يالله لاتصبحهم ولاتمسيهم.............الا بالخيرررر
تعرفون ان اضر ما على الرجال شور خويه.المقرب منه جدن.. .ما يؤثر على الرجل الا كلام خويه.وشوره .ولا كان الرجال امرهم مهنا اسهل منه
وللتحقق من هالشيء تعالو نقرا هالقصه..والقصيد..
يقولون فيه ان رجل حصل بينه وبين زوجته خلاف كان أساسه وشاية ونقل هرج فأختلف هو وزوجته ثم خرجت من بيته إلى بيت اهلها ولم يكن يظن أنها سوف تخرج من هذا الموقف لكن خروجها من بيتها طال إلى شهرين ثم ارسل هذه القصيدة إلى ابن عم له وقال فيها :
يا بو حمد يالقرم يـا ذرب الأفعـال
...........................أشكي عليك القلـب والهـم طاويـه
فرقا وليفـي حـط بالحـال سـلال
.........................وفراق نور البيت ما نيـب قاويـه
هذا لها شهرين والنـزف مـا زال
.......................وش حيلتي لا صار زعل وابارضيه
ابو جدايـل فـوق الامتـان ميـال
.........................بالورد والريحان والمسـك غاذيـه
طول غيابه بالزعل واشغـل البـال
........................يا بو حمد ضاع الفكر ويش طاريه
خلي عطا باقفاي من عقب الأقبـال
.........................لو طالت المدة فـلا نيـب ناسيـه
شبه غزال ذايـره صابـه اجفـال
.........................مني عسى ربي يقـود الرجـا فيـه
فلم وصلت القصيدة إلى ابن عمه حثه على الصبر وارسله هذه القصيدة يثبته ويسليه ويسنده بالي يبي ..وكأنه يقول..اسفهها..وهي الي بتجيك برجليها..على باله ان الثقل مع الحريم احسن واكثر فاعليه في النتائج
يابو علي ياللي علي تشكي الحـال
............................انا معـك باللـي تبينـا نسويـه
بالحال وايضا الوجه والجاه والمال
..........................واللي برى حالك خطا منك تشكيه
غيض التغلي والدلع ما به اشكـال
...........................شد الرسن لا تطلقه وانت راعيـه
اصبر ولابد الشقا عنـك ينجـال
..........................ولا تشتكي خلك إلى صرت مغليه
خذته على السنة من العم والخـال
..........................ومن صلب جدك يالسنافي مجانيه
خلك على الفرقا صبور وحمـال
............................والسر عند النـاس إيـاك تبديـه
حتي يجيك الزين يرجس بخلخـال
.........................يدخل عليك البيت من دون تدعيـه
ماعليه الرجال يحرضون بعض..على قواية القلب والنحاسه..والجلافه..؟ وش ضره لوه قال له..الا رح وانص محل الالماس وطق لها طقمن راهي..ورح لمها في بيت ابوها وراضها وارفع من شأنها...وحببها فيك اكثر...
من زين الطبايع يقول..شد الرسن..يعني اعسفها..وخلك قوي ..لا ومن زود الثقه يقول اهي اللي بتجيك بروحها ولابسه خلخال..اييه هين..بالمشمش
حلو الواحد ياخذ الشور الطيب من ربعه اللي يثق فيهم..بس في شؤونه الخاصه المفروض علمه من رأسه..وترى هو ادرى بحياته..وابخص باللي يريحه ويسعده..وان قعدت عند اهلها ازود..ترى هو الخسران في كل حال. .خاصة لو الوقت برد وصقوعه..مثل هالايااام .خل يقعد بها
مواقع النشر (المفضلة)