صفحة 1 من 2 12 الأخيرةالأخيرة
النتائج 1 إلى 5 من 7

الموضوع: علـُى كـُف ـآلقدرٍ نمشـُي وٍلاندرٍي عنْ المكـَتوٍب

  1. #1
    ... عضو نشيط ...


    تاريخ التسجيل
    Jul 2007
    المشاركات
    71
    معدل تقييم المستوى
    1

    Unlove علـُى كـُف ـآلقدرٍ نمشـُي وٍلاندرٍي عنْ المكـَتوٍب

    [align=center][align=center]

    هلا باللي نور قصتي بدخوله .. حتى ولو مر طيفه عليها ..
    لكنه رسم فرحة في قلبي اسميتها زيارة .. ولو تزيد اسميها قراءة ..
    مراحب فيكم ولو زدت التراحيب .. ما بوفي قدر ترحيبي فهواكم ..
    واللي ابيه تواضع .. تواضع منكم وتقرأوا قصة من نزف اقلامي وحبرها ..
    وما اتمنى غير انها تعجبكم .. وتعجب كل عين تناظرها ..
    وحتى لو انها مو حلوة .. رايكم هو بحليها ..
    وانا ببدأ واسرد في بدايتها .. ومع الأيام نهايتها ..
    واترككم مع القصة .. واللي اسميتها ..
    على كف القدر نمشي ولا ندري عن المكتوب
    كتاب الرواية :ـوٍرٍدهـ ح ـآميهآ ـآلشوٍكـَ _ ـوٍرٍدهآ ج ـوٍرٍي ..
    * اللغـة المستخدمـة : اللغة العاميـة مطعمه أحيانا ببعض الكلمات الفصيحة.
    القصــة مزيــج من أحــداث حقيقيــة وأخـرى من الخيـال

    الحياة فيها وفيها.. فيها الفرح ذروة لكل فرحان .. وفيها الحزن لكل مهموم وحزنان .. وفيها اللي حاله ما يسر انسان .. وفيها الوفي .. وفيها الخاين الغدار .. وفيها اللي حقة في هالدنيا ما يبان .. وفيها اللي يتربى على الحرمان .. وفيها اللي يبصم بإيده انه ندمان .. وفيها اللي عمره ما يسمع كلام الناس ويضيع حيران .. وفيها الربحان وفيها الخسران .. وفيها كل بشر ضمآن .. وفيها وفيها .. وفيها انسان ما يبخل بمشاعر صدق واحساس .. وفيها اللي حياته مليانه كذب واخداع ..,,



    الشخصيات الرئيسية
    عائلة (ناصر) أبوخالد " اخو ابو طلال من ابوه "
    أولاده – خالد 25 (شآب وسيم بالحيـل ..في شبـه كبير من نوٍف ..طيوٍب وينحب ..اقرب واحد لـ نوف يشكي لهآ همومه ..يحب بنت عمه حمد نوٍرهـ ..)

    _ احمد 22 سنهـ " شاب جميل ورزه وكشخه كل بنت تتمناه بس فيه غرررررور يدرس بجامعة البترول والمعادن

    _ رائد 18 سنهـ " ثاني علمي مملوح بشكل يموت بشي اسمه بنات


    بناته _ نوف 20سنهـ " تدرس في الجامعهـ قسم المحاسبهـ .. لون بشرتها قمحي مايل الى الابيض . شعرها يوصل قريب ركبهآ .. مليانه بس جسمها رهيب .. هوايتها الرسم ..طيوبه حيل ..عشقهآ خالد اخوهآ....عيونهآ تذبـح ..خشمهآ مثل السيف ..خدودهآ دايم ورديه ..خجوله بشكل غير طبيعي ..بااختصآر قمـه في الجمال .. " تكره شي اسمه رجال
    _ وعد 24 سنهـ " اكبر البنات بالبيت .. شريره ماتحب غير نفسها
    _ احلام 14 سنهـ " دلوعه بشكل علشان انه اصغر وحده ببيتهم ..
    زوجتهـ " منيرهـ" ربة بيت . فيها صفه مو حلوه بعدين راح تعرفون ..

