شاعر رنيه
هذي قصيده لشاعر يدعى( شاعر رنيه )وهي 90 بيت وهذي القصيده من القصائد
التي لم تاخذ حقهاا من النشر
[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
قال الذي يبدع من القـاف تسعيـن=تسعيـن قـاف كلبوهـن علنـيـه
ياركب من فـوق سمـح الذراعيـن=فوقـه غـلام لاندبـتـه شفنـيَـه
الميركـه ماهـود وشدادهـا زيـن=وخرج العقيلـي والسفايـف زهنيـه
يطوي مسير العشر في ظرف ليليـن=والليل الآخـر بالحريـق أمرحنيـه
وصبح أربعٍ تلفي بيـوت الهزازيـن=ولا جيتهـم اعقـل ذلولـك بثنيـه
يلفـي الهزازنـة القـروم المسميـن=من سمعني فـي مدحهـم ماكذبنيَـه
ذباحـةٍ للحيـل ومهـبـشٍ زيــن=وماكولهم يركد علـى الكبـد هنيـه
لا جيت مجلسهم ويلاهو يطرب العين=سيـف الحـرار سيوفهـم يرهبنيـه
واخص محسن شوق ضافي الجديلين=لـولاه قـال كليـمـة وازعلنـيـه
لومي عل اللي سامعه مـن زمانيـن=وراه مـاقـاضـاه ولاعلمـنـيـه
البارحـه يقولـون ليـلـة أثنـيـن=أحس عيوني مـن الدمـع حرقنيـه
بكيـت ولا بكـان هـمٍ ولا ديــن=ولا لــي غـريــم يذبحـنـيـه
أبكي على من له على المتن قرنيـن=سبيـب شقـراء عندمـا فزعنـيـه
ولا همني كود أنت يا مغيزل العيـن=يا بو قـرون فـوق متنـه كسنيـه
رقدت أنا وايـاه بالفـراش نيميـن=إليـن حـس النـاس يـوم أقعدنيـه
أسقي من ريقه طعـم سكـرٍ زيـن=والله وقـى ولا بـغـى يشرقنـيـه
يامحسن لوانك تشوف اريش العيـن=عفت الحريق وجيتنا صـوب رنيـه
لوشفـت سعديـه وثنـوى وثنتيـن=في روشنن ماحلـى حمامـه وبنيـه
ذرعـان سعديـه سـواة العراجيـن=ومشرمخـات بالـذهـب يلبسنـيـه
ولاشفت سعديه يجي القـرن باعيـن=شـروى حبـال شفتهـن يفتلنـيـه
وجسمه كما الدهدار والين من الليـن=وخصره كما الفتخا بضبضاب حنيه
والعنق عنق الريـم بيـن الشعيبيـن=لا شاف قناص الضحـى واجفلنيـه
وسنونها يا خوي بيـض الفناجيـن=غزلان صيـف عندمـا وضحنيـه
وسعديه أزين مار نصره حلا عيـن=خواتـمٍ بيديـن نـصـره زهنـيـه
يا محسـن قلبـي تـدالاه رمحيـن=وإلا حنيـشٍ بالعـقـب ينهشنـيـه
لا تلومني يا خوي قلببي غـدا ويـن=ولو شفتهن تعـاف قصـرك وبنيـه
ان قلت لي قين فانا قين ابـن قيـن=وان قلت انا شين فانـا عبـد رنيـه
امي خلوج بالخـلا تـردف اثنيـن=واختـي تهـرول كنهـا المقفزنيـه
والاانت شيخ مـن رجـال عريبيـن=ارفع مقامك عن صـرات الركنيـه
مار أنت يلي شوفتك تطرب العيـن=رجليـك بالمـغـراب لا تزلقنـيـه [/poem]
وياليت من يعرف عن الشاعر هذا شي يزودناا فيه
رد مع اقتباس
مواقع النشر (المفضلة)