غير عن كل البنات ..
غير عن طعم البنات ..
غير عن ذيك الزهور..
اللي بربيع الذكريات
غير عن ذاك الزمان ..
اللي سرق عمري وفات
انتي يوم اني عرفتك
من لمحتك ..
ذقت انا طعم الحياة
معناه .. وصفه
وش يكون ..
غبت في نشوة مواويل
وجنون ..
وقمت اطوف .. بلجة امواج الوصوف
بوصفك ..
بس ما وصفتك
انتي يوم اني عرفتك ..
كنت مثل اللي
صحى بعد السبات
شفتك احلى حلم يمشي فوق وجه الارض
يسقيها اناشيد وحياة ..
شفتك الشمس الضحوك اللي سناها المغفرة
والثوب الابيض في الصلاة ..
انتي يوم اني عرفتك
ما بقى لي امنيات
يابنية .. والله انك غير
غير عن كل البنات
ابعد من الراى ..
واقرب حيل من لحضة بكاي
واكثر من الشوق ..
واكبر من شقاي ومن هناي
كل ما سجيت ..
اشوفك مبتداي ومنتهاي
وكل ما غنيت ..
احسك نبرتي .. صوتي .. صداي
والعبير اللي يثير القاع ..
ويحنن فضاي
والثلوج اللي بصيفي ..
والهجير اللي بشتاي
في عزاي ..
وفي السحر والفلسفات
يابنية .. والله انك غير ..
غير عن كل البنات
مواقع النشر (المفضلة)