صفحة 1 من 12 12311 ... الأخيرةالأخيرة
النتائج 1 إلى 5 من 56

الموضوع: قصتي الحقيقيه ’’ شابه << مقعده << عاجزه,,,

  1. #1
    البتبوتهـ الشقيهـ


    تاريخ التسجيل
    Jul 2007
    الدولة
    الشـ ـ ـر ـ ـقـ ـ ـ ـيه
    المشاركات
    2,281
    معدل تقييم المستوى
    0

    Unlove قصتي الحقيقيه ’’ شابه << مقعده << عاجزه,,,

    بسم الله الرحمن الرحيمــ

    ابتدي لكم قصتي,,

    انا شابه عمري 18 سنه

    وقصتي يوم كنت 17 سنه الى الان

    السنه الماضيه رحنا سوريا.. وفي طريق رجعتنا من سوريا صارت قصتي وابتدت حياتي

    في النقل الجماعي,, طبعا معنا عوائل وفي عائله معهم شاب,,وهذا الشاب لفت انتباهي ..

    ومنها تعرفت عليه وظليت اكلمه حوالي السنه الى الاسبوعين الاخرين من اليوم,,

    اقول لكم,,

    طبعا وحنا في الباص صارت لنا مواقف كثيره وهذي المواقف قربتني منه,,

    منها:::

    .......................................

    :+: موقف 1 :+:

    طبعا كل واحد يجحز له كراسي بأسمه اول ماركبت كان اشوف الكرسي حقي قاعده عليه وحده كان اصارخ عليها واهجم عليها

    قلت لها قومي من الكرسي حقي وقالت لي في وحده على كرسيي قوميها اوقم من كرسيك قلت لها انتي وياها تنجازون انا وش
    دخلني وكان يتدخل اخوها البطل ويصارخ علي لاني صارخت على اخته وصار الي صار ونزلنا كلنا من الباص وقال عائله فلان
    تركب اول عائله وتاخذ كراسيها << طبعا كنا حنااول عائله ,,

    :+:+ موقف 2 :+:

    وقفنا عند حديثه علشان التفتيش.. المهم كلنا نزلنا من الباص وامه على طول راحت اكرمكم الله دوره المياه المهم وشوي انا
    واختي بنروح دوره المياه كان اشوفه يلحقنا وكان حامل اخته الصغيره على كتفه المهم كان يلحقنا ويلحقنا ووصلنا عند البوابه
    واشوفه بيدخل وارانا كان التفت عليه وصارخ في وجهه (( خير وش تبي )) كان يطالعني وبكل براءه يقول بعطي اختي
    لامي << اصلا هو خاف من الصراخ <<< اتركدي..

    :+: موقف 3 :+:

    يوم دخلنا السعوديه طبعا كل الجوالات ترن ترن ترن ترحب بيكم... المهم اخوي فتح جواله وفتح البلوتوث ولقينا اسماء
    كثيره,, واخوي رسل لوحده اسمها (( عمتهم )) رسل لها فايروس المهم كان انا واخوي ننتظر مين بيصارخ كان
    نسمع ذاك الصوت الي يقوول ياوليدي تعال شوف الجوال طفى في وجهي مدري وش فيه

    اثريها طلعت امه <<< ههههههههههههه <<< وانا واخوي ميتين ضحك,,

    .......................................

    المهم,,,

    قبل ماانزل تعرفت عليه شلون لاتسألون؟؟,,,,,,,

    طيب ومرت الايام ومرت الاسابيع ومرت الشهور بس مامرت السنين,,

    وبكل صراحه حبيته من قلب وحسيت انه يحبني من قلب..

    يعني صرنا حبايبــ

    بدخل لكم بالسالفه في يوم من الايام تقدر لي واحد مانعرفه يقول سامع عنا المهم,,

    اول ماجا طبعا انا رفضت بدون مقدمات وبدون سؤال وجواب ولف ودوران,, لاني كنت احب

    ويوم قلت لـحبيبي اني رفضت قال لي (( كفوا ))

    قلت له ليش كفوا قال لاني احبــــــــــــــــــــــــــــك

    .......................................

    ومرت الايام الي بعدها وانا احبه وهو يحبني

    وكل يوم حبه في قلبي يكبر وحبي في قلبه يكبر,,

    .......................................

