السلام عليكم ورحمة الله وبركاته
؛
؛
أسعد الله اوقاتكم بالخير والمسرات أبيات متواضعه آمل أن تنال ..أعجاب الجميع
؛
؛
[poem=font="simplified arabic,6,black,normal,normal" bkcolor="transparent" bkimage="" border="outset,6,gray" type=1 line=0 align=center use=ex num="0,black""]
هذا كلامك بعد خاب الرجاء فيك = ياللي على الزلات عجلان هاوي
ياما نصحتك ياعسى الله يخليك = للي هواك وصار لجلك فداوي
اتسل سيفك يوم قلبه يناديك = واتزيد جرح القلب جمر(ن) سناوي
كنت استميحك عذر من كثر مغليك =وكنت ادمح الزله وجرحي نداوي
والله من ليلٍ سهرته وانا ابيك = انا ونجم الليل ليلي شقاوي
اسامر اطيافك وعيني تناجيك =وانت متهني في منامك خلاوي
ماينشغل بالك على اللي يراعيك= تقضي حياتك فالهنا والغناوي
مرتاح واللي ترغبه نفسك يجيك= لا واهنيك ياكبير المناوي
الطف بحالي ياعسى الله يعافيك=وانظر بوضعٍ مل منه الهواوي
صارة حياتي كل ابوها بياديك = تامر وتنهى يابعيد الهقاوي
والله بالخفاق ماغاب طاريك = يومك على هجري من العام ناوي
اما تلين وترجع لقلب غاليك =ولا بقى جرحي بليا مداوي
[/poem]
؛
؛
وسلامتكم
طامي العتــــــيبي
مواقع النشر (المفضلة)