[align=center]بديت باسم الواحـد الفـرد الرقيـب
والدين دين الله ومن يشـرك كفـر
الخالـدي مبـداه بالقـول العجيـب
مثايـل يشتاقلـه راعـي النـظـر
قم يانديبي فوق عجـلات الخبيـب
حيل مراديم رعـن نبـت الزهـر
هن منوة المشتاق بالدرب الصعيـب
ومكلفـات فـي مراسيـل الخبـر
تلقى بنـي عمـي اكعـام للحريـب
لارزت الرايات والنشـر الخضـر
خوالـد تـرد المعـارك ماتهيـب
وردوا حياض الموت يوم الله ومـر
بامتوجات ضربهن ضرب عطيـب
ومشوكات ضربهن يفـري النحـر
وسيوف هند تكسر العظم الصليـب
مضرابها لاصـاد عظـم ماجبـر
من ضرب جمع لانطح جمع الحريب
يـوم الملاقـى ماتتقـي وإعتـذر
يوم إمتلى الميـدان شبـان وشيـب
ارعد رصاص سيله الـدم الحمـر
ياذيب ياللي بالخـلا تقنـب قنيـب
تصبح من الشوان تنحـاك الجعـر
ابشر بصيد من بعيد ومـن قريـب
عقايـر تاكـل بهـا دب الـدهـر
ياهيه يالمجمـول ياعيـن الربيـب
ياللي تحط الـروس بالجلـد العفـر
لاتعشقيـن الا مصليـت الحريـب
اللـي فعايلهـم يشـد بهـا الظهـر
من فوق جال مريخ شرقي القليـب
حل المثارا واشتعـل سـو القهـر
يلعب بها القاطع سعد لعب عجيـب
بأفعال ربعه شايـف منهـا الدجـر[/align]
للشاعر سعد القاطع
أدعوله بلمغفره
مواقع النشر (المفضلة)