مباراه السعوديه و البحرين .........
بسم الله الرحمن الرحيم
السلام عليكم ورحمه الله وبركاته
اما بعد
<< جالس تكتب خطاب يالاخو
المهم انا بعطيكم سالفتي يوم مباراه السعوديه والبحرين ايام تصفيات كاس العالم 2002
هذا يا طويل العمر والبقا والسلامه
انا و واحد قصمنجي نسميه ابو حملي و واحد دب قوووووه نسميه الكتله و واحد دلخ قوه نسميه الدريا
سالفتنا يا جماعه سالفه مع هالمباراه
المباراه باستاد الامير فيصل بالرياض
قررنا نرووح نحضر المباراه <<<< امحق قرارا
المهم كنا حنا جايين للرياض نسجل بالجامعه طلعنا من الشقه بالتاكسي للملعب
وصلنا للملعب بعد صلاه المغرب دخلنا الملعب و جلسنا عاد تعرفون استاد فيصل الجلسه ماهي كراسي صبه يعني لازم تجيب معك سجاده
المهم جلسنا نشووف تمارين المنتخبين وهم يسخنون للمباراه وتعليقات وضحك
من التعليقات الدريا نط وقال لعبيد الدوسري يقولون انك خليفه ماجد عبدالله يال**** وانت والله من جبنه ما تدري وين الله حاطك بس مصدق حالك يا**** و من هالحتسي
المهم
بدت المباراه بس المشكله سامي الجابر احتياط اللي يسموونه المنقذ
سجلو البحرين هدف يوم هجد الجمهور
عاد حنا انواع الاقلاع وربي ما درينا عن المباراه جايين نستانس بس
العالم ساكته وحنا سوالف وضحك
اعرفوو ان اللي بجنبنا ما شافو المباراه وربي ميتين ضحك
خلص الشوط الاول واحد صفر للبحرين وانواع التلعين على المنتخب واللاعبين من الجمهوور
يوم دخلوو بين الشووطين دخل سامي الملعب يسخن قامو الجمهوور يصارخوون سامي سامي
و حنا نصارخ نقوول **** ****
المهم سامي خلص من التسخين جاء يركض يبي يدخل غرفه الملابس الا قاروره الماء جايه تمشي مليوون تبي راسه بس القهر ضربت القاروره الارض قبل ما يوصل له
عاد حنا معنا الكتله هذا **** ورقه وين ما يروح يشيل معه الورقه بمخباته
قال يا شباب وش رايكم نلعب بلووت مادام الشوط الثاني يبدا
قالو قدام
فرشنا السجاده وقمنا نلعب
وربي العالم اجتمعوو عندنا منهبيلن ويضحكوون
والي ضحكني جد واحد قال ابلعب معكم هههههههههههههههههه
المهم وطق ورقه الى ما بدا الشووط الثاني
قال ابو حمالى يا شباب بدا الشوط الثاني خلوونا نتابع
قال الكتله بلا شوط ثاني بلا بطيخ خلنا نكمل اللعبه بس
جلسنا نكمل اللعبه والعالم تتابع المباراه
يوم خلصت اللعبه قلنا خلاص يالدب نبي نكمل المباراه
جلسنا نتفرج على المباراه والجمهوور حالتهم حاله تلعين وتشتيم على اللاعبين
خصوصا عبيد قهرنا بكثر التسللات
عاد صار موقف بالمباراه قسم بالله يا ناس ما ازل عليكم بكلمه انا عن نفسي فطست من الضحك
يوم بقى ربع ساعه من المباراه الجمهوور من القهر اسكتوو كلهم يعني ما تسمع اي كلمه
قام ابو حمالي يصووت ويقوول للبحرينيين
عطيناكم جسر عطوونا هدف
قسم بالله يا ناس ان العالم فطسوو من الضحك
المهم سجلنا التعادل
يوم قام ابو حمالى قال شفتوو يوم قلت لهم عطوونا هدف عطوونا والا كانو ما يبون يعطووننا
المهم خلصت المباراه وطلعنا من الملعب
و لا وش تشووف انواع الزحمه وما معنا سياره
و التكاسي مستحيل توقف
كل شوي نوقف واحد و يعيي ياخذنا معه
وق واحد غصبن عنه من الزحمه قمنا فتحنا البيبان وركبنا قلنا حي الروابي صديق
قال لا صديق انا ما يروح روابي انا يروح بطحا
قال ابو حمالى ما يخالف انا يروح سوا سوا انتا بطحا
الهندي بلش ما يبي ياخذنا معه قال لا صديق انا لