هدفنا شرف

[أبوخالد العمري]

[poem=font="Simplified Arabic,6,black,bold,normal" bkcolor="transparent" bkimage="" border="solid,4,gray" type=0 line=0 align=center use=ex num="1,black"]

على قد مضمون المشاعر نصوغ القاف=حروفه بدهن العود والمسك منثورة
تحية من أعماقي ومن قلبي الشفاف=نسجها قصيدي في دواوين مسطورة
لناس غلاها في شموخ الشرف وقَّاف=يناطح سحاب منه لشعاف ممطورة
جمعت المعاني واعتبرها وفاء وانصاف=من احساس صادق جات بالصوت والصورة
ويظهر بها الشاعر ببرج العرب هتّاف=ويسمع صداها من سكن رأس تنوره
لشخصية مرموقة كاملة لوصاف=عساها عن اعيان الشياطين مستورة
لشخصية في وصفها يعجز الوصّاف=فريدة على ماشفت ماهيب مغرورة
شريفه عفيفة عايشة في محيط أشراف=حياها رداها طاهرة نفس مبرورة
وهي شامة يظهر ثناها على لارياف=كريمة حشيمة بالحياء دوم مذكورة
ثقافة وفن وذوق واخلاق يالطاف=تحدت بنات الجيل في كل معمورة
على مجتمعها شخصها يا محمد طاف= مراتب شرف حازت عليها ودكتوره
في أعمالها في علمها حققت لهداف=وسارت على درب الشرف .... مخبورة
ووصفي حسب علمي ولا اقول شوفي شاف=ولكن للشاعر تواصيف محصورة
بغيت أتوسع في ثناكم بدون إقاف=ولكن وصفك عنه لابيات مقصورة
هدفنا شرف مايعتبر في ثناك اسراف=لأن القوافي فيك يا .....معذورة
ومن طبعي أمدح راعي الطيب ياخلاّف=ولو هي على كيفي كتبت ألف منشورة
سطوري لمن هي تستحق الوفاء تنضاف=ومن لا يقدر يظهر النقص في دوره
على كل حال المعذرة كان فيه اخلاف=وسِدي خلل شاعر قوافيه مكسورة
لمثلك حروفي تندرج لي بدون اجحاف=وتنساق لجلك طائعات ومأموره
ومن يكتب التبجيل مهما كتب ماخاف=نظافة ضميرة تجعل النفس مسرورة
ومدح العذارى بالشرف يعتبر مشراف=ولا هوب عيب مدح سارة ولا نوره
ولاني على ما قلت يا عزوتي بلاّف=وعندي دلايل تثبت الشعر وشعوره
ويا كل شاعر كاف من هو وفالك كاف=ترى عندنا لفضال ماهيب مهدورة
فانا شاعرٍ لي في فنون الثناء مصياف=ولو كانت الحسّاد من ذاك مقهورة
وشعري نقيْ ماهو ب مدحٍ في الأرداف=ونفسي عن الفاظ التغزال محذورة
ختام القصيدة سامحي شاعر شفاف=كتب فيك قافه ماطلب صوت جمهوره [/poem]
[align=center]
وسلامتكم جميعا[/align]

[كلك نظر]

ماقصرت بيض الله وجهك

وصح لسانك

[الحوراء بنت نجد]

الشاعر محمد العمري



مرحبآ بصوت الشعر ورقي المعاني وتألق المفرده

حضور مترف بالشموخ من شاعر صاغ فأبدع

صح لسانك يابو خالد-

اشكر لك هذا التواصل الراقي

[جزيل المعاني]

انت جزل ولي الشرف بالمرور من هنا


صح لسانك

[المختلف]

العمري

صح لسانك ولاهنت

الله يعطيك الف عافيه

تقبل مروري وتحياتي:

المختلــــــــــــــــــــــفـ