يكفـــي إحــــرآج ! صرخة يعجّز المتجمع عن تقبلها !
السلام عليكم ورحمة الله وبركاته
كيفكم ؟
قبل يومين رحت اشتري لي تيشيرت وبوكسر
وكالعادة رحت محل الملابس
باريس : يالطيبة لو سمحتي ابي تيشيرت
الطيبة : من عيوني باريس وش مقاسك ؟
باريس : والله مدري وش مقاسي لكن هذا جسمي شووفي وجيبي !
الطيبة : مجرد سؤال فيه بعضهم يعرف وبعضهم لا لكن ابشر
باريس تعال شوف التيشيرت ذا شكلة حلو وعلى جسمك بيطلع أحلى
أنا دقيقة ..
طلعت وناديت زوجتي .. تعالي قلبي شوفي التيشيرت وعطيني رايك فيه
زوجتي : اقول اخلص بس لا تفشلنا وين تبيني ادخل محل ملابسكم !
أنا : طيب خلاص انتظري
باريس : يالطيبة وين التيشيرت ابي معه بوكسر فيه ؟
الطيبة : ايه فيه بوكسرات جديدة وحلوة ومريحة بعد وبتطلع حلوة على جسمك
أنا : وريني طيب ,,
الطيبة : شوف ذا اللون حلو وجديد ومريح على الجسم ويطلعك بشكل احلى
مع التيشيرت ذا تطلع توحفة
أنا : حلو طيب حطية بكيس
الطيبة : تفضل هذا الكيس وكرت المحل موجود إذا تبي تسال عن الجديد اتصل
طلعت للبيت والبست ملابسي الجديدة مسوي فيها كاشخ
أنا : زوجتي شرايك فاللبس ؟
زوجتي : ايه ايه حلو اقولك بس الساعة كم ؟
أنا : مدري والله ليش وش فيه ؟
زوجتي : ابد والله فيه مباراة احتريها !
أنا : طيب ما قلتي لي رايك باللبس ؟
زوجتي : لحووول ! قلت لك حلو وش فيك انت اول مرة تشتري لبس !!
أنا : بس انا شاريها عشانك !
زوجتي : ولو ما تزوجتني بتكون مفصخ !
أنا بعد فترة من القهر قلت ما فيه الا ادق على الطيبة
الوووووووووووووو
انا : السلام عليكم
الطيبة : وعليكم السلام والرحمة
أنا : انا باريس شريت قبل يومين من عندك تيشيرت وبوكسر و و و
الطيبة : اها ايه ذكرتك اكيد طلع اللبس حلو عليك صح ؟
أنا : ايه اكيد ملابسكم حلوة
الطيبة : لا والله الا الحلو جسمك هو اللي حلى الملابس ................
...........
....................... إلخ
يعني كيف بنت تبيع ملابس لرجال ؟ عيب !
ولا بعد من برا ماهيب بنت بلدنا ولا تخاف علينا !
أجل بيخاف علينا رجال من برا يمدح ملابس الحريم الداخلية ؟
ويجون ناس مطفين النور يقولون اجل وشو نخلي البنات يبيعون لبنات ؟
تبي البنات يروحون المجمعات كاشيرات والريجيل يدفعون الفلوس لهم ؟
أحسن من يمغط ملابس حرمتك الأجنبي ويقولها تصلح لك وما تصلح لك ويمدح جسمها اطلق من مدحك !
ياخي ليش افتراضيت الإختلاط لا بلا الله !
فيه شيء اسمة جزء نسائي مغطى وحراس اثنين
وداخل الحريم يشترون الملابس من حريم بشكل مغلق !
يعني نرفض السواقة عشان ما تبنشر البنت ويجيها سعودي ولد البلد يتحرش
ونخلي اليمني والسوري واللبناني يتحرش في ملابسهم الداخلية وحنى نستحي ندخل معهم !
ايهمها أعظم يا مجتمع !
هزلت قبل يومين اشوف في العربية لقاء مع رئيسة حملة " يكفي إحراج "
يبون اللي يبيع لهم بنت
ولكن المسؤولين والمجتمع الذكوري نظرته إلى " مجتمع مختلط فيه بنات ورجال والبنات كاشيرات فقط هذا اللي يتغير !! "
لا ياخي يكون في مكان منعزل لهم ويحاسبون على كيفهم ليش النظرة ضيقة شوي ؟
الحلول كثيرة !!
يعني لازم تصارخ البنت في الفيس بوك والعربية وتقول " يا يبة ياخوي يا ولدي مقدر اشتري من رجال غريب ملابسي الداخلية واستحي اقولك انه قال كلام حلو ولا اني انا نفسي استحي وتمنعني اشتري بكرة ملابس بالمرة !! "
نمنع السينما ونسمح للدخان والشيشة في كل مكان
نمنع كاشيرات البنات ونوزع الأجانب في محلات النساء الخاصة
نمنع السواقة للبنات ونجيب هنود يسوقون لهن !!
قمّة في التناقض
ويسمع صرخة النساء فقط الفيس بوك والقنوات الإخبارية
مواقع النشر (المفضلة)