    وجا يوم ثاني وتقدم لي (( واحد )) بس هالموه مو اي واحد كان ولد عمي,,

    فكان صعبه اني ارفض على طول بعد تفكير وجهداً جهيد

    ودقيت على حبيبي وقلت له وش اسوي اوافق ولا لا ,,؟؟

    اورح في حال سبيلي ولا لا؟؟

    قال لي لا لاتروحين

    قلت له وبس كل مره كذا يعني مااتزوج

    قال ومن قال انك مابتتزوجين

    قلت له كلامك

    قال انا ابغاك,,,

    هو قال هذي الكلمه انا بدون ماافكر رفضت ولد عمي’’’’

    .......................................

    ومرت الايام الي بعدها وظلينا نحب بعضنا وكنا نتحلم بأشياء كثيره بالمسقبل لانه يبغاني وانا ابغاه

    وجا يوم <<<< بس مو خطوبه هذي المره لا,,,’’’

    هالمره مشكله مع اهله,, قال لهم انه يبغى يتزوج طبعا امه فرحت ولولشت ويببت وصفقت وسوت الي عليها

    قالت له هذي الساعه المباركه الي فكرت فيها تتزوج قال لها والبنت قالت له موجوده بنت خالتك << يعني بنت اختها

    طبعا هو حاول يفهم امه انه مايبي بنت خالته قالت له اجل مين تبي قال لها وحده من عائله كذا

    قالت له لا مستحيل قال لها ليش هم من عائله محترمه وماعليهم كلام قالت له والنعم فيهم بس زواج من برا العائله مافي

    يعني امه تبيه ياخذ من عائلتهم ولا مافي زواج,,’’

    طبعا انا الي خلاني اتعلق فيه اكثر واكثر مو بس كلام يقوله لي لا كنت اسمع الكلام الي يدور بين امه وبينه وبين ابوه وبينه وبين

    اخته وبينه وبين كل العائله وبينه كان يحط الجوال وكنت اسمع كل كلامهم وعشان كذا كل يوم احبه اكثر’’,,

    وكان يمر في حالات صعبه علشان كذا انا دايما ارفض الي يجوني لانه جد يبغاني’’

    وجا يوم اسود جا تقدر لي صديق اخويــ

    وهذا اليوم سميته بالسود لان امي قامت تبكي وتقول لي ليش انتي دايما ترفضين

    خليني افرح فيك ليش ليش؟؟

    وانا ماتحملت دموع امي قدامي ودقيت عليه وقلت له خلال اسبوع لوماجيت انا بوافق على غيرك لان دموع امي مااقدر عليها

    وقام يبكي <<< وخلوني اثنينهم ابكي,,’’

    وقفلت منه وظليت انا محتاره بين امي وحبيبي,,

    كانت دموع امي غاليه علي كثير

    بس وبكل صراحه دموع حبيبي اثرت فيني اكثر,,

    فرفضت من جديد..

    .......................................

    وفرح حبيبي كالعاده وهو يحاول مع اهله وان شااء الله خير كان وقتها,,



















    لحظــــ ـــــــ ــــــــــ ــــــــــ ـــــــــه

    باقي

    هذي اللحظه المؤلمه بحياتي

    هذي اللحظه الصادمه بقلبي

    هذه اللحظه الكاتمه على عيني

    هذه اللحظه الرهيبـــــــــــه

    جا يوم




    وصار ي حادث <<< قبل سبوعين

    وهذا الحادث الحمد لله كان خفيف بس

    خلاني ((مقعده )) بس الحمد لله الدكتور عطاني امل وقال لي انشاء الله خلال كم شهو انا امشي بأذن الله

    وعلى طول دقيت على حبيبي وقلت له اني انا صار لي حادث وهذا الخبر صدمه بقوه

    ومع ذلك قال لي احبـــــــــــــك

    انا فرحت مووووت

    بســـ

    قال لي بعدها

    مااقدر اخذ وحده عاجزه’’

    وقفل على طول وغير رقمه من بعدها’’