    عائلة (سعد وهو تاجر غني مدلع عياله) أبو سامي " اخو أبو حاتم وشريكه في كل شي "
    أولاده-سامي-30 سنه متزوج هدى بنت عمه شاب وسيم طيب قلبه شخصيه محبوبه من الجميع يموت على هدى بشكل غير طبيعي

    _ تركي _ 27 .. شاب ذو شخصيه قويهـ فيهـ من جمال ماجد و هوياته الشعر
    _ ماجد 22 تؤام ريم ..حلو بمعنى الكلمه اسمر البشره وشعره اسود مثل سواد الليل طويل اشوي ناعم مره جسمه حلو طويل وعيونه سود كحيله وعليه رموش كثيفه وناعسهـ وعنده جاذبيه تجذب البنات وعليه خفة دم مو طبعيه فيه من ملامح ريم حلمهـ يكون دكتور
    _ بندر 18 سنه " اخرالعنقود يموت على شي اسمه بلاي ستيشن عصبي اشوي بس حبوب

    بناته – سعاد 24 سنهـ " طيبهـ حنونهـ شخصيتهـ مستقلهـ فيها جمال رباني "
    – ريم 22 سنهـ " المدلعة مرة حلوة ونعومة تموت على تؤامها ماجد " تدرس مع نوف بالجامعه " بيضاء .. شعرها طويل يوصل لين نص ظهرها .. عيونها ناعسهـ .. رشيقهـ .. الكل يتمنها .. تموت على خويتها نوره هوايتها " ركوب الخيل وكتابة الخواطر " الحزن ساكن بقلبها "

    - منال 19 سنه " حبوبه مره تموت على الرقص مثل هبه "
    زوجتهـ" وضحى " مديرة مدرسه " حنونه



    عائلة (حمد) أبو طلال " اخوابو خالد من امه وابوه "
    أولاده – طلال 31 سنه يشتغل بالقاعده الجويه بالظهران

    بناته _هدى 25 طيبه وخلوقه وهي زوجة سامي

    _ ونوره 22 " ملامحها هنديه جنان يكفي عيونها كانها عيون المها حلمها تكون مع ريم في كل شي .. بس راح تعرفون وش الي فرق بينهم ..

    زوجتهـ" أمنهـ " ربت بيت " مرضت بسكر والضغط يوم عرفت حال بنتها "




    عآئلة (محمد) أبو حآتم " اخو أبوسامي "
    أولادهـ من زوجتهـ الاولى " حصهـ " ماتحب غير نفسها تهتم بالمظهر "

    ـ حاتم 29 شباب حبوب دبدوب يموت في شي اسمه نت
    ـ مشعل 24 "وسيم الي يشوف يقول الشاعر عبد الرحمن بن مساعد "

    ـ نايف 19 " طويل هيبه .. هويته لعب الكوره .. السباحه .. لون بشرته برونزي .. عيونه اسود مايله على العسلي ..

    من زوجتهـ الثآنيهـ " سميرهـ " هذي بعد مغروره بس تظاهر انها طيبه "
    عبد الرحمن 8 يدرس في مدرسه خاصه انطوائى من هو صغير
    ـ محمد (جابته بعـد موٍت الاب ) طلع على الدنيا وهو ماشاف ابوهـ
    طبعا البنات من الاولى
    بنآتهـ ـ أبرآر 23 " بنت حبوبه غير عن امها بكثير فيها جمال على انها سمرهـ بس سمارها رهيب وعيونها بجد واسعه "
    ـ فتون 17حبوبه شخصه مرحه تدرس اخر سنه علمي طموحها في الحياه تصير طبيبة اطفال
    ـ ليآن 11 وحبوبه وتحب الناس وتحب الضحك
    والسولف, وتكرهـ شي اسمه درااااااااسه, وابوها متوفي وهي صغيره يعني يتيمه




    عآئلهـ (يآسر) ابو ملاك " زوج اخت ابو رامي "

    متزوٍج ثنتين الاولى " سارهـ " _ الثانيهـ" دارين "

