00نصيحة مصرية 00
مصرية تعلم السعوديات فن التعامل مع الزوج
بس قاموا عليها قوووووومتن شنيعة
7
7
7
7
السلام عليكم
الموضوع انهردة هتناقش عن ازاى المراة تحافظ على زوجها
اول حاجة
لازم تغيرى من اسلوب حياتك يعنى مثلا تتصل به عند تأخره في العمل وأسأل عنه و تمدحى الأشياء التي اشتراها و تعمليلة الوجبة التي يحبها تغير مكان الأثاث في المنزل بين فترة وأخرى
التغيير الشكلي أمامه بين حين وآخر كقص الشعر ووضع المكياج وغيرها ( إن هو يحب ذلك) ..
كمان خلىى بالك من الحاجات دى:
أن الزوج لا يحب المرأة الكثيرة الشكوى والتي تتلقاه عند الباب لتلقي إليه بأكوام الشكايات وقد جاء متلمساً لشيء من الراحة بعد عناء طويل.. اطرحي همومك في الوقت المناسب واختاري أكثرها ألماً لكِ وستجدين العناية التي تبحثين عنها.
كمان ياريت تبقى رومانسية
استخدمي حبات الفاكهة الصغيرة ( الكرز ـ العنب ـ الفراولة .. ألخ ) لتكتبي بها عبارة "أحبك" وسط طبق الفاكهة الكبيرة.
ضعي مكعبات ثلجية على شكل قلب في كأس العصير الذي سيشربه.
ضعي وردة داخل الكتاب أو الصحيفة التي يقرأها.
في يوم الإجازة حضري له إفطاراً دافئاً وقدميه له في فراشه.
علقي صورته في مكان بارز.
أرسلي رسالة عاطفية رقيقة ومختصرة بالفاكس إليه أثناء العمل.
بعد الاستحمام ارسمي على مرآة الحمام بإصبعك صورة قلب على البخار ليراها وهو داخل بعدك.
ارفعي درجة برودة المكيف قليلاً والتصقي به التماساً للدفء
لو عملتى كل دوت الراجل هيبقة زى الخاتم باصبعك
ام مالك
نجي للردود
هههههههههههههههههههههههههههههههههههههههههههههه
ههههههههههههههههههههههههههههههههههههههههههههه
هههههههههههههههههههههههههههههههههههههههههههه
آسسسسفه ياقلبي غصبن عني قسم بالله
الله يوسع صدريتس بالعافيه
جاري التطبيق ( ورده لابسه تنكري فراشه)
------------------------------------------------------
إقتباس »طيب اذا رفسها وقالها عندك البطانيهارفعي درجة برودة المكيف قليلاً والتصقي به التماسا للدفء
الله لايجعله اكبر همي ...............
يا ذا الرجل الي هبل فيكم ..................
تقول ..........انفضيه نفض الردا ..............ون كان فيه نصيب ماغدا
ههههههههههههههههههههههههههههههههههههههههههه ياقلبيييهإقتباس »
علقي صورته في مكان بارز .
------------------------------------------------------
ذكرت وحده معلقه صورة رجلها في الصاله بس تعرفي لييييه ؟؟؟ ئلتي ليه
عشان تروع بها بزرانها لايزعجونها هههههههههههههههههههههههههههه
تقول اذا شافو صورته يركدوون < بالله هالاشكال ينفع معهم رومنسية والا كلام فازي
------------------------------------------------------
هههههههههههههه نصائح ذهبيه
لكن للسعودي مافي الا حل واااااااااااحد ويصير خاتم باصبعك
عبي السفره بالكبسه والمحشي والحلى والخ وعيوووووونه تزغلل ويروح فيهاا
بس مو مره تودينه للعنايه المركز ه
مشكورة اختي
------------------------------------------------------
جعله مارجع للبيت وش هالدلع بيته ترى قبل لايكون بيتي ماابيه اصلا انا يجي البيت خير شر الا اذا خفت وصار شي يصير بوجهه انا لايصير فيني شي
اقول بس يااااااااازين بيت اهلي
------------------------------------------------------
هههههههههههههههههههههههههههههههههههههههههههههههههه هههههههههه>>>>>غصبن علي وقسم..
