+!+شبابنا والقطاع العسكري+!+

[!..أنفاس الفجر..~]

هذي ماهيب القصيدة حقت الشلوي !! وإلا أنا واهم هههه

والله يابو فلان موضوعك جميل والله يرزقنا بالوظيفه ولو عسكري خخخخ

نجي للأجابات على الأسئلة ..

س1 / مارأيكم..في القطاع العسكري؟ هل فعلاً لبى رغبات شبابناخريجي الثانوية؟

والله الوظايف واجد وأنا أخوك بس الناس ماتبي .. طرارين ويتشرطون ..

س 2/ مارأيكم بالمعاملة اللي يُعامل بها شبابنا داخل أسوارهالدورات؟

تبي الصدق والله هالأيام مامن كرف بالحيل طبعا على حسب ما نسمع ..
الكرف منول والأهانة منول صح الحين دلع ورعان .. صح أن فيه معاملة قاسية
لاكن ماهيب مثل قبل ..

س3 /هل فعلاً هالمعاملة تعلمهم الصبر والجلد..والا تغيرهم 180درجة؟

ايه والله تضهر الرياجيل ..

س4 /بعد التدريب..والكرف...وسوء المعامله والنهاية تعيينات في قلعة وادرين ،وراتب في حدود3000
ورتبة جندي..وعريف...مارأيكم.؟

احمد ربك وفيه بركه .. الأيام ذي العسكر مطنوووخين ..

وشئ أشوى من لاشئ

وشاكرين ما قدمت

أخوك / طارق النفيعي

اخووي ...طارق النفيعي..$222
أولاً أنا بنت طال عمرك......ايه قصيدة الشلوي...منقوله
...انا مااكرة العسكرية...لكن ارفض المعامله..داخل اسوار الكليات ،،والجامعات
والدورات.العسكرية....!!
ايه الوظايف كثيرة بس كثير يلجأون للقطاع العسكري..كحل للبطاله.
أخي الفاضل..كيف مافي كرف..وانا ناقله لك قصة واقعية..عن ولد اختي..والله مافي ولا دلع..
كرف...وتعب ..واجهاد....ولا تقول دلع ورعاااان ..ان شاء الله ماتجرب يارب
ماقلناا شئ تظهر رجاجيل..على قولتك...لكن قساة ليس للعاطفه والشعور معنى عندهم.
الحمدالله على كل حاااال ماقلنا شئ...وترى انا مو صاحبة القصة ..تراه صابر...ومتحمل وهو مريض..
شاكرة مداخلتك ....أخووي بارك الله فيك..
دمت بخيرلك:25ar:
وداعاً للحب

[!..أنفاس الفجر..~]

صباحك كرف بالعسكريه


العسكريه ودوعتي ربت وخرجت ارجال


ولولا الله ثم العسكريه كان شفتي شبابنا يغسلون سيارات ولا يكنسون بهالشوارع



لي عوده حارقه

شمـ انثى ـــــوخ $222
ههههههههههههههههههههههههههاي
صباحك انتِ....كرف في العسكرية...
أعصابك يالغلاااا أعصابك...انا ماقلت شئ..القطاع العسكري..من اهم القطاعات في بلادنااا
علمت شبابنااا المرجله...والقوة..والشجاعه..!!
بس شكلك ماقريتي..المقدمه...انا ارفض المعاملة...اللي يُعامل بها شبابنا داخل الاسوار اللي تخص
القطاع العسكري....وكيف مدى القسوة...والعنف اللي يستخدمونه ضدهم.وبس
بانتظار عودتك...>>>>تقول الله يستر دام حارقه
نورتي شمووخه
دمتِ بخيرلكِ:25ar:
وداعاً للحب

[حنـوُن بجنـونْ]

[align=center]السلام عليكم ورحمة الله وبركاته


مدخــــل

الرد للشاعرة ريوف الشمري
[poem=font="Times New Roman,4,seagreen,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
وسِّـع الملعـب لـقـاف الشمـريـه=وسّعـه للحـق أنـا بطْلِـق عنانـي
خلنـي لا تْحِـط قيـدك فـي يـديَّـه=ولَّعَـتْ ألفـاظ شعـري و المعـانـي
جمـرةٍ كتمانهـا صـعـبٍ علـيّـه=كـل شاعـر لا كِتـم شعـره يعانـي
يشتِعل مـن شـان يسْتهـدي بضيّـه=كلّ طرقي فـي دروب الليـل عانـي
هزّني شاعـر سمعتَـه فـي عَشيّـه=(عسكـريٍ) يشتكـي مـرّ الـزمـانِ
قـال (ربـي لا تعـود العسكـريـه)=(و الزمان اللي على البدلـه حدانـي)
قلت أكيـد الرجـل واقـع فـي بِليّـه=أو مصيبـه صكِّتـه بيـن المحـانـي
قـال وشـو (درّبونـي كالمطـيّـه)=و اتِضح مقصود شعـره لـي وِ بـانِ
طار قلبـي و أثـري الدعـوى كِذَيَّـه=ما أقـول إلا يـا دانـه دانـي دانـي
استلمها جَتْـك نِصـح اخـتٍ لِخيَّـه=ولا أبي مـن وقتـك إلا لـي ثوانـي
قُمْ وِ صلـي و اردع النفـس الشِقيّـه=و احمد اللي يرتجيـه إنـسٍ و جـانِ
الله اللـي مـدّ لـك رزق و عطـيّـه=حـرِّك بحمـده يدينـك و اللـسـانِ
كان شغل (العسكري) متعـب شِويَّـه=قبلك اللي من التعـب عـضّ البنـانِ
الرجـال اللـي يخوضـون المنـيّـه=كـلّ صعـبٍ يَحْمِلُـون إلا الـهـوانِ
إسأل الصحـرا وِ صمـت المهمهيّـه=عـن فعايلهـم وِخِـذْ منهـا البـيـانِ
كيف شقّوا بالصخـر مجـرى وِ مَيّـه=كيـف عاشـوا مِـعْ ذيابتهـا بأمـانِ
صادقوا فـي مشْيُهـم شمسـه وِ فَيّـه=وِ عْقِدوا مَعْ بـرّده و قيظـه رهـانِ
كلّ من لـه نفـس صبَّـاره و حَيَّـه=بـإذن ربـي يقطـف ورود الأمانـي[/poem]


العسكرية العسكرية وما أدراك ما العسكرية

حبيت العسكرية وتمنيت العسكرية ومالي نصيب فيها بس أغلب أصحابي في العسكرية وتعلمت العسكرية على يد الوالد -الله يقومه بالصحة والعافية- وممكن هذا الشيء يبعدني عن الإنصاف قليلاً لذلك ما بأطيل في الكلام

من ناحية ولد أختك إذا كان مريض ما بيتحمل الضغط والإجهاد فهو ظلم نفسه بالعسكرية اسأل الله أن يعينه ويصبره حتى يتخرج وبعدها بينسى معاناته في الدورة


س1 / ما رأيكم..في القطاع العسكري؟ هل فعلاً لبى رغبات شبابنا خريجي الثانوية؟

تلبية الرغبات صعبة وكل طموح لن يرضى بأقل شيء .. وإللي دخل العسكرية يصبر نفسه لأن "عصفور في اليد خير من عشرة على الشجرة"

س 2/ ما رأيكم بالمعاملة اللي يُعامل بها شبابنا داخل أسوار هالدورات؟

معاملة أقول عنها عادية بالنسبة لشخص بيتخرج ليتحمل مسؤوليات تختلف تماماً عن حياته السابقة ولو قرأتم كتاب "مقاتل من الصحراء" كان عرفتم إن عسكرنا ما عندهم سالفة بس متعودين على الدلع مع احترامي لهم

س3 /هل فعلاً هالمعاملة تعلمهم الصبر والجلد..والا تغيرهم 180درجة؟

بالتأكيد يتعلم على الصبر والجلد وإلا لن يتحمل مدة الدورة مع الضغط النفسي والبدني والتغيير أمر وارد لأن الدورة هدفها تغير الشخص من حياته المدنية إلى حياة عسكرية ولكن بعضهم يتأثر ويتغير بشكل كامل وبعضهم لا يتغير عن شخصيته وهذا راجع للشخص نفسه ومدى تقبله للتغير بسبب الظروف الخارجية

س4 /بعد التدريب..والكرف...وسوء المعامله والنهاية تعيينات في قلعة وادرين، وراتب في حدود3000
ورتبة جندي..وعريف...ما رأيكم.؟

يحمد ربه ويبوس يده وش وقفا [ علموني المصاريه ] بالنسبة للتعيين أمر مفروغ منه في أي مكان هو في خدمة الوطن قبل اسبوعين أحد زملائي من استخبارات حرس الحدود هو الفرد الوحيد من مجموعتهم نقل لـ منطقة عرده [ ابحثوا عنها في الخريطة ] والنقل مو تأديبي والشخص ملتزم بالنظام على شهادة رئيسه في العمل وكان رافض ينقل بس ما بيده حيله والآن ما يبغى يرجع الدمام كلها شهرين يداوم هناك وشهر إجازة يعني في السنة كم يداوم 8 أشهر
الشخص لما يقنع نفسه بالشيء إللي هو فيه بيرتاح نفسياً
أما عن الرواتب الكل يمدحها وأنا بأسكت عنها لأن فيه قطاعات أقل ما يقال عنها مظلومة [ لاحد يقول مين ظلمها :12ar: ]


