بسم الله الرحمن الرحيم

قصيدة شجون الظبيانيه قطر , اشعار شجون الظبيانيه , شعر قطر , ابيات من كلمات الشاعره شجون الظبيانيه

الشعر فخر وعز وإحساس سامي
وغزر المعاني للقصايد وصيفه

يا سامعين الشعر هاكم كلامي
رصعته بفكري ومبادي شريفه

يومن كتبته واعتزازي لزامي
رفضت أساوم به دروبي العفيفه

واضح وانضح وانتقي به كلامي
وأحشم المعنى عراقيب زيفه

ماخذ من اطباعي ونهج التزامي
أدرسعه بكيفي أنا هب ع كيفه

ما ييت أدور شي لو به مرامي
في الشعر واعلوم وقلوب نظيفه

ييت لقطر ديرة نشامى كرامي
والعز وافي في حمد بن خليفه

والشعب يا حيه تحية سلامي
يرقى بروج العز يفخر بضيفه

وأفخر بنفسي للعلا باحترامي
دام احترامي في الثريا منيفه

لي غاية..دربي ونهجي عصامي
ولي همني فكر وعقول حصيفه

حشمت نفسي عن خصومي وخصامي
ودروب تبقى في النهاية مخيفه

ساحة شعر كل شي فيها ظلامي

وانتوا بكرامة..ساحة قذرة سخيفه

على المذاهب الاربعة واعتصامي
صنت المشاعر والمشاعر رهيفه

المالكي والشافعي واعتزامي
ومع الحنابل مذهبي ومع حنيفه

باحكام واعراف وسلوم عظامي
وبالثقل حرمه روز ماني خفيفه

وان جيت صوب الأصل عالي مقامي
فخري بداري وتاج راسي خليفه