ياستي هالحركات تصلح عندكم حنى طعوووووووووووووس ..
يعني لو هالمسكينه سوت شي من اللي قلتي ..احلى كف وطالىء بالتلاته ..
النصيحه السنعه قالتها وحده ردت قبلي ..
اشغليه بالأكل يصير خاتم باصبعتس ...
------------------------------------------------------
احط ورده بكتاب ولاجريده خخخخخخخخ ليه ماخذه محمود ياسين
اقول بس بلا حركات المصاخه وخليه ينقلع برى البيت لطفش
والله المفروض هو اللي يدلع مرته ويجيبلها بوكيه ورد مو كفاية قاعده بالبيت تنظف وتطبخ
ابروز صورته خخخخخخخخ
------------------------------------------------------
تكفين قولي استهبل <<كاتمه الضحكه
مشكله اللي تقرا الكلام وتجي تكتبه ليستفيد الجميع وهي ماتعرف وشلون تطبقه من اساسو
اتمنى الفائدة تعم ارجاء وطنك المعمور
------------------------------------------------------
لا لا نصايح ثمينة الصراحة
إقتباس »
تنكري بزي ارنب ولا بزر واجلسي تخيبلي عنده شوي وشوفي وش بيسوي فييييك
يلقط أقرب بندق << خرمان أرانب
------------------------------------------------------
امس بجريدة اليوم وحده بالحساء ماتبي تتزوج لبست كفن بدل الفستان وحطت زفتها (هذه جهنم التي كنتم توعدون) مسويتها ماتبي المعرس ياحسافة التجهيزات بس والمعازيم هههههههههههههههههههههههههههههههههههههههه
------------------------------------------------------
حلو ان الزوجه تدور راحة زوجها بس عاد موب انشب له
كله كوووم وحركات التنكر كوم... ولا الي تسوي ليله كزابلانكيه اسيويه شرقيه رومنسيه وتلصق ابو ريالين كله على جدار الغرفه هههههههههه
وبعدين خن يطلع ويوسع صدره لو بيجلس بالبيت طول الوقت انا بمل موب هو
ترا الرجال حليلين بس عطوهم جوهم
وبعدين الفطور خميس انا اجيب له وخميس يجيب لي
>>دوريه موب فطور
------------------------------------------------------
طيب انا الحين اللي طفشانه منه,,, وش تنصحينه يسوي عشان يبعد الطفش عني
استغفر الله بديت احس ان الزوج كنه صنم من زود التقديس,, ياليل الفضاوه اذا طفش الله لايهينه
يمسك الباب ويروح يتسدح بااستراحته وانا اضمن لك مليون بالميه يجيك وفاق الكشره يضحك
اما اني بقعد اهول بعمري عشانه يجيب الله مطر
------------------------------------------------------
ترى الرجل يتشتت من كثره هالخزعبلات !
وبعدين الرجال شخصياتهم تختلف عن بعض تماماً ! وعمر الرومانسيه ما كانت ورده ولا تنكر خخخ كأننا حفلة روضه خخخ و لا ابروز صورته !
وبعدين وش فيكم على رجالنا أعطو سداح فرصه والله انهم طيبين ويجي منهم !
------------------------------------------------------
ههههههههههههه
إقتباس »
و تمدحى الأشياء التي اشتراها
وإذا صرنا مطفرين في نهاية الشهر وش امدح فيه
إقتباس »
ضعي وردة داخل الكتاب أو الصحيفة التي يقرأها .