    وكانت مراحلي بالنسبه له,,

    شابه << مقعده << عاجزه

    بس انا اصرخ بكـــــــــــــــــــــــــــل

    صوووووتي وربي مانيب عاجزه ابمشي واكسر عينه ابمشي واروح لعند بابهم

    بأذن الله راح امشيــ

    وربي مو عاجزهــ

    واعذروني في كلام ماقدرت اقوله لكم بس وربي لانه يجرحني ويجدد اشياء انتهت

    ادعو لي اني امشي,,

    في امانـ اللهـ

  2. #2
    كبآآر الشخصيآت

    تاريخ التسجيل
    Feb 2006
    الدولة
    قلعة و1درين
    المشاركات
    12,600
    معدل تقييم المستوى
    14

    افتراضي

    لاتعليق على قصتك..


    الله يحقق لك مرادك

  3. #3
    كبآآر الشخصيآت

    تاريخ التسجيل
    Sep 2006
    الدولة
    بين نفسي وبيني ..
    المشاركات
    7,735
    معدل تقييم المستوى
    9

    افتراضي


    تبين الحـق كنت منتظـرهـ وانـا اقرء قصتك اني القى مقلب بالاخـر


    مدري واللـه شقولك وين كان عقلك يوم ضيعتي فرصتين من يدك عشان وهـم ...!!


    واي حب واي خرابيـط اللي تتكلمين عنهـا ...!!


    اللـه يهديك ويصلحك


    وشلوون ترضين تحطين نفسك بمكان ان الغير يرضون فيك سواء اهله او غيرهـم


    لو من البدايـه عزيتِ نفسك عنـه وماعطيتيـه وجـه كان عرف قدرك وقيمتك زين


    وكان حارب اهلـه وعمل المستحيـل عشانك لكـن اسمحيلي اقول لك انتِ الغلطانـه


    لإنك ارخصتِ نفسك لواحـد مثلـه ..!!


    عمـومـاً اللحين ماينفـع لا العتب ولا اللـوم مافيه غيـر اننـا نقول اللـه يشافيـك


    ويقومك بالسلامـه وزين انهـا وصلت لحـد هنـا


    والمعذرهـ على كلامي لكن وربي من زعلي عليك

  4. #4
    ... V I P...


    تاريخ التسجيل
    Apr 2007
    الدولة
    مع زوجي :)
    المشاركات
    5,523
    معدل تقييم المستوى
    6

    افتراضي

    قـصـتــك مؤلمة أختي الغــآلــيــة وأتمنى تكون عبرة لك ولغيرك !!

    الله يستر عليك وعلى بنــآت المسلمين يــآرب

    اتمنى لك الشفاء العاجل وانتبهي لنفسك زين

    &
    &
    &

    ودي ووردي

  5. #5

    ][ عــضــو الـتـمـيـز ][


    تاريخ التسجيل
    Dec 2004
    المشاركات
    10,097
    معدل تقييم المستوى
    11

    افتراضي

    ؛:؛

    اللهـ يحقق لكـ كل ما تتمنين و تتزوجين الي تحبين يــارب

    بس سؤال

    شلون تقولين يحبك و من قلتي له ان صار لك حادث يسكر جواله و يغير رقمه

    ليه هالتصرف يعني وتسمين ذا حب

    طلع ع حقيقته / ويمكن لك خير في تركهـ

    ويارب تقومين بالسلامه و النهايه تكون خير ان شاء الله

    دعوااتي لكـِ

    ؛:؛

صفحة 1 من 12 12311 ... الأخيرةالأخيرة

المواضيع المتشابهه

  1. مشاركات: 14
    آخر مشاركة: 27-05-2010, 02:08 PM
  2. شابه حيرت الشباااب بجماااالهاااا
    بواسطة فتاة داورد في المنتدى الارشيف
    مشاركات: 28
    آخر مشاركة: 20-11-2007, 09:53 PM
  3. صرخة شابه سعودية..!!!؟؟؟
    بواسطة صدى الامال في المنتدى الارشيف
    مشاركات: 22
    آخر مشاركة: 16-07-2006, 03:07 AM
  4. شابه تحاول اغتصاب شاب بالصور
    بواسطة alian_2010 في المنتدى الارشيف
    مشاركات: 23
    آخر مشاركة: 30-05-2006, 01:14 AM

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52