حـــلم الوســـــايد ...

[الحرالأشقر]

[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]

تبرق وترعـد وسـط نـو المغاتيـر=وتلبس من جناح الغراب القلايد
مدلهمـة وسـم .. فكـر وتصاويـر=بنات نبض الشعر .. نبـع القصايـد
ماعت ثلوج مزون وسـم المباكيـر=تجنـي حصـاد موثقيـن الشهـايـد
قام يتراكم نصبها .. غيـر ويثيـر=وفي داخلي .. صحى شعـوب وبدايـد
أسج بأقـدام الفكـر ويـن مايسيـر=وأرحل مع الهاجـوس أبليـا عوايـد
كني على موعد في نظـم الأساطيـر=نظـم البيـوت النـادرات الجـدايـد
وأطلقت سبق الطير .. طير التفاكير=وقدحت فـي رووس الفتايـل وقايـد
شاعر خبير .. أقطف عبير النواويـر=والشعر حبك وسبـك نـزف الفرايـد
من بعدها يامـول موت المعاذيـر=ماهيب لحية عـذر حلـم الوسايـد
سيّرت لك يامـول رجـل المشاويـر=وطويت لك من شـوق قلبـي بعايـد
جيت أقطف الموعد وحسن المقادير=مع من لها كل الغـلا عشـق رايـد
اللي تضيع أبها وصـوف المشاهير =وعنها تعجز أقلام نظم النوايد
علم الحقيقه مايبي له تفاسير = ماتكذب سموعي وشوفي وكايد
من سلطنتها فالبني الغنادير = سلطة جمال الكون للغيد قايد
لو صفن الترفات قدمي طوابير = غسلت يمناي بصابون تايد
جمال رباني ولا به مناكير = كمال رب الكون مابه فقايد
تاج الجمال يحس منها بتقصير = ويخضع لهيبتها وللنقص زايد
هيفية ٍ تتعب وراها المداوير = وتصحي قلوب ٍ من زمنها بلايد
بدر الدجاء .. بنت الشيوخ المناعيـر=اللي لهـم بالطيـب فعـل ومجايـد
مير البلا عمر اللقاء .. طفل ٍ صغير=طفـل يقـول أصبـر لحـر اللهايـد
ودعتهـا مـوادع صعيـب التعابيـر=ودعتهـا والجـرح فالقلـب جـايـد
عنها تحير أقدام رجلي عن السير = وش عاد أبجني فالعمر من فوايد
وداع رجوى نلتقي به على خير = لوكان من فرقاه حصد النكايد
وبالحال عنها أقفيت دمعـي محاديـر=وياموت صبري ماتفيد الجلايد
حكم القدر لاحل مافيه تبصير = ماراح قفى عنك ماهوب عايد
وختامها يالله عساها مسافير = ويجمع قلوب ٍ من أفراقه بعايد [/poem]


[align=center]الحرالأشقر .. [/align]

[..ミرٍوٍرٍ彡..]

أستمتعت كثيراً


تحية

[جزيل المعاني]

وهذي اخرى رائعه يالحر


انت شاعر يفخر بك الشعر الجزل


صح لسانك

[ذكريآت الأمس]

الحر الأشقر

و حلم اللقاء ..
يقهره الفراق
بدمع الوداع .

و يظل الاشتياق

كما عودتنا قصيدة بالاحساس غارقة
صح لسانك و سلم نبض احساسك


لك الاحترام
:
دمع الزهر

[عماد الدين الناصر]

ماشاء الله ماشا ءالله
شاعر جزل .. وقصيده روعه ...
تشع بالغزل


مير البلا عمر اللقاء .. طفل ٍ صغير
طفل يقـول أصبـر لحـر اللهايـد
ودعتها مـوادع صعيـب التعابيـر
ودعتهـا والجـرح فالقلـب جايـد

يعني ضروري تقلب المواجع يا شاعرنا ...

تسلم يالغالي
على الجزاله .. وصح الله السانك

اخوك

عماد