قصة مثل رب أخٍ لك لم تلده أمك (( مع كاتم وخجول ))
سلااااااااموووووو عليكووووووووم
كيفكووووووووووووووون
شو أخباركووووووووووووون
كالعادة
ماعندي الا الدجة
لكن قبل دخول رمضان
أقولكم كل عام وانتوا بخير
وبمناسبة حلول شهر رمضان
وارتفاع أسعار السلع الغذائية مع غلاء المهور
يقولك فيه دراسة تسذبية
يقولون ان سعر كيس رز المهيدب خمسة واربعين كيلو
بيرتفع السعر ويوصل تقريبا 6565413246574 ريال في عام 2050
لذلك بدوا من الحين يسوون دراسة خطة انتاجية لبيع أكياس رز بالحبات
يعني الكيس يصير بوه عشر حبات
خمس حبات
وهكذا
عشان التوفير
بس تصدقون
أزين
خلوا كروش ذا السعوديين تخف شوي
يجيك شاب ممشوق القد والقوام
وطالع في أسفل بطنه دويره صغيروره
هذي هي كرشة الرز والكبسات
ولارياضة ولاشي
كبسة ولبن
ورقاااااااد
<<<<<<<< مايحب الرز ولايشرب اللبن
بعد هالمقدمة <<<<<< أي مقدمة ؟!!!!
حبيت اشرح لكم اليوم قصة مثل
المثل هذا معروف لدينا جميعاً
وهو رب أخٍ لك لم تلده أمك
الناس فاهمه هالمثل خطأ
وانا الوحيد بالعالم الي فاهمه صح <<<< احلف
هالمثل قصته
يقولك كان مره زمان
منذ مايربو عن عقد من الزمن <<<< اقعد يالفصيح
كان فيه شخص اسمه خجول
وكان حطّاب
يعني مصدر رزقه هو التحطيب
ويحمل الحطب بالونيت ويبيعه بالحراج
وكان هذا مصدر رزقه الوحيد
المهم
صار تقريباً شبه انقراض
لشجر السمر والغضى
فذهب اخونا خجول يبحث عن مكان يلقى بوه سمر او غضى والا حنضل حتى
المهم
بحث هنا
وبحث هنااااااااك
وبحث فيذااا
وبحث فيذاك
ويقزّ له ذيك المزرعة الي كلها غضى وسمر وطلح ومشموم <<<< وش دخل اوووم المشموم يالحسه
فجاك بالونيت حقه ودخل هالمزرعة الغريبة
لافيها نخل
ولا أي نوع من الفواكه
ولا الخضار
فقط
غضى وسمر وطلح ومشموم وشوي برسيم <<<<< طيب طيب
الموهيــــــــــم
هو استانس بهالصيده الي لقاها
يوم جا توه بيحطب الشجر
الا يجيه واحد يصرخ ويقول
وش تسوي عندك ياغليّم
طبعاً خجول دينه ودين واحد يقوله ياغليّم
الموهيـــــــم
تنرفز خجول
وقال له وش تبي انت هاه هاه
يعني وش قاعد تشوفني اسوي هاه هاه
رد هاه هاه
قال الشخص هذا
أبك انت من أي العربان يا هاه هاه
قال انا من عربان
بني حطب واسمي خجول وانت ؟!!!!
قال انا اسمي كاتم الآهات
وينادوني كتومي
وانا من بني طقها وألحقها
قال خجول
إيــــــــــــه ونعم
قال كاتم
ماعليك زود بس ماقلتلي وش جابك هنيا
قال خجول وركبه تصافق من الراعه
والله أبد كلانا البرد بمضاربنا ولاعندنا حطب ولقيت هالمزرعة الزينه وقلت آخذ منها شوي حطب سلف وأرجعه بعدين
قال كاتم وهو يفتل شاربه
حنا مانسلف أحد
نبيع ايه
مير خلنا نروح نتقهوا ونتفاهم
قال خجول ولازال صفقه تراكب <<< يعني ركبه تصافق
وراك تقولي خلنا نروح نتقهوا ونتفاهم وتناظرني هالنظرات الشرسه
وش نتفاهم عليه
قال كاتم
أبد وانا اخوك
مابه الا سلامتك لكن كني مشبه
قال خجول وهو بدا يخرخر من الروعه
وش مشبه يخوي هاه هاه
ماعمري شفتك انا هاه هاه
قسم بالله ماقد شفتك هاه هاه
قال كاتم
طيب وراك متروع
تعال أقلط عندي بالخيمه ابيك عشان نتفاهم عالسعر
خجول طبعاً راح بخرايطها من الروعه
قال ذا نيته شينه شكله بيذبحني
المووووووهيــــم
خجول راح مع كتومي للخيمه
ولقاله عجوز قاعده بالخيمه ووجها بالأرض فارتاح شوي
يوم التفتت عليه العجوز
مير يصرخ ويقول
انتي عمشى الرقطيه
قالت ايه
انت من يابن الأجواد ماعرفتك
قال انا ولد فلانه
الي كنتي تشتغلين عندنا قهوجيه ورضعتيني
انتي امي من الرضاع
وطقها صياحه خجول مير ينقز عليه
مع بعض الموسيقى الهاديه
ويخمها
مير يقعدون يبتسون الاثنين
ويصايحون
وكتومي طبعاً تأثر بالموقف
وبدت عيونه تغارق بالدموع
مير تقول عمشى الرقطية
ياخجول
تراني مرضعة كاتم بعد
مير ينط خجول على كاتم ويخمه
مع بعض الموسيقى الهادية والحزينه
مير يقول كاتم
ياخجول
دامك طلعت اخوي من الرضاع
خذ الي تبي من المزرعة
وجعلها فداك
قام خجول يصيح ويبتسي
وفجأة كذا
ينشق خجول ذيك النشقه
ويمسحه خشمه بكمه
ويعطي كاتم ذيك النظرة ويقول
رب أخٍ لك لم تلده أمك
وووووبـــــــــــس
<<<<<<<<<<<<< ياشين المصالة
هذي قصة المثل
::ومـــضــــة ::
ليس كل من قلطت عنده يصير اخوك الي ماجابته أمك
ولكن قد يكون شخص بيتوطى في بطن اوم اومك
ونرجع لحكمة أخونا د . كيف
وهــ بــس وهــ
على الفضاووووة
<<<<<<<<<< دحدر ولايكثر
مواقع النشر (المفضلة)