ياجرحي
[frame="7 80"]اسعد الله اوقاتكم بكل خير ومسرات
--------------------------------------------------
أبعث لكم أرق التحايا وأصدق الأشواق
أزف لكم اليوم إحدى بنات أفكاري
وبوح خافقي ... وهاجس ضميري
وأعذب المعاني الصادقه ومن القلب للقلب
هذه القصيده هي ما جادت به قريحة الشعر
التي ملكت كل وجداني وملكت كل حياتي
هاهي بين يديكم لتتأملوها ... اتمنى ان تنال رضاكم
-------------------------------------------------------
ياجرحي اللي كل ماأحس بــه طــــــاب =
زادت صواديف الليالـــــــي جــــــروحه
ينزف وعجزت لاتداويــه الاطبــــــاب =
ماهو مرض عضوي ولاهي قـــروحه
الجرح هو توديع الاحبــاب لاحبـــــاب =
من ذاق دمع العين حسّ بمــــــلوحـــه
انا الغريب اللي مشى درب الاغــراب =
انا الحبيب اللي تحـــــــدّر طمـــوحــه
اناالجريح وموطنـــــي قلب منصــاب =
جمر المليله زاد في القلــب فوحـــــه
حبيبتي قلبـــــي علــــى شوفتــك ذاب =
من عقب هاك العام غابت فــــروحــــه
درب الفرح ضيّع مفاتيح الابـــــواب =
والقلب عقبك عاش همّه بـــــروحــه
ضاع الامل في رجعتك والقمر غاب =
وانهد قصر الحب عالي صــروحـــه
ياحظي اللي خاب مايوم قد صـــــاب =
والعمر قفّا والامانـي شحـــــوحــــه
الموت واحد وان تغيّر بالاسبــــــاب =
وان كان قلبي مات تبقـى جروحـــه
حان الوداع المر ياذيك الاهــــــداب =
حان الوداع المر وابغى السموحـــه
وسلامتكم
ساحر البسمه[/frame]
رد مع اقتباس
مواقع النشر (المفضلة)