عطني من الكيف فنجال
هذه لقلوبكم الطاهره من اخوكم ومحبكم
جزيل المعاني
قم ياولد عطني من الكيف فنجال***لعلّي اشفي علة ٍ مـســتــثيره
البارحه جفني من النوم ماشال**والبال شايل له هموم ٍ كــثــيـره
طرت عليّه (..) والطيف قــتـــــال***طرى.. وطراله همومٍ سهيره
لو حبها يوضع على كيل مكـيــال***يرجح بكفتها ولو هي صغيره
ولو حبها سيف على كف خــيــال***ذبح به جيوش العدوّ الغــفـيره
ولو حبها درسٍ وعبره للاجـــيـال***صارت مثل ينقال في كل سيره
ولو حبها خلّد مثل باق الابــطــــال**كبّو كثير الـــنـاس سالم وزيره
ولو حبها جاي ٍعلى قلب رجـــال***تحت رحاه يروح مثل الشعيره
ولو انها للعشق رمز ٍ وتـــمــــثــال**غطّت على كل الرموز الشهيره
ولو حبها ظرف ورساله ومرســـال***ما ينقل الارسال حب ٍ باثيره
احبها حب ٍ يـــــدكـــــك لـه جـبــال**حب ٍ يغطّي له بحور ٍ غـــزيـره
رد مع اقتباس
مواقع النشر (المفضلة)