._][_ج ـ ف ت بي الـ غ ـيمة_][_.

[¶°«¸بنـــ البدوو ـــت¸»°¶]

[poem=font="decotype naskh swashes,6,white,bold,normal" bkcolor="transparent" bkimage="http://www.photographyblog.com/gallery/data/3062/647Cherry_Valley_sunrise_01.jpg" border="outset,10,tomato" type=0 line=0 align=center use=ex num="0,black"]

ياسعود شب النار والشعر توفيـق=هات الحطب ياسعود واقبس فتيله
وليا غدا جمر اللهايـب معاتيـق=لقمت فوقه من هوى الكيف كيلـه
ودي بقند اللي عليهـا مشافيـق=دله مـن البـن اليمانـي وهيلـه
حتى يجي فنجالها مابعـد سيـق=كيفٍ به الضرمان يبـري غليلـه
بنتٍ حشيمـه فرعـت للمطاليـق=ريحـة نسمهـا مايـدّور بديلـه
ماتلبس البرقع على غير تبريـق=وان برّقت ماتكسي الراس شيلـه
ثنوا لها السيقان وقت المشاريـق=ودنوا لها النجر الهـواوي بليلـه
ومن عقبها ياسعود جزل الطواريق=هلت كمـا مـزنٍ تراكـم مخيلـه
بينت لك من خاطري ساعة الضيق=هـمٍ نثرتـه بالبيـوت الجزيلـه
زفرة حروفٍ من عناها مسابيـق=غنيتها من جـور نفـسٍ عليلـه
صدرتها من جوف سقم المعاليـق=تارد على اللي غارقٍ في جميلـه
العمر لحظـه والليالـي توافيـق=والصبر نعمـه والمـوارد بخيلـه
والهم حده يجرح القلـب ويعيـق=حلمٍ جمعنا وانتشـى فيـه ليلـه
والا السعـاده كلبوهـا تلافـيـق=عزي لقلبٍ فوق حامـي المليلـه
جفت بي الغيمه على بلـة الريـق=وحدتني الدنيا علـى كـل ميلـه
غز الأمل شوكه على قمة طويـق=وطويق عمرٍ ماكسبنـا حصيلـه

للشاعر عبدالله محمد العصيمي[/poem]



للشاعر:عبدالله محمد العصيمي

[الحوراء بنت نجد]

¶°«¸بنـــ البدوو ـــت¸»°¶

نقل روائع واختيار مميز لهذا الشاعر العذب

اشكرك لرقي حضورك

حياك الله

[ذكريآت الأمس]

بنت البدو

تألقتي باختيارك

قصيدة رائعة بروعة ذائقتك

كل الشكر لقلبك غاليتي