(((القناعة كنز لايفنى)))
السلام عليكم ورحمة الله
اقدم لكم هذه الابيات الشعريــــــه
واتمنى ان تنال اعجابكم ورضاكم ..
..
..
من هجوسي ياحبكت القاف اشدّه ياحبكتـه
ماتبعت هجوس ناس(ن)قافهم هم يحبكونه
ودبكة(ن)تدبك على دبك المهبّل مادبكتـه
لو ملاييـن الاوادم كـل يوم(ن)يدبكونــــــه
الشموخ اللي براسي لو تركني ماتركتـه
لو كثير الناس في بعض المواقف يتركونه
المجال اللي يروده رايد الكـود انتهكتـه
ونازلين القـاع باقـدام المذلـه ينهكونـه
وكل خيط(ن)مثل خيط العنكبوته مامسكته
مامسكت الا خيوط(ن)تحتمل من يمسكونه
القناعه كنز في ذاتي مع املاكـي ملكتـه
وادري ان اهل القناعه كل ابوهم يملكونـه
مارفعت الكف مع كفّ البخيل ولا شبكتـه
ابعد كفوفي واخلي ناس غيري يشبكونـه
رافع(ن)راسي ودرب(ن)ينتقصني ماسلكته
مسلكي درب(ن)مشاكيل النشاما يسلكونـه
زارع(ن) زرع الوفا بحساس وافي ماهلكته
مع وجود اللي يبون من المشاعر يهلكونه
والله اني مبرك الاذلال عمـري مابركتـه
ولا سكنت بخيمة الاذلال بالليل وسكونـه
قلت قول وراحتيني مع بعضها مافركتـه
والندم لو ينشكـي كـل الاوادم يشتكونـه
..
..
الشاعر : مرزوق الرمالي
رد مع اقتباس
مواقع النشر (المفضلة)