[poem=font="simplified arabic,6,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black""]
ياراكب اللي لمشى يقلب الراس=ألامع اللي فاطنله وصاحي
دليل ربعه في غطاليس الأدماس=يدل دربه بالوعروالبراحي
لعصب الهامه وقرط بالأضراس=من فوق مايدني إبعيدالنواحي
أخوإفلانه كاسب كل نوماس=يطلع براه إلياإحتداه المناحي
طيب ولايبغامدايح من الناس=عندالوفاالوافي يهزالرماحي
يارسل من فوق الشفرزين الأمراس=قطاع ديان السهل والبطاحي
لادق سلفه واشتغل يرجس إرجاس=توحي إلويله يوم يدوي مواحي
يارسل خذلي خط في صفح قرطاس=خوذه على درب السفروالمراحي
لرحت يمة صاحبي زين الألباس=شيله معك لعل دربك سماحي
وصل جوابي للغضي ظبي الأطعاس=اللي تملكني ولاأطلق سراحي
اللي على بابه ثمانين ترباس=وجنودعاقلهم قليل النصاحي
لوجيت أسيرردني عنه حراس=أرجع ودمعي فوق خدي سفاحي
قله ترى ناصرغدت عنه الأوناس=متكلف مامريوم إستراحي
من لوعة الفرقاترى طقه الياس=وسديكنه بين الأضلاع باحي
بس إيتقلب تقل بن بمحماس=من حرلاهوب بخافيه فاحي
قله ترى لوكان تبعدبالأرماس=كم واحدعن دارغاليه راحي
والله ماترخص لوإنك بمدراس=ياسيدي ياسيدكل الملاحي
ولوكنت بالمغرب وسكان مكناس=حبك ترى بالروح سوى مداحي
مادام أناحي وتجريبي أنفاس=ودك حقيقة حب ماهي إمزاحي
مال الغلابالروح حدولاإقياس=ماينمحي ماله مدى العمرماحي
أخذمع البيدابممشاي مرواس=تصفق عليه في خلاي الرياحي
ماغيرأنايصفق علي كل نسناس=وأطردسراب لاحلي بالبياحي
يلوعني في خافقي كل هوجاس=وأزعج ونيني ويتتابع إصياحي
ياأبوعيون سودخدرات نعاس=ياعيون حرفي طويل إلياحي
بأول هداده نفض الريش قرناس=فوق الهوى يفردعريض الجناحي
البرق من شوفه على الأرض تحتاس=لأدلى عليهاكثرفيهاالطياحي
من وجدي المطول تجرعت الأتعاس=بعدالحلاشربي هماج وملاحي
وشربت مرالصبركاس وراكاس=من سبة اللوعات موتي إذحاحي
لاباس ياسيدالغناديرلاباس=فالك عساه الرشدكله فلاحي
خل المدوريتلف الرجل عساس=ويتعب على شانك إبكل المشاحي
حبك بملحوم الصناديق منلاس=عن عين حسادخبيث إشحاحي
يتعب على قفوالمخاليق بلاس=ياخذوراهم وقفة وانبطاحي
عهدعليه دام في راسي إعطاس=لأحط حبك فوق متني وشاحي
مادام مابي عنك سجه ولاإعماس=ماأقول مالي في هوايه صلاحي
أنته صلاح الروح يادرة الماس=لولحني بعدك من الغبن لاحي
وإفطن ترى بيه نواميس وإحساس=حقك عليه شدتي للواحي
جاتك على اللي لمشى يقلب الراس=مع رسل يدريله فطين وصاحي
[/poem]
مواقع النشر (المفضلة)