النتائج 1 إلى 5 من 5

الموضوع: يا حســـــافة وقتنــــا والعمـــر ضاع.....

  1. #1
    ... عضو نشيط ...


    تاريخ التسجيل
    Jul 2007
    الدولة
    حتماً ليس لدي مكان في ارض الواقع
    المشاركات
    127
    معدل تقييم المستوى
    1

    افتراضي يا حســـــافة وقتنــــا والعمـــر ضاع.....

    [frame="8 80"]يا حســـــافة وقتنــــا والعمـــر ضاع.....

    --------------------------------------------------------------------------------


    كلمات عجبتني حبيت انقلها لكم



    على ذاك الرصيف اسهر و اناجي بكل الجنون ( القار )
    اكلم شارع ٍ خالي سواده من سواد الليل


    ترى ماهو فَلَس ولا بقلبي قـلّـت الأشعار
    و لكن واقعي يفرض علي اكتب بلا تعديل


    انا راح العقل مني و عندي للجنون اعذار
    معاناتي اذا بوصف .. تفوق الوصف و التعليل


    من اللي قد وقف مثلي يواجه لعنة الأقدار ؟
    رضى يبقى و يتحمل .. عشر اضعاف همه يشيل


    من اللي ثبت اقدامه يقاوم شدة التيار ؟
    و يعرف ان النخل و هو النخل راح و جرفه السيل


    من اللي حب له طفله و حلم من يوم كانوا صغار
    يتوج حبه بفرحه .. و امه تحضنه بتهليل


    يمر الوقت و سنينه تمر و يستوون كبار
    ويتغرب لجل حلمه .. يسابق كل شباب الجيل


    و يرجع رافع ٍ راسه بعد ما صار هو طيار
    و بقى من حلمه الوردي زفافٍ يرفض التأجيل


    يجيها يقول حان الوقت .. تعالي نكشف الأسرار
    طفح كيل الصبر ما عاد في صبري و صبرك كيل


    و يذكرها بوقت صار مع مر الزمن تذكار
    بأيام الطفوله يوم يغرقها غلا و تدليل


    يمازحها و تردد له ( ترى الكذاب يروح النار )
    يجافيها و تهمس له ( أعرف ان الجفا تمثيل ) !


    و تدمع عينهم لثنين .. يهلون الدمع مدرار
    ترى الذكرى ولو حلوه .. طواريها تهد الحيل


    و تسرح في وسط عينه .. تفكر .. تترجف .. تحتار
    يسألها عسى ما شر ؟ ... و يطيح من ايدها المنديل


    و تنزل عالركب و تقول .. تسامحني على اللي صار ؟
    حشا والله ما خنتك .. و لكنه حصل تبديل


    تراها غيبتك طالت و تدري وقتنا غدار
    كبرت .. و خفت تتأخر .. و خير البر بالتعجيل


    و يشهق .. يلمح الخاتم .. يحس القاع تحته دار
    ولا يستوعب الموقف بليا شرح او تحليل


    يسود الصمت .. ولا كلمه .. و نظره كلها استنكار
    شلل صاب اللسان و صاب كفين العتب تكبيل


    دقيقه تمر .. طعمها مر .. نهاية عمر .. موت ازهار
    خسارة حب .. ضياع فـ درب .. نار تشب .. عذاب و ويل


    و يسرح .. لو بعيده تهون .. و لكن كيف بنت الجار !!
    و يكسر صمته بصرخه .. تعدت في مداها سهيل


    و يفقد وعيه و ينزل على قاع الثرى منهار
    مصيبه كيف يتحمل ؟ .. ترى ما بالأمر تسهيل


    ما بينه و بين غرفتها .. ممر ٍ و نْخله و جدار
    و هذا اللي يعذبه و يزود طينه بتبليل


    يشوف اللي سرق عمره .. سكن وياها نفس الدار
    غدى جار ٍ و له حق ٍ نزل في محكم التنزيل


