احلا شي بالعالم انك تاخذ طريقة حلا من بنت خالك
ويوم تصلحه يطلع احسن من حلاها
:24ar:
ساعتها تحس انك ملكت العالم وان فيك رجا بعد مايأست من الحياة im22
والسر انك غيرت الشوكلاته بدل السنكرس حطيت حالكسي :8ar:
هذا الشي الأول
الشي الثاني اني عرفت وأيقنت وآمنت ان الجمال يكون بالبساطه
مب بالتكلف
ماهو زي ماتجيب اغراض حلا لاطشه من اقلاع
ومافي سوبرماركت بالقصيم الا وتسأل عنها وبالعافيه تحصلها
لأنك اول مره تسمع فيها
ويوم تصلحه مايكون مصيره غير حظيرة الأغنام
قمة الإحباط
هنا الوضع جدا ً يختلف im3
اغراض في متناول الجميع لو تدخل خرابة هندي لقيتها im22
كوب سكر كوب زيت كوب مويه كوب طحين
4 ملاعق حليب بودره
4 ملاعق بودرة كاكاو
ملعقة بكنج وملعقه صغيره فانيليا
2 بيضه
2 جالكسي
وملعقة زبده
كوب السكر والمويه والزيت والحليب وبودرة الكاكاو والبكنج كلها بالخلاط
بعد مايتجانس الخليط ناخذ منه ثلاثة ارباع كاس ونحطه بالثلاجه
بعد كذا باقي الخليط نضيف له الطحين والبيضتين والفانيليا ونخلط
بعدين نصبه في قالب الكيك وندخله الفرن
بعد مايزين من تحت نحمره برضه من فوق لكن ع خفيف
في هالأثناء نجيب الكوب اللي حطيناه بالثلاجه ونحطه بحمام مائي مع الجالكسي والزبده
وبعد مايسيحن ع بعض نصبه فوق الكيك وندخله الثلاجه شوي
والنتيجه شكل يدوخ وطعم مجنون :24ar:
بإمكانك تتفنني فيه وتضيفي بالآخر انواع من المكسرات im3:24ar::25ar:
مواقع النشر (المفضلة)