حبيت اشاركم بقصيده لجدي وهو شاعر الوداعين .. سفران ابن مويم
الســــلام عليـــكم ورحمـه الله وبركاتـه
بســم الله الرحمـن الرحيـم
اول مشاركه لي معــكم بذا القســم لني مانيب من اهل الشـعر وانتو كفو لها
وانا كان لي حديث لشايبي قلتله مابه احد شاعر بالعائله قال الله بلاء ابن مويم والبلاء مذكور هـو لما قـال ..
قـال ابـن مويـم لـه مقـال
مقـال فيـه معنـى واكلمـاتْ
فالفـكـر دار باعـلـوم ودار
مثل الميـل يضـرب باحركـاتْ
فنـا لا بغيـت الشعـر جانـي
يضـرب اطبـولٍ واعرضـاتْ
والقصيده تحت
بغيت اطرح مناسبه ومعها قصيدتها لجد ابوي الشاعر الله يرحمه / سفران بن محمد ابن مبارك بن مويم بن راكان آل راكان الودعاني الدوسري .. كانو في مجلس الشيخ قاسم بن محمد آل ثاني أمير قطر ومعهم شاعر بني هاجر ابن عفيشة .
ولمّا جلسوا جميعاً على العشاء في ضيافة ابن ثاني ،مد سفران يده على (لسان الذبيحه) وأخذه وأعطاه الشيخ قاسم فرفضه وقال:بينك وبين الشاعر ابن عفيشه -فقد جرت العاده لدى بعض شعراء القبائل أن يأكلوا لسان الذبيحه ولا يأكله غيرهم-فرد (سفران) بقوله:ليس لابن عفيشه نصيب في هذا اللسان وأتحمل مسؤولية أكله ،فقطعه نصفين،أعطى نصفه للشيخ قاسم وأكل القسم الآخر بتحدي..!!ولمّا فرغوا من العشاء وجلسوا في المجلس لمواصلة السمر والحديث قال أحدهم: تكلم يا لسان ويعني سفران الدوسري ،فبادره سفران قائلاً اسمع
يالله يــا رب يــا كـريــم
ياعـالـم جمـيـع الكائـنـاتْ
يـا نافـذ أمـره فـي العبـاد
وأحكامـه عليهـم ماضـيـاتْ
فنـا طالبـك ياربـي اهــداك
تعاوني على فـرض الصّـلاتْ
وترحـم حالـي فـي سؤالـي
وترحمني الـى جـات الوفـاتْ
قـال ابـن مويـم لـه مقـال
مقـال فيـه معنـى واكلمـاتْ
فالفـكـر دار باعـلـوم ودار
مثل الميـل يضـرب باحركـاتْ
فنـا لا بغيـت الشعـر جانـي
يضـرب اطبـولٍ واعرضـاتْ
اطمر فيه وانقـا مـن خيـاره
اللـي للرّجـال بهـا شـفـات
من عقب ذا دنّيت خير النجايب
تسعين من اركاب اعمان منقيّات
سحـم لونهـا والجـد واحــدْ
ولاهيب في الهـداد امدعـلات
عداها الجمـل خمـس وثـلاث
وهي في سنّها تسـع اسنـوات
رعت فـي مصافيـح الرّمـال
الى جبـل الـدروع امربعـات
لاكن عيونهن خلـص الشـرار
ولا يومـا عليهـن بالعَصَـاتْ
ولا كنّهن لاحن صوت المغنّـي
كما لعـب العـذارى الحافـلاتْ
وكن وصف البراطم يوم تومـي
لعب الزنجفة في يـدا الغـوات
وكنهن يوم يقفن فـي زراجـه
نـعـام بحـدبـا جـافــلات
طفق واصطفق عجـلٍ مـذاره
من عقـب اجتمـاع بافتخـات
وخلـوا هجنـكـم بحـفـظ الله
ولـوذوا عليهـن باعـجـلات
تـنـحّـر رفـيــق زاده الله
اسنـيـن اطــوال مقـبـلات
رفيـقٍ حذيـقٍ مــا نمـلّـه
بصـيـر يـحـوز الطّيـبـات
جميـع المعـانـي يحتزيـهـا
معانـي المرجلـه والطايـلات
صبـي الهـاجـري يستـاهـل
سـلام والعـلـوم الغانـمـات
علومـي جاتـك باللـي تريـده
وعلومك ننتظر يالقـرم هـات
فنا ما قـول قـولا مـا يثبـت
ولا عـد اقـوالـي كـامـلاتْ
ولكـن ابـاري كـل شـاعـر
واجيـب البيـوت الوافـيـات
فنا اقول ان طعتني يـا شاعـر
فكسب السلامه راس المغنمـات
واسلّم علـى اللـي حاضريـن
ولبـواب للّـي راد متفتّحـاتْ
وانشاءلله اكون قد ساهمت معكم بشيء لنكم انتو وشرواكم ماقصرتو بشعر كفيتو ووفيتو وحبيت اشارك بموضوع معكم وانشاءلله يكون بها الافائده
أخـــوكـم .. إبـراهيـم بـن سـعـود الدوســري
رد مع اقتباس
مواقع النشر (المفضلة)