السلام عليكم ورحمة الله وبركاته
وش قومه جهازي موب صاحي ,, مدري البلا منه ولا وش السالفة ,,
يوم ادخل المنتدى هنا والغي الصفحة يقعد اسمي بوهـ فترة طويلة ,, كل من جاي يبي يكلمني قبل ولا يرسل لي ولا اقول لمشرف عدل موضوعي ولا عنواني .. ما يجي الرد بسرعه على ان اليوزر يقعد حول 3 ساعات مير يالله الستر بس
بعدين قلت ابي اكتشف وش السالفة من راسي ,, وامس سويت تسجيل خروج الساعة 7 المغرب ,, وجيت اليوم الساعة 9 وربع العشاء مرت فوق 24 ساعة على خروجي من المنتدى ولا زال اسمي موجودن به ,,
لهدرجة أنا مهم ,, في المتواجدون الأن والمتواجدون 24 .. دايم اسمي يطول ؟؟
المهم ,, تصدقون إني مخقخق مع القصيم ,, وبنفس الوقت قبل 3 سنوات ما كنت أدري إنها قريبة من الدوادمي !! .. لأني جيت خط بط < اختصار لمشوار الطريق .. من الخبر إلى الدوادمي ..
تدرون وش معناة الواحد يروح من مدينة كبيرة ويسكن في محافظة صغيرة ؟!
انواع العذااب وقسم بالله ,, من بعد ما كانت انواع المطاعم عند بيتنا .. تصدقون قبل 3 سنوات فتحوا كودوا فالدوادمي وفرحوا الشعب بقوة !! .. لدرجة إنهم يشترون كودو ويعلقون الكيس حقة على قزاز السيارة على اساس " شوفوا ترونا نشتري من كودو "
حسيت إن الزمن رجع فيني 15 سنه ورا .. لما انتقلت من الخبر للدوادمي ..
أخر شي سويته في الشرقية قبل ننقل .. دخلنا ابوي انا واخواني معهد كمبيوتر مدة شهرين ..
هي اللي حسيت انها انقذتني من الدوادمي صراحة ..
لأني من جيت من الخبر وانا على الكمبيوتر .. ما خليت منتدى ما دخلت فيه ,,
قسم يا فيه منتديات من عام 2002 وانا مشارك فيها ..
عاد الحين شقرا والدوادمي يتحدون على من تصير المنطقة فيهم ,, انا بالنسبة لي ارشح شقرا عشان تضبط الدوادمي اللي كل من مشى على الشارع الرئيسي خربت سيارته من كثر ما الزفلت مكسر ! ..
ما قد شفتوا لكم واحد يسولف في اكثر من سالفة في 5 دقايق ؟
هنا معاناتي : (
رد: مقسى من فراق القصيم الا فراق أهل القصيم < اطرح الرجال وين حامد زيد عنه
مواقع النشر (المفضلة)