ما نبي نجرحه

    وبعد فتره من كثر ما اوذا ذا الدواير الحكوميه ارسلوا شهادته يتأكدون منها

    طلع الي ناجح ولد عمه بنفس الاسم مهوب هو صار هو مختبر مع حقين خامس من الدلاخه وسحبوا شهادته منه ذالي كان باز علينا فيها


    مشت الايام وهو تبطح وتسدح في ذالشوارع وكل ماله وتزيد وشته
    حتى ابوه بحل فيه لا شغل ولا مشغله قبل يموت الله يرحمه اوصى بثلث ماله براده وحجه ووقف يصرف على سعيدان ابو وشه لانه داري انه بعد موته محدن بازيه
    كبرنا يا عيال الحاره ودرسنا الي تخرج طبيب والي ضابط والي مهندس والي الله وفقه وصار تاجر وابو وشه مكانك سر

    عيال الحاره يجتمعون من فتره لفتره

    ومدري من هالمقرود الي دل سعيدان علينا وصار يجي للاجتماع رحبنا فيه بالبدايه ورحمناه وصار يجلس ويتصدر المجلس وهاك يا شلخ من قوي شلخاته يقول انه باغي يصير مكان عمر موسى في جامعة الدول العربيه لكن ابو عمر راح لامير الرياض يطلبه ويقول افهزو ولدكم عنا وعلشان كذا ما حبيت اكسر كلمة طويل العمر الي قال لابو عمر ابشر ولدنا نمون عليه وبنقنعه
    وقام يهلس علينا وحنا نسلك له لكن الرجال كبر وزاد هباله ولا زال يبي يكون هو العمده صار يبي يلفت الاضواء له باي طريقه وابيخ شي اذا قام يعيد ويزيد في امجاده القديمه يومه يلاحق القطاوه وانه اسرع من يلحق سيارة الفليت واحسن من يرجم الزيود

    ثم ما تدري الا يخطم عليك يوم ويقول بترك الشله معد يحترموني ولا يقدرون بطولاتي ومره يقول فلان غيروه علي ومره يقول فلان معد يحبني صدق والله انلحس
    ومره جانا لابس ملابس الله لا يبلانا أتوقع بعض المهبل إذا كبر اختلف لا حول ولا قوة إلا بالله صدق موسوس (ولك الحق بالتلاعب في الحروف يا الرهيب)

    الادهى والامر انه كل ما شاف له وحده من ذالفنانات يقول ذي لا تهمكم مرقمتني
    ومقابلها عند قصر افراح بس طلعت شينه وشطفتها
    حتى منه شلبي يقول مواعدها عند قصر افراح في الشفاء من جد منلحس الولد
    للحديث بقيه إن الله عطانا عمر وأعلمكم تاليته


    أو خي كم

    حـــــــــــــــــــــيران البطران

  2. #2
    ][..صغيره بس خطيره سابقا .. ][


    تاريخ التسجيل
    Jan 2006
    الدولة
    قلب أبوي
    المشاركات
    581
    معدل تقييم المستوى
    1

    افتراضي

    ههههههههههههه
    ياحلو سوالفك
    سلملي على سعيدانوووه

  3. #3
    ~الـ ج ـروح ماتـ،ـروح~


    تاريخ التسجيل
    Nov 2004
    المشاركات
    14,287
    معدل تقييم المستوى
    16

    افتراضي

    [glow=00FFFF]
    اقتباس المشاركة الأصلية كتبت بواسطة حياة بلاحياة مشاهدة المشاركة
    ههههههههههههه
    ياحلو سوالفك
    سلملي على سعيدانوووه




    حياة بلاحياة



    سواليفك احلى وتسلمين على هالمدحه



    وبعدين شويش على الضحك من قوة ضحكتك


    أشوف معدتك ههههه



    ويبلغ انشاء الله بس من اقوله هههههههه


    الأخ
    حــــــــــيران [/glow]

  4. #4
    كبآآر الشخصيآت

    تاريخ التسجيل
    Feb 2006
    المشاركات
    15,991
    معدل تقييم المستوى
    16

    افتراضي

    ودك الواحد معد يطلع إلا بثلج بس المشكلة بعد تخاف يفهمونك غلط
    ليه وش فيه الثلج علشان يفهمونك غلط <<<<<على نياته

    خويك هذا نصاب نمره واستماره

    ههههههاي

    حيران

    يعطيك الف عافيه

    وبانتظار تاليتها

    تحيتي لك,,,

  5. #5
    ~الـ ج ـروح ماتـ،ـروح~


    تاريخ التسجيل
    Nov 2004
    المشاركات
    14,287
    معدل تقييم المستوى
    16

    افتراضي

    [glow=00FFFF]
    اقتباس المشاركة الأصلية كتبت بواسطة كاتـم الآهــات مشاهدة المشاركة
    ليه وش فيه الثلج علشان يفهمونك غلط <<<<<على نياته

    خويك هذا نصاب نمره واستماره

    ههههههاي

    حيران

    يعطيك الف عافيه

    وبانتظار تاليتها

    تحيتي لك,,,


    كتوم لاتدقق الله يعطيك العافيه


    ياهلا حياك ياكاتوووووووم



    تشرفنا تشنكراتي

    الاخ
    حيران [/glow]

صفحة 1 من 2 12 الأخيرةالأخيرة

المواضيع المتشابهه

  1. روايه بنات في سن الزهور.. من تأليفي..
    بواسطة بنت فزعه في المنتدى قصائد وخواطر
    مشاركات: 7
    آخر مشاركة: 25-08-2008, 02:52 AM
  2. زهــــــــــور الحب >>> روايه سعوديه
    بواسطة موكـآ في المنتدى قصائد وخواطر
    مشاركات: 13
    آخر مشاركة: 18-07-2008, 08:12 PM
  3. سعوديــــات في بريطــــانيـــا ( روايه )
    بواسطة أحلى عسوله في المنتدى الارشيف
    مشاركات: 1
    آخر مشاركة: 27-09-2007, 02:45 AM
  4. سعوديــــــــات في بريطانيا (روايه رمنسيه)
    بواسطة نونه الحلوه في المنتدى قصائد وخواطر
    مشاركات: 254
    آخر مشاركة: 22-09-2007, 07:06 PM
  5. حكايه ام روايه؟
    بواسطة رودي في المنتدى قصائد وخواطر
    مشاركات: 3
    آخر مشاركة: 18-09-2006, 08:45 PM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52