قالت قصيمي...
[align=center]
بسم الله الرحمن الرحيم
السلام عليكم ورحمة الله وبركاته
هذي قصيدة قالت قصيمي اهديها لكل قصيمي
:17ar::17ar::17ar:وهي رد لمن يحاول ان يشوه سمعة القصمان:17ar::17ar::17ar:
--------------------------------------------------------------------------------
قالت قصيمي قلت فخر ومعزة
************* أهل الكرم والعلم والحلم والباس
قالت قصيمي قصدها بي تهزه
************* ماتدري اني بافتخر وارفع الراس
الحمد لله روســـــنا دوم رزة
************* اللي خلقنا بس نحني له الراس
صافي نسبنا والحسب فيه عزة
************* أصل أصيل وفصل والعرق دساس
أهل الوفا والدين صافي منزه
************** عن كل ما شاب العقيدة من ادناس
حنا العقيلات انشدي رجال غزة
************** حنا هل الدنيا وللدين حراس
حنا سنايد نجد في كل حــــزه
************ لا خانت حلوق الرجاجيل الأنفاس
حنا اجبال يعجز الريـــح هـــــزه
************* حنا لنجد حزام وعصابة الـراس
نارد حياض المرجـــــلات ونلــزه
************* مانمشي دروب الرذيله والأدناس
من يغلط لسانه علينــا نجــــزه
************* واللي يحقر قدر الرجاجيل ينداس
منا العدو تكفيه بالعين خـزه
************ يقضي عليه الخوف مع كل هوجاس
من ذكرنا في قلبه تثور نــزه
************* من طاري القصمان يبلاه وسواس
نومه كوابيس وروعه وفــــزه
************* دقت نواقيس الخطر له والأجراس
وان هو لقي له من علينا يــوزه
************ هون له الصعبات وابليس خنــاس
مايدري انه للمهالـــــك يــــدزه
************ عجل علي مبناه يمحي من الساس
يابنت حنا من نخانا نعـــــزه
*************يأمن بنا الملهوف وتهابنـــا الناس
مرسولنا للخير دايــم نكـــزه
************* ولصرخة المحتاج نرخي الأكياس
تاريخنا مجـــــد لبسناه بـزه
********** نمشي بوسط السوق ماندحم الساس
لك ماتركنا بكاس الأمجاد مـزه
************* واجد عليك ومثلك حثالة الكاس
وش جاب حر الطير لفريـخ وزه
***********منهو يساوي جوهر الماس بنحاس
لاتحسبين انك لنا مــسـتفـــزه
**********وش ياخذ الباعوض من ريش قرناس
********************************
تحياتي/
قصيمي يجرح ويداوي[/align]
رد مع اقتباس
مواقع النشر (المفضلة)