    عندهـ من الاولى
    ـ ملاِكـ 23" اسم على مسمى لهاء بتسامه جذابه تكسر الصخر
    ـ خلوٍد 21 " تدرس في الكليه الادبيه طيبه وروحه رياضيه
    - شذى 16" هي اصغر عياله دلع بغير شكل وراح تعرفون ايش راح يصير لها من الغرور ..
    وٍمن السوٍريهـ ـ

    ـ ريتآل 19" غير عن طبع امها جميله فيها جمال فتان وملامح سوريه



    عـائلة ( سالم ) " أبو رامي " يشتغل في شركة بو سامي "

    اولادهـ رامي 30 يشتغل في شركة ارامكو " لها شخصيه قويه

    _ سطام 20 يكره شي اسمه دراسه اشتغل من هو صغير في الحرس


    _ فيصل 9 دلوع بشكل يبي كل شي له

    بنآتهـ _هبهـ 21 طيوبه جميله جدا نعومه كلشي فيها ناعم حركاتها وملامح وجهها شعرها بني فاتح وعيونها عسليه ورموشها كثيفه وطويله من هوياتها الرقص شخصيه مرحه تقدرون تقولو انها خفيفة دم ..

    _ رزان 17 للحين تدرس شعرها اشقرقصته فراشه وعيونها لونها خضراء ولون بشرتها بيضه شكله صايره مثل الامريكيه لنها مولود هناك دايم يسمونها الأمريكيه
    طبعها " دلع شايفه حالها
    زوجتهـ " سحر "
    [/align]

    على كف القدر نمشي ولا ندري عن المكتوب
    عبارة كنت أرددها صدق من صاغ معناها

    مشينا دون لا ندري وشربـنا من بـلاهـا كـوب
    وهـذي حال الـدنـيـا رمـتـنـا مـا رمـيـنـاهـا

    تضحكنا تبكـيـنـا تـمـشـيـنـا على المـطـلوب
    على كف القـدر نـمـشـي دروب ما رميناها

    من الكاسب من الخاسر من الفايز من المغلوب
    مع الأيام تـحـصـدنـا وحـنـا ما حصـدنـاهـا

    وأنا واحد من الآلاف أعيش بعالمي مرعوب
    أحس الأرض مهزوزة من أدناها لا أقصاها

    نظرت الناس من حولي وكم بالناس هو منكوب
    حوادث هزه الوجـدان أجـل بالعـيـن شفناها

    ألا يا عـمـري الفاني ألا يا حـقـي الـمـسـلـوب
    متى عـيـنـي بليل الياس لـذيـذ النوم يهـنـاها

    متى يحـالفـنـي الحظ ويصحح وضعـي المـقـلـوب
    يعـدل قسـوة الأيام وغلطة ما ارتـكـبـنـاهـا




    يمـه يمـــــــه وٍينكـ "
    أم خالد "هلا خالد كآني هنآ"
    خالد وهو يبوٍس رآسهآ" يمـه حبيبتي وٍين نوٍف"
    أم خالد "فوٍق قآعدهـ مع وٍعـد بغرفتهآ "
    خالد وٍهوٍ مستعجل "آنزين يمـه عن اذنكـ بطلع لهآ"
    أم خالد تحس أنوٍ وٍلدهآ فيه شي "خالد يمـه شفيكـ عسى خيـر"
    أبتسم لـ أمه عشآن يطمنهآ"خير يمه لا تخافين يالله اخليك بطلع لهآ"
    أم خالد"الحمد لله طمنتني ..روح حبيبي ربك معكـ"

    بآس رآسهآ وطلـع سريع لـ أختهـ وٍطق البآب وفتحـهـ بشوٍيش وهوٍ مبتسم
    خالد"يامسآء الوٍرد "
    نوٍف ووعد بصـوٍت وٍاحد"مسآء النوٍر "
    وعد بـ اسلوب ينرفز "وٍانت يالاخ مآنشوفكـ الا اذ1 عندكـ شي خيـر ليش جآي "
    نوٍف فطست ضحكـ "وعدوهـ حدكـ يادوبآ كله وٍلاخلودي"
    خآلد بقهـر "اقوٍل يالاخت وعد تقدريـن تقلبين وجهكـ ابي نوٍف بكلمه رآس"
    وعد وهي تنسدح ع سرير نوٍف "اقوٍل نوٍف متى اخر مره جلست ويآكـ وحشتيني "
    فهمت نوٍف عليهآ وفطست ضحكـ على حركـاتهم "هههههههههههههههههههه توحشكـ العافيه طوٍسـي يالله انآ بعد ابيهـ بموضوع "
    تفشلت وعد ع بالهآ بتوقف معهآ "انزين أمري لله "