ما سبق يعبر عن رأي كاتبه

مخـــرج

[poem=font="Times New Roman,4,seagreen,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
لا تِشَكّـى ... أشهـد إن العسكريـه=غِصن رزقٍ وارفٍ رطْـبٍ وِ دانـي
كَمِّ بيـتٍ مـن وراهـا شـبِّ ضيِّـه=يغْرِفـون اللحـم دايـم بالصـوانـي
و كـم راسـب بالفصـول المدرسيّـه=ما لقى فـي غيرهـا رزق و مكـانِ
(جندي) و راتِبْـه خمـسُ وكـم ميّـه=نعمـةٍ مـا يجحـده غيـر الجـبـانِ
اضربـوا (للعسكـري) أحـلا تحيّـه=لَوْ هُ (جندي) أشهـد إنـه راعِ شـانِ
حَيِّ (عَينه) لا غَفـتْ عيـن البريّـه=أسْهَرَه لجل الوطـن حـبّ و تفانـي
اللي لا صِحْنا رمى (روحـه) هديّـه=يوم غيره مـن غـلا روحـه أنانـي
لا تلومـونـي بـحـب العسكـريـه=لـو أغنـي دَهْـر حُبـه مـا كِفانـي
خيرهـا طَـوّق بَعَـد ربـي يِـديّـه=رزق (ابوي) وْ شِغل (اخوي) بهالزمانِ
و أنـا بنـتٍ لا جحـود ولا غبـيـه=و احمد اللي بالرضـا دايـم كسانـي
في ردودي دوم لي ب(النصـح) نِيّـه=لا طلب شهره ولا هـو شـي ثانـي
عِنْـد هـذا البيـت وَقَّفـتْ المطـيّـه=وِ اكتمل ردي عسى المقصـود بانـي [/poem]


$222[/align]

[أسـرآر الـغـلآ]

هلا وغلا فيج ودوعه

انا بقول كلمه بختصار

اغلب اقاربي بالعسكريه ومتوزعين منهم البعيد ومنهم القريب

وبصراحه انا ماعمري شفت احد اشتكى منهم بغض النظر عن التعب والجهد

اللي يتوجب عليه كعسكري ورواتبهم ماشاء الله تكفي وتوفي وترى اغلب اللي اتكلم عنهم عندهم

وابتدائي بعد وماشاء الله تزوجو وفتحو بيتوت وعايشين باحسن حال بغض النظر عن قنبلة الاسعار

الللي انفجرت في الاونه الاخيره ولا كله عال العال

شوفي اخوي تخرج من الثانوي ونبيه يدخل العسكريه مانبيه يدخل لا الجامعه ولا الكليه لو دخلهم

يبي له عشر سنوات مثل غيره يالله يلاقي وظيفه وبراتب زهيد يعني العسكريه مافيها شي

عموما مشكوره على موضوعج وانا جاوبت بعفويه ماعندي خلفيه كثير عن هالمواضيع

يعطيج العافيه يا ئمر 00

[¶ بــآريــس ¶™]

س1 / مارأيكم..في القطاع العسكري؟ هل فعلاً لبى رغبات شبابناخريجي الثانوية؟

مو العسكرية اللي تلبي طلباتهم هم اللي يلبون طلباتها

س 2/ مارأيكم بالمعاملة اللي يُعامل بها شبابنا داخل أسوارهالدورات؟

هم يعلمونهم كذا حتى في بعض الدورات ياكل حيوان حيّ

يعني إذا صارت لا سمح الله حرب وصرت اسير تبي تجيك أشياء اعبر من الدورة ,, فهم يدربونه على طبيعة قاسية لأن العدوا ما يرحم

س3 /هل فعلاً هالمعاملة تعلمهم الصبر والجلد..والا تغيرهم 180درجة؟

ما عاملوهم هالمعاملة عشان يشتري علك

اكيد عشان الصبر ,,

س4 /بعد التدريب..والكرف...وسوء المعامله والنهاية تعيينات في قلعة وادرين ،وراتب في حدود3000
ورتبة جندي..وعريف...مارأيكم.؟

هذا بدايه 3000 وتتطور المسألة إلى 8-9 هو وحضة عاد ,,


شكراً يالعسكرية

لا تزعل علينا همسه