يعرف نفوس أجناس ما تعرف القدر
حتى القلم لا صد بتصد الأحبار
وش للقلم لا صار ما يبغي الحبر
بيروح تعبيره وبتروح الأفكار
وما للنظر داعي ليا روّح الفكر
تجمّعت بالعين حسرات الأنظار
لكن سبقها شي ما عادبه صبر
والهم له ميل وأمتار وأشبار
وإلا الفرح ماعادبه غير بالشبر
ياتي بعض الاحيان بأوقات الأسحار
ويغيب من عيني تقل كنّه السحر
ولاصار من حولك أغلبهم أشرار
لا تآمن أقربهم من الظلم والغدر
ولا تعطي آمنهم من علومك اسرار
لنّ البشر ذا اليوم ما يبغي الستر
كلّن قطع وصله من الرحم والجار
مدري حسد وإلا من الجوع والفقر
حنا ترى ذا اليوم في خير مدرار
والله يديم الخير بأحوال ذالدهر
مواقع النشر (المفضلة)