تهقين لو حطيت برسيمه بتنفع
إقتباس »
لو عملتى كل دوت الراجل هيبقة زى الخاتم باصبعك
تقولينه صادزه لو سويت كل دوت راح يكون زي الخاتم بس اي خاتم ذهب والا فالصوا
------------------------------------------------------
أنا بصراحه أحس الأجواء الرومنسيه المصطنعه ماتناسب العائله السعوديه ككل
لا من ناحية تقبل الزوجه ولا الزوج للوضع
أمس وحده في منتدى الحريم تقول لبست لبس تنكري لزوجها قام قالها
شكلك زي القليلات الأدب
هذا عاد قليلة فيه ضربة الشبشب
المجتمع مايتقبل منظر الزوج والزوجه بهذا التفكير
ممكن اذا كانوا من الجيل الجديد المتفتح فـ ممكن
------------------------------------------------------
إقتباس »..عاد هو اللي بجيب خبرها أصلاً والا بِنتبه ..!بعد الاستحمام ارسمي على مرآة الحمام بإصبعك صورة قلب على البخار ليراها وهو داخل بعدك .
الشبآب السعودي موب وجه هالحركآت .. الا من رحم ربي ..
------------------------------------------------------
(هذي رهيبــــــــــــــــــــــــة)im22
فيه كمان فكره حلوه
تتنكرين على شكل طربيزه
تنسدحين وتلبسين شرشف ابيض ويصفون فوقك فازه وصحون وملاعق وكذا
وبعد مايدخل زوجك فجأأأأأأأأأأأأتن تنطين من مكانك وتقولين موفاااجأة
صدقيني حيغمى عليه مدري عاد خوف والا اعجاب خخخخخ
بصراحه
لو انا ( جوز \ زوج هاسبند)
والحرمه تسوي لي كذا كان اسطرها + ارميها في بيت اهلها
ايش البياخه هذي
ايش الروقان هذا
يعني نسويها لعبه وحفله واستهبال اوكي
بس انه المفروض انه يخق وتضيع علومه هذي صعبه شوي خخخخ
عاد كل وحده بخص بالجوز حقها << وش عقبه ؟
im22im22im22مب صااحية اجل طربيزة im22
------------------------------------------------------
وقسمن خلوا عنكم يجي منهاحطي ورده والا نعناع والا حبق عاد الي يحبه بوسط جريده الشرق الاوسط
مو شرط فاكهه , ومثلن تحط جريش على الغداء همن تكتب احبك بالسمن او الزبده
شلون زي فراشه يعني تلبس تنكري فراشه ؟لا ازعل عليتس كذا
الله ينفع بتس
لتس(خاتم فوزيه الدريع)
------------------------------------------------------
-
يعني لو بشوف مثلا زوجتي حاطه ورده بكتاب ياشيخه لا اطلقها بالخمسه عشان استر الفضيحه اللي صارت بالبيت
لا جد افكارك زوينه بالنسبه لكم بس حنا يالسعوديين ماتمشي معنا لان ماتعودنا على هالشي
ولا اعتقد اننا بنتقبل المهازل هذي هههههههههه
بعدين خيير وش فاكس بتقدم على دائره حكوميه هي
------------------------------------------------------
ومن اللي بينفض وينظف الفراش اذا امتلى حتات خبز ..!إقتباس »
في يوم الإجازة حضري له إفطاراً دافئاً وقدميه له في فراشه .