    و يتخيله يغازلها و يقول انه عليها يغار
    و يتردد صدى همسه و لمسه و ضحكه و تقبيل


    يناظر دارها و فكره ورا ذيك الستاير حار
    و شباك الهوى عتمه بعد ما زادوا التظليل


    يقرر زوجها يبني و يرفع مستوى الأسوار
    و يتصرف على كيفه .. عنده منهم توكيل


    و مكسور الجناح اللي بلا ذنب ٍ يذوق امرار
    يصارع حسرته و يجر بعد ذيك الهزيمه ذيل


    يفكر كيف طاوعها الضمير تكون شي ٍ ضار
    بعد ما كانت لعمره عمر يحسب مداه طويل


    خذت كل ما بقى منه .. و من عقله خذت الأفكار
    و برواز الوعد مايل .. خذته تخاف قال و قيل


    عطت بروازه لغيره .. و خلت في الحشا مسمار
    و آخر كلمه قالتها .. رجاءاً ما ابيك تعيل


    و رد بكل غضب يسأل ... تحسبيني من اهل الثار؟
    انا وقتي غدى ملكي .. و لا يتحمل التعطيل


    وداع الله .. و اذا بعدك مرض .. ايماني العطار
    انا لي رب ما يهمل .. بقرا كتابه بترتيل


    و اذا كانت مسافات المنازل بيننا اشبار
    بخليها سفر ايام .. و اساوي كل شبر بميل


    و اذا قالوا علي مجنون .. او ملبوس و صابه زار
    يناجي شارع ٍ خالي لوحده في توالي الليل


    بقول ان الجنون ارحم .. كتبت من الجنون اشعار
    و صدق اشعاري يتحدى الذي قال الشعر تمثيل


    و اعيش العمر ارددها ( ترى الكذاب يروح النار )
    براءه كانت الجمله .. و لكنه حصل تبديل


    حكاية عمري من يوم الطفوله لين صرنا كبار
    في هذي الصفحه شفتوها و عايشتوها بالتفصيل


    ابي شخص ٍ ينورني .. و من ابياتي بس يختار
    حرف ٍ ما شكى من هم .. و يبشر مني بتعديل


    بعدها بعلن افلاسي .. و بترك عالم الأشعار
    لأني ما قدرت اعطي لحزني في الشعر تعليل


    و برجع للسرير اللي من غيابي شكى محتار
    و اريح عين شوهها سواد ٍ يشبه التكحيل


    و في آخر بيت بسألكم .. عرفتوا ليش اناجي القار ؟
    قولوا للثريا من تناجي لو خذلها سهيل


    [/frame]

  2. #2
    ... V I P...


    تاريخ التسجيل
    Oct 2004
    المشاركات
    9,223
    معدل تقييم المستوى
    10

    Rose

    هلاااابك

    العنود الآميره

    كلمـاتـ جمـيـله .. وإنتقــاء عـذبـ

    بـ عـذوبة

    تواجـدك مـعـنــا


    لكِ الود

  3. #3
    ... V I P...


    تاريخ التسجيل
    Apr 2007
    الدولة
    Eastern
    المشاركات
    5,019
    معدل تقييم المستوى
    6

    افتراضي

    حسافه والله...

    الاميره لاهنتي على هذا الاختيار الجميل..

    شكرا لك

  4. #4
    كبآآر الشخصيآت

    تاريخ التسجيل
    Dec 2006
    المشاركات
    31,394
    معدل تقييم المستوى
    37

    افتراضي

    مشكوره يالأميره .... والحب قتال

    تسلم يمينك يالغلا


    شمـ انثى ـــــــوخ

  5. #5
    ... عضو نشيط ...


    تاريخ التسجيل
    Jul 2007
    الدولة
    حتماً ليس لدي مكان في ارض الواقع
    المشاركات
    127
    معدل تقييم المستوى
    1

    افتراضي

    يسلموووووووووووووووووووووووووووو


    علي مروكم العطر

مواقع النشر (المفضلة)

مواقع النشر (المفضلة)

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52