    طلعت وعد وٍهي كلهآ قهـر من خالد (آآهـ ياقهري ياخالد انآ وٍأنت وٍالزمـن طوٍيل )



    "اقول نايف طفش وٍلا أنآ غلطآن "
    مشعل"لا منت غلطان حبيبي ميه ميه عليكـ "
    "هيه انت وٍهوٍ لا تطفشوٍنآ زيآدهـ قوٍمـوٍ خل نروٍح للمارينا مول "
    مشعل بملل "نايف عندكـ الباب وش كبرهـ تبي تروح روح حنآ مآنبي"
    نايف بـ حمآس"ليـه ياسوبرمآن اقول بلا دلع قم بس قم وربي فله خل نرقم كم جيكرهـ "
    مشعل بـ عصبيه "روٍحوٍ انتم آنآ مآني متحركـ من هنآ"
    غمـز نايف لـ بندر وٍقآموٍ بيطلعوٍن
    نايف "اوٍكي حنآ بنروح واذ1 تبي تجي حيآكـ اوكـ يالله سلام "


    وٍخرجوٍ من الملحق . حس مشعل بملل (خل اقوم ويآهم ولا بلاش اجلس بالبيت ارحم لي )


    سكر البآب بالمفتآح وٍهي حست انوٍ فيه شي (يارب استـر )

    جلس جنبهآ "كيف صحتكـ الحين"
    نوف بـ ابتسآمه تشرح الصدر "بخير حبيبي كيفك انت"
    خالد وهوٍ يمسكـ يدهآ "انآ بخير الحمد لله ..شوٍفي بخش بالموٍضوٍع من غير لف ودوران"
    ضحكـت نوف "هههههههه تسوي خير تدري اني مااحب اللف والدوران فديتكـ"
    خالد بتوتر"اووكي اسمعيني تعرفين عمـر صديقي"
    نوف بااستغراب "ايـه اعرفـه وش فيـه"
    خالد باأبتسآمه "طلب يدكـ مني وٍابي رآيكـ "
    نوف "اممممم خالد انت تدري اني رافضـه فكرت الزواج واني ابي .."قاطعهآ ومآخلاهآ تكمل كلامهآ

    خالد "نوفي حياتي ادري وربي ادري بس يابنت خطابكـ كثروٍ والعمر يمشي وٍانتي للحين رافضـه"
    نوف ودموعهآ بدت تتجمـع بـ عيونهآ"خالد مآيهمني شي مآبي اتزوج يعني مآبي وانتهى الموضوع"

    قامت من جنبه ومشت للشبآكـ
    خالد بهدوء غريب عليه"بكيفك نوف بس فكري زين البنت مالها غير بيت زوجهآ وآنتي حرهـ"

    طلع خالد من غرفتهآ زعلان توقع انهآ بترضى بـ صديقهـ عمربس خآب ظنهـ (متى ياربي بتنسين متى )



    في بيت ابو سامي

    أمير الكون وملك قلبي الوحيد
    يامن تسري في شراييني
    يامن ترقد في عقلي وتتلحف بوجداني
    وتسقى من نهر حبي وعشقي

    مسحت ريم دموعها تذكرت اخوهـ ماجد عذابها

    قامت وراحت له الغرفة علشان تتغلب على الذكريات

    اضربت الباب بهدواء " تفضلي يابعد الكون كله "

    ريم نزلت دمعه من عينها

    مآجد" ريومي وش فيك "
    ريم بضيقه"ماجد احس بضيقه "
    احتار ماجد وش يقول ..ريم يوم شافت عيون ماجد
    ريم بحب" عذابي فيك شي احس انك بتفارقني "وٍنزلت دموعهآ

    مآجد" ريوم ماعرف وش اقولك بس هذا حلمي وانتي تعرفين "

    ريم بألم " عذابي انا اعرف ومكانك في قلبي
    انت راح تكون معي كل يوم بس الدنيا راح تكون غير من دونك"

    ام سامي تحت تجـهز العشاء وتنادي عليهم "ياماجد تعال انت وخواتك العشاء زاهب "

    نزل ماجد على صوت امه "يمه بندر راح مع الشباب" للمارينا "

    ام سامي بنرفز من ولدهآ "آهـ منه المغازلجي شغله عندهـ "كملت كلامهآ وهي تتطالع ماجد بحنآن "دق عليه يمه خله يجي "

    ماجد باابستآمه " من عيوني يمه ماطلبتي شي"

    نزلت منآل وهي تترقص "تبئى اغلى الحبايب مهمآ تبعد يآغايب انت كل الهوى"سكتهآ دخل تركي البيت

    ماجد فطس ضحك"هههههههههههههههههه لو داري انهآ بتسكت كان قلت لك تعال من يوم نزلت هههههههه"

    ضحك تركي"هههههههههههههههه كملي ليه سكتي "

    منال بقهر "مابي .وتتطالع ماجد"هين يادوووووووب"

    ابتسم لهآ تركي وٍقال"الا وينهآ امي "

    ماجد وهو ماسك جواله ويلعب فيه "هنآكـ بالمطبخ"

    تركي "ووينهآ ريووم "

    ماجد "فوق قالت بتنزل بعد شوي"

    طلع تركي غرفته يبدل ثياب الشغل وهوٍ فكرهـ مشغوٍل على ريم (شفيهآ متغيرهـ هالبنت)


    الكل جلس على العشاء الا ريم فقدوها سالت ام سامي ماجد وين اختك

    ماجد"كانت معي وقالت بتنزل"

    تركي رفع حواجبه (انآ قلت متغيرهـ بس وش فيهآ)



    في صبآح يوٍم جديد تشرق الشمس على بيت بو خالد

    وتصبحون على صوت ام خالد تصارخ

    دخلت أم خالد على غرفه احمد تقومـه
    أم خالد "احمد احمـــد وصمـخ قوم بسكـ نوم"
    احمد ولا داري عن الدنيآ "..........."
    أم خالد وهي تحركـ احمد "احمد حبيبي قووم"
    حس بالدنيآ وفتح عيونه"هلا يمـه بقوم خلاص"
    طلعت من الغرفه وراحت لـ غرفه نوف
    دخلت ومآلقتهآ على فرآشهآ (اكيد تحت في الحديقه فديتهآ)



    "مآله داعي سآمي "
    سآمي وهو يقعد جنبهآ "لا له داعي ونص .. لازم نسوي حفله فرحه تسع سنين وحنآ ننتظر تحملي واخيرا حملتي ياقلبي نبي نفرح ونفرح الكل حياتي"
    هدى بتنهيدهـ تدري لو جلست تقنعه من اليوم مابيرضى لازم يمشي اللي براسه
    "اوكي قلبي اللي تشوفه "
    سامي وهو يقوم من جنبهآ "يالله اجل قومي ننزل نفطر تأخرت على شغلي "



    "يمـه وين ابوي جايعه موت "
    "الحين بينزل اصبري"
    "طلال طلبتك قوم تم"
    طلال باابتسآمه"تم ياقلبي "
    نورهـ بدلال"امممم ابيك توديني اليوم بيت عمي ابو سامي"
    طلال "تم خلاص تجهزي الظهر بوديكـ"
    نورهـ بفرحه وهي تبوس اخوهـآ ع خدهـ "فدييتكـ وربي ياحلى طلول بالدنيآ"

    طلال بضحكه"ههههههههه ياحبي لك هذ1 انتي حق مصلحه خخخ"
    كشرت وسوت نفسهآ زعلانه عليه"اوكي خلاص اسفه مابي اروح بطلت"
    طلال كسرت خأطره"يالبي قلبك اسفين وحقكـ علينآ ولو تبين من الحين بوديكـ"
    قامت من مكآنهآ بفرحه"اجل بقووم اكلم ريووووووم واقولهآ"


    "اقول انتي بس ترسمين ماتتعبين "
    "هوايتي وش اسوي احب الرسم"
    "يالبي قلبك بس ماشاء الله عليك رسم خييييييييال"
    نوف "اوكي شوفي هذي"

    طالعت وعد الرسمه وقالت بصوت عآلي "وآآآآو تجنن ..نوفووه متى ناويه ترسميني "
    نوف وهي فيهآ الضيقه "بعدين وعد "
    انتبهت لهآ انهآ مسرحه ومتضايقه حست بأألم من اللي اختهآ فيه
    "نوف حبيبتي انسي اللي راح راح والحي ابقى من الميت"
    بكت نوف بشدهـ "مقدر وعد وربي مقدر انتي تدرين هو وش كان بالنسبه لي كان الحياهـ اللي عايشتهآ النور اللي اشوفه .الروح اللي اتنفس هوآهـ
    بس رآح خلاص بح مآفي كل هذ1 اختفى "
    وعد وهي تحضن اختهآ "نوِف قلبي تقدرين تنسين وٍانا معك وبخليك تنسين ..نوف وربي اشتقت لـي نوف الفرفوشه اللي ضحكتهآ تملى الدنيآ ومافيهآ ..نوفي حاولي اذ1 مو عشاني عشان امي وابوي وخالد واخوانكـ ..عشان نبي نشوفك فرحآنه ومبسوطـه "
    نوف بصوت رايح من كثر الصيآح "لاا جيبوهـ لي ابيـــــه محتآجـه له ابيه كلكم بترحون وتخلوني انتي بتروحين بعد شهر وتخليني وكلهم بيرحون ابي اروح انا له ابيه هو ماابيكم "

    حزنت وعدعلى حال اختهآ وحاولت تهديهآ لين هدت ونامت ..بعدهآ سمعت صوت جوال نوف يرن رقم غريب بس ماحبت ترد ..سكرت باب الغرفه وطلعت




    "هي انتي بجي لكم الحين جهزي نفسكـ"
    ريم بفرحـه "طيب على الاقل قولي اخبارك وش مسويه داخله على طول صريخ"
    نورهـ "ياربي زين ..اخبارك ريوومه وس مسويه .ابشرك نوري بتجي لك بعد شووي يالله سي يو"
    ريم"ههههههههههههههههههههههههآي هين يادوبآ يوم تجي شغلك معي سي يو"


    "أبو سامي ترى بعد بكـرهـ انتم معزومين عندنآ بالمزرعه"
    أبو خالد "ان شاء الله اذ1 قدرت يالغالي"
    ابو سامي "حالف انكـ تجي وبنآم بالمزرعه يومين"
    أبو خالد "تم وٍأنآ اخوكـ بس غريبه رايحين"
    ابو سامي بفرحـه "بنسوي حفله بمنآسبه حمل زوجـه سآمي ..آآهـ ياابو خالد تسع سنين وانا انتظر مولود واخيـرآ ربي يرعآهـآ ويحفظهآ "
    ابو خالد "امين يااخوي وان شاء الله تقوم بالسلامه "

    ابو سامي "ان شاء الله ..اي صح وش سويت مع حامد"
    ابو خالد بقلق "مدري ليش ماني مرتآح لـ هالرجال احس ورآهـ شي"
    ابو سامي بتنهيدهـ "ربي يستر وبنشوف اخرتهآ معه"

    شوي والا يدخل عليهم ابو حاتم
    ابو حاتم"السلام عليكم ورحمه الله وبركاته"
    ابو خالد وابو سامي "وعليكم السلام والرحمه"
    ابو خالد بفرحه"حي الله ابو حاتم وينكـ يارجال ماتنشآف "
    ابو حاتم "تدري عاد الشغل وبلاويه .. الا اقوٍل مادريتو وش سوى حامد "
    ابو خالد بقلق"وش سوى بعد "
    ابو حاتم "يقول حاتم انو 10,000 انسرقوو وشاك في حامد "
    ابو سامي "لا اصبرو لازم نعرف من اللي سرق حرام نظلم الرجال"
    ابو خالد بعصبيه"انا متأكد انه هو ماغيرهـ كم مره تنسرق فوق المبلغ ونسكت له"
    ابو سامي وهويهديه "خلاص لا تشيل هم هذي المره فدوه لي "
    ابو حاتم "ياجمآعه الخيـر خلاص هدو "

    مسكـ ابو خالد اعصابه.. الحلال يضيع وكله بسبب حامد ..وكل مره بو سامي يهديه على كذا بيضيع الحلال كله ..الله يعين بس



    سمعت جوالهآ يدق طالعت شافتهآ هي المتصل نطت من مكآنهآ فرحآنه

    ونزلت على طول تفتح لهآ الباب
    "هلا والله وغلا اسفرت وانورت "
    نورهـ بدلع"ياي لو ادري انكـ بترحبي فيني كذ1 كان كل يوم عندكـ "
    ريم وهي رافعه حاجبهآ"ههههههههههه عطيتكـ وجهه ترى يالله طسي داخل"

    دخلت نورهـ وريم البيت ولقو ام سامي قاعدهـ بالصاله
    "هلا والله ببنتي "
    نورهـ" هلا فيك اكثر خالتي ..كيفك عسآكـ بخير"
    ام سامي بحب "بخير بشوفتكـ نورهـ ..انتي اخبارك واخبار امكـ واهلكـ"

    نورهـ "كلنآ بخير خالتي ونسأل عنكـ فديتكـ"
    ام سامي "لا تنسون بعد بكرهـ العزيمه"
    نورهـ بحماس "أي اكيد بنجي خالتي ...ياي وربي متحمسه حيل من زمان عن المزرعه"

    ريم بحمآس اكثر"وربي مو احسن مني مستنيه بكره يجي بسرعه اخيرا راح نجتمع مع نوف ونآآسه"
    نورهـ بصرآخ "وآآآآآآآآآآآآآآآآآآآآآآو نوف بتجي ..ونآآسه وربي اجل امش نروح من الحين ههههههههه"
    ام سامي "ههههههههههههههههههههه وربي تجننون الواحد ...اهجدو بس"

    ريم وهي تسحب نورهـ "اوكي مامي بنروح غرفتي "

    وطلعو الغرفه واول مادخلت نورهـ نطت على سرير ريم وانسدحت
    "آآهـ ياليت بكرهـ يجي بسرعه وربي فيني حماس غير طبيعي"
    ريم وهي تتطلع دفتر خواطرهآ "حتى آنآ بعد ..بس تصدقين ..خايفه من مزاج نوف اخاف ماترضى يجي وانتي تدرين بحالتهآ الحين "

    نورهـ بثقه"لا تخافين طوول مانورهـ بالموضوع لا خوف بعد اليوم "
    ريم وهي مشغوله مع دفتر خواطرهآ"الا قولي مع نورهـ لن تعيش ابدن خخخخ"

    شوي والا يدق جوال ريم ومن شافت الاسم ردت بسرعه

    "هلا والله هلا جبنآ سيرت القط جاء ينط "
    نوف بدلع "اعترفي وش كنتم تحشون فيني "
    ريم وهي تقلد على صوت نوف"يآآي ماكنآ نحش فيكـ كنآ نتكلم على بعد بكرهـ"
    نوف بااستغراب " بعد بكره ؟؟.. ليش وش فيه بعد بكرهـ "

    ريم "وي وي ماتدرين وش فيـه والله انك ...."سحبت نوره الجوال منهآ

    "هلا وغلا ...تعالي انتي وخشتكـ ماتدرين وش بكرهـ ياغافل لكم الله "
    نوف بفرحـه "مين نووووروهـ ماغيرهآ ياهلا والله ..كيفك ياقلبي اخباركـ"
    نورهـ "ازقح اخبارك انتي وكيف التجهيزات"
    نوف بااستغراب"بخير قلبو ...تعالي وش تجهيزاته "
    نورهـ "وربي انكـ غافله عن الدنيآ ياشيخه بعد بكره بنروح كلنا مزرعه عمي بو سامي وبننام هنآكـ يومين ..تجهزي انتي وخشتك "

    نوف بحمآس "اووكي من عنوني ..يالله ياقلبي سلمي ع الاهل وعلى ريوم انا لازم اقفل الحين تأمرين بشي
    نورهـ "سلامتك ياحلوهـ "
    نوف "الله يسلمك يالله باي"
    وسكرت السماعه بوجههآ قبل تقول باي ..ماتت قهر نوره ..اما ريم فطست ضحك عليهآ

    ريم "هههههههههههههههههههههه ياحبي لـ نوف بس "
    نورهـ بقهر"يازينكـ ساكته "

    ريم وهي تسكتهآ "اوكي اسمعي هالخاطرهـ اهداء لك ياقلبي "
    نورهـ حطت يدهآ ع خدهآ "اوكي سميعنآ ياشاعرهـ زمآنكـ "



    ـمانفترقـ .. لو ـنفترقـ

    ـقلبيـ عليكـ بيحترقـ ..

    ـأبكيـ الياليـ الي مضتـ ..

    ـياريتـ حبنآ على الورقـ ..

    ـأبشتكيـ .. وتشتكيـ دمعتيـ ..

    ـويكفيـ شكاويـ وحدتيـ ..

    ـطالـ الصبر .. مابي صبر .. وماقوى زعلها منيتيـ ..

    ـأهوى ـأنا خل عنيده .. تزعلـ وترضى منـ جديد ..

    ـأهوى ـأن منهـآ الزعلـ ..

    ـأفديهـ بروحيـ وماتريد ..

    "وسلامتك ياقلبي"

    نورهـ ودموعهآ على خدهآ "يالبي قلبك ..تسلمين يابعدي..."

    ماكملت كلامهآ لان قلبهآ طاح من مكانه يوم انفتح البآب



    نهايه الجزء الاول

    نبي توقعاتكم

    وش سالفه حامد ؟؟

    وش راح يصير في المزرعه؟؟

    وش راح يصير لـ هدى ؟؟

    وش سالفه نوف ..وهل اخوهـآ بيرجع يفتح معهآ الموضوع ثاني ..ولالا ؟؟

    ونورهـ وش اللي خلى قلبهآ يطيح من مكآنه ؟؟



    أولـ مـوضوعـ انزلهـ وهو من نـزف قلمي وقلم خويتي

    ابي رايكم بكل صراح على شان اكمل لكم ابداعي

    [/align]

  2. #2
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي

    كتاب الرواية :ـوٍرٍدهـ ح ـآميهآ ـآلشوٍكـَ

    نرحب فيك ياورده وربنا يحميك --

    قصه رائعه يبدو هذا من بدايتها---

    هل انتي الكاتبه لها ؟

    يسعدنا هذا ونرحب بكل الاقلام الفتيه--


    اشكرك لرقي تواجدك وننتظر حضورك---

  3. #3
    ... عضو نشيط ...


    تاريخ التسجيل
    Jul 2007
    المشاركات
    71
    معدل تقييم المستوى
    1

    افتراضي

    [align=center]اهلا بك اختي نعم انا كاتبتها واول مانزلته نزلته في منتدى مميز وهنا [/align]

  4. #4
    ][ شـاعــرة الزيــن ][


    تاريخ التسجيل
    May 2005
    الدولة
    (( قلب نجد )) الرياض
    المشاركات
    18,335
    معدل تقييم المستوى
    19

    افتراضي

    ورده

    نرحب فيك وننتظر بقية روايتك-- واتمنا

    اشوفك كاتبه من كاتبات المستقبل واللاتي

    يثرين الساحه الادبيه بتميز عطائهن -- اسعدني

    هذا --هلابك

  5. #5
    ... عضو مـاسي ...


    تاريخ التسجيل
    Mar 2007
    المشاركات
    1,909
    معدل تقييم المستوى
    2

    افتراضي

    القصه جنــااااان

    يعطيك العافيه ع القصه

    وننتظر التكمله

صفحة 1 من 2 12 الأخيرةالأخيرة

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52