مره قريت ياربيه ماشيل ذنبها
تقول خوذي موزه واحفري عليها اسمه مدري احبك همين بتصير سودا صح ( طبعا تحفرينه على القشر من غير ماتقشرينها يااارب فهمتو ) وبعدين الي حفرتيه بيصير اسود ..بعدين قديمها له بكل الحب والود ( قلوب واجدات )
خخخخخ
------------------------------------------------------
اللحين النت في 745673298645 منتدى حريم وكل حتسيهم عن الزوج ووش تسوي له جعله الغضر
حسسوني انه جاي من كوكب ثاني وواجب علينا نقدسه
بالله زد شفتوا منتدى رجاجيل ويقولون وش نسوي لحريمنا ؟؟ وكيف نرضيهم ؟؟ ووشلون اسوي لها مفاجأه واغم عيونها واسفرها وفجاه تلاقي نفسها في جزر الواق واق <<قويه سلكوا سلكوا
وقسمن ترى ماتسوى عليكم 24 ساعه تفكرون فيهم وهم ماطقوا لكم خبر
اجل مواضيعهم في المنتديات النسائيه تدور حول /
* كيف تخلين زوجتس يعود من الاستراحه بدري .؟ ادخلوا مهم مررررررررره
* كيف تخلين زوجتس يخليتس تمرحين عند اهلتس بدون وجع راس ..ادخلوا ماراح تندمووووون
* كيف تخلين زوجتس معاد يقز لين سافر والا راح لسوقمجررررررربه وادعووووولي<<هذا اهم شي لين كتبوا مجربه
(ملاحظه: اهم شيء ترى تمطين حتسيتس يعني زي كذا (مررررررره /قوووووه) يحسون انتس صادقه اذا سويتي كذا وصافطتن لهم الخير
*كيف تسوين ليله حمراء وصفراء وتركوازيه وغابيه وبحريه <<لا تضحكون وقسمن فيه ليله بحريه جايتني على الايميل ودي انزل الصوره بس اخاف نفتح باب مسكر
احس ام مالك كرهت النت بكبره من ردودنا ههههههههههههههه مافينا رجاء وانا اختس حسوفه بالنصيحه علينا
وانا اشهد
------------------------------------------------------
ضعي مكعبات ثلجية على شكل قلب في كأس العصير الذي سيشربه
ههههههههههههههههليه بس وش الطاري حصه فنيه أو حياه زوجيه ..!
طيب اليوم فصل شيء بمخي وعملت له هالحركه وسحبت عليه باقي حياتنا ..
ياختي دام مشاعره ثلج ليه اجيب ثلج .. هذا اللي يبي يكحلها فعماها .. الله لايعمينا ..
ضعي وردة داخل الكتاب أو الصحيفة التي يقرأها .
قصدتس مثل الفاصل يعني أنا كنت أول لاجيت أذاكر أقرب شي أحطه بوسط كتابي يفصل الجزء اللي ذاكرته عن اللي ماذاكرته ههههههههههه المعذره فهمي على قدي
بس وش سنعها هالورده ورده حووبنا..؟
فرضاً أنهبلت وحطيتها وجيت له وهو جادعها بتصير مشكله وإحتمال روحة لبيت الأهل
لأأني رومنصيه وهو لا : ( ..
في يوم الإجازة حضري له إفطاراً دافئاً وقدميه له في فراشه .
شوفي ممكن بحاله وحده لو كان متحرول يبشر بالغداء والعشاء مهوب الفطور بس .. أوما وهو بأتم صحته وعافيته ينزل يفطر زيّه زي غيروه من الأزواج المغلوبين على أمرهم ..
بعدين ترى ربعنا يقوم الوحده ونفسه بطرف خشمه ومانحتسي مع بعض إلا على قهوه المغرب يكون تعدل المزاج بوقتها قبل هيك خطر الإقتراب .. ليش أخاطر وأروح له بصينيه مثل اللي يروح للموت برجليه هههههههههه مانبي تشوهات ولاإصابات حنا كذا حلوين ..
علقي صورته في مكان بارز .
ليه بس
طبيعي بيكون ناشب قدامي 24 على 24 ودابل تسبدي وأنا دابلتن تسبده وكل واحد ناشب بحلق الثاني ..
أكمل الناقص وأعلق صورته على الحيطه ..
تخيلي مجرم بزنزانه .. ويعلقون له صورة سيف وهو محكوم عليه بالإعدام ..
تتوقعين يعيش لوقت إعدامه هههههههههه بينهار وينجلط ..
تراهي تقصد فاكس.. عشانه ارخص من الجوال
او إن الإيميل قديم من عصر ماقبل الجوالات..
هذا والله أعلى وأعلم..
------------------------------------------------------
ردود في منتهىالتنسيم im22
ماودها تشقر عليناهالمصرية بمويضيعن زوين عشان ندبل تسبدها اشوي
(طربيزة عليها فاكس وفازة ورد بلاستيك)
رد: 00نصيحة مصرية 00
مواقع النشر (المفضلة)