[align=center]السلام عليكم ورحمة الله وبركاته
أسعد الله أوقاتكم بكل خير
وهاهو النشيد أتى بحلته الجديدة ليجلب لنا رائعة من روائع النشيد وهو
بعنوان ((الواحد الأحد)) من كلمات شاعرنا الشيخ : د. عايض القرني . الذي
قام بإنشادها الشيخ : مشاري العفاسي .
ألحان: ماجد المخيني .
كلمات النشيد :
[poem=font="Simplified Arabic,5,black,normal,normal" bkcolor="transparent" bkimage="backgrounds/16.gif" border="none,4,gray" type=0 line=0 align=center use=ex num="0,black"]
لا إلـه إلا الله ابــدا بهـا في كـل بـابْ =كلمـةٍ من عـالم الغيب ربَّك جـابها
لا إلــه إلا الله فضّاضـة الصخر الصّـلابْ=أحمد المختـار للخلـد يسبقنـا بهـا
ولا إلـه إلا الله الريـح تشهـد والسحـابْ=والجبـال تقول أصـابع شهود اسبابها
ولا إلـه إلا الله اكبر سـؤال اعظـم جوابْ=الرعـود اصواتهــا والبروق اثوابهـا
ولا إله إلا الله القــاهر الفـرد المهـــابْ=جـابر العثرات معطي الكنوز أصحابها
ولا إلـه إلا الله اول كـلام اصـدق متـابْ=الحكـم في سـرها والهـدى باهادبها
ولا إلـه إلا الله تخضـع لهـا كل الرّقــابْ=حظ والله من حملها وجـا يسعى بهـا
ولا إله إلا الله قـام الشــداد على الركـابْ=تـاج مجدٍ من حمـل عـزته يُعلى بهـا
ولا إلـه إلا الله ترجــح بميزان الثــوابْ=بـالسمـا والأرض باحجارها واترابها
ولا إله إلا الله حصـن من الشـرك الكـذابْ=مـا تمس النـار مـن جـا في جلبابها
ولا إله إلا الله ذخـر الـولي يوم الحســابْ=يوم تدنو الشمس والكرب بعض اسبابها
ولا إلـه إلا الله اجمـل خبر واكمـل نصابْ=تشـرح الخاطـر وهي مفزعٍ لذنا بهـا
ولا إلـه إلا الله ننسـج بهـا حسن الثيـابْ=هـي نشيـد المجـد والنور من محرابها
ولا إلـه إلا الله فـك الرّهَن عتق الرقــابْ=طهـرة للخلـق بـاحسابها وانسابهـا
ولا إلـه إلا الله يفتـح لهـا سبعـين بـابْ=كـل بـابٍ فـاح من عودها واطيابها
ولا إلـه إلا الله لـو نزلت في الصخـر ذابْ=هي سـلاح الجند وسيوفهـا واحرابها
ولا إلـه إلا الله خذها معـك وقت الذهـابْ=جنـّة الفـردوس وين انت يا طلاّبها؟
يـا الله يـا غفار سهّل لنـا كـل الصعـابْ=فكّنـا من كـربة مظلـمٍ سـردابهـا
مـا لنا غيرك مـلاذٍ ولا دونـك حجـابْ=يرتجيـك الخلـق عدوانهـا واحبابهـا
فالـق الإصبـاح بـاني السما مرسي الهضابْ=عـالم الأسـرار هـازم جميع احزابهـا
محيـي الميت مبيد الجيـوش اهـل الخـرابْ=كـاسر الجبـار جـابر كسير اطنابهـا
معـني المحتـاج مشبـع هـل المخلب ونابْ=مـروي الظـامي مفرّج جميع اكرابهـا
حـي يـا قيوم أنـا بـاسألك بامّ الكتـابْ=حـاجةٍ في كامن القلب وانت ادرى بها
اعـفُ عنـا يـا مجير النبي مـن العــذابْ=واعـف عن أمة محمد فهـو وصّى بها
أنـا عبـدك وانت بـالخير تبـدا والثـوابْ=رحمتـك تسبق عـذابك تبشرنـا بهـا
أسـألك بـاسمك وخشمي لمجـدك في الترابْ=الملـوك بجندهـا سلّمت بـارقابهــا
انت يـا رحمن من رحمتك كشـف العـذابْ=التجينـا بك وغيرك نصب حجـابهـا
السلاطيــن المهـابه هبـابٍٍ في هبــابْ=كلهـم في قبضتـك لـو علت باشنابها
كـل من يمشي عليهـا تـرابٍ مـن تـرابْ=تحت حكـم المنتقم روسهـا واذنـابها
البقـا لله والعـز لــه هــادي الصـوابْ=والخـلايق صفـر كتّابهـا حسّابهــا
ما عليه من البشـر لـو بنت فوق السحـابْ=دود فقـرٍ يحطـم المـوت ركن اقبابها
كلمـةٍ مـن ربنـا يصبـح العـالم يبـابْ=عـز فوق العرش والخلق ما يُدرى بهـا
نسـألك بـاسمايك الغـر والوصف المهـابْ=بـالفواتح والخواتيـم كـم نقـرا بها
نسـألك بـاحرف كتابٍ إيْ والله من كتابْ=بـالسور إيجازهــا بـاهرٍ واسهـابها
بالطوال السبع في شرحهـا فصـل الخطـابْ=وسـورة الإخـلاص يا ربنا عذنا بهـا
ونسألك بالاسم الاعظـم وبه كشف المصابْ=وآيـة الكرسي وكـم قلبٍ اتهجّى بهـا
تغفـر الزلّـه وتفتح لنـا للخلــد بـابْ=واحمنـا من نـارك الموقـده واعقـابها
يا سما يـا أرض يـا ليل داجي يـا سحـابْ=يـا قمر يـا شمس يـا طيرها يا اذيابها
يـا بحر يـا نهر يـا نجم يلمـع يـا سرابْ=يـا كواكب كـن برج الفلك ركّابهـا
يا زَهَرْ يا روض يـا نخل يـا الشهد المـذابْ=يـا جيوش النمل والنحل كـل اسرابها
يـا جبـاه السـاجدين البريئـه بـالمتـابْ=يـا دمـوع القانتين احـرقت محرابهـا
يـا ابتسـام الطفل يا نسمة الروض العجابْ=يـا حنين النـوق تاقت لربـع احبابها
يـا خيـام الوصل والهجر يـا سحر الشبابْ=يـا جـلال الشيب يـا رحله عشنا بها
اشهـدوا يـا كل يـا جمع بالقول الصـوابْ=لا إلـه إلا الله نشهـد مـع من جابها
واشهـدوا بـأنا شهدنا بهـا دون ارتيـابْ=يـا عساها تطلق النفس مـن كُلاّبهـا
ونشهـد ان محمـد المصطفى جـا بالكتابْ=لقّنـه جبريل بـالغار عذب اخطابهـا
أصدق من ياطى الثرى اكرم من غطى الضبابْ=والتـراب امسيلمـه خـايبٍ كذّابهـا
نطلـب الجنّه عسـاها المـنى وآخـر ذهاب=مهـرها التوحيـد يـا جعلنا خطّـابها
سبحـوا القـدوس هـذا المديح المستطـابْ=وانظـروا الآيـات في الكون من وهّابها
فـي ابتسـام الفجر في ضوء نجمه والشهابْ=في هطـول الغيث تصعب على حسّابها
في التفـاف الـورد يشبه لمزيون الخضــابْ=عـانق الريحان شيح النفـل بـارضابها
في مصب النبــع في الصخـر كنّه عين دابْ=في شعـاع الشمس كن الغضا شبّابهـا
في صـدوح الطير نغماتهـا فيهـا انسيـابْ=في زحـوف الليل غطّى الفضا جلبابهـا
فـي بنـاء الكـون في كـل شيٍّ له خطابْ=كلهـا تشهـد بتوحيـد رب اربابهـا
بـانه الفرد الصمـد واحد دون اضطــرابْ=أحـرف القـدره دليـل على كتّابهـا
والله اني بـالخجل مثـل محمـوم مصــابْ=جيت بـالتقصير والذنب نفسـي عابها
لكـن ان العبـد لا مـا رجع بعـد الغيابْ=يغتفـر لـه شردته بعد طـول اغيابهـا
مـن أنـا حتى امدحـه التـراب بن الترابْ=جـوده الواسـع رفعني على مرقابهـا
أتوسـل بـالشهاده وهـي راس الزهــابْ=واعترف بـذنوب عبدٍ وأنا كسّــابها
مـن شكـر والا كفـر مـا يزيد الملك نابْ=الله مستغـني عن الكـل هـو وهابهـا
الخليقـه في مــوازين تقــديره ذبــابْ=والله مـا تنقص من الملك وزن اذبابهـا
كلهـم ريشـة بعوضـه على نسمـة هبابْ=الله كـم من جمجمه حنّطت بـاترابها
دوّخ الامـلاك واكنـوزها صـارت نهـابْ=زلـزل الباغين حط الفنـا قصّــابها
الله كـم فرعـون حطّه عـلى راس الحـرابْ=الله كـم جبـّار دق الوتـد بـاطنابها
الله كـم من راس طـاغوت جرّته الكـلابْ=الله كـم من دولة جت ولا يُدرى بهـا
الله كـم من قـايدٍ في البرايـا مـا يُهـابْ=صـار زاد الــدود سلاّبهـا وهّابهـا
لا تقـل هـذا عظيمٍ وذا حضـرة جنــابْ=العظيـم الله يكفـي البشر ما صابهـا
كـل مـا تبصر من البـاشوات اهل القبابْ =مثـل دود القـز سـم الفنـا باثيابها
مـن غبـاهم علّـم الدفـن قـابيل الغرابْ=وانتـزى الهدهـد لبلقيـس في محرابها
وسـد مـارب في سبـا جدّ فاره في الخرابْ=ونـامسه في راس نمرود سـال العابهـا
شـف ثمـود البغـي مـاتوا بناقه في شرابْ=وغـار ثورٍ بـالحمامه يـرد اعرابهـا
وقـوم نوحٍ كـالضفادع بطوفـانٍ عبـابْ=وصار قوم شعيب مثل الجيف باشعابهـا
كلهـم عبد الطمـع يـا ذيـابٍ في ثيـابْ=كشّـرت بـانيابها واحتمـى مخلابهـا
لا ترجّـاهم تـراهم سـراب فـي سـرابْ=فـوض امـرك للمهيمن يفتّـح بـابها
وش بقي مـن مـال قارون واصحاب العيابْ=زرْ مقـابرهم ترى البـوم قد غنّى بهـا
والصـلاة على محمد ومن على حوضه يُجابْ=مـا يظما من ذاق شربه وهـو صبّابها
واهـل بيته والصحـابه لسيـف الله جـرابْ=حبهم عندي عقيده حفظـت اكتـابها[/poem]
http://www.rofof.com/4agiue16/Nshyd_alwahd.html
أعجبتني فأحبتت أن تشاركوني سماعها
دمتم بحفظ الله ورعايته[/align]
مواقع النشر (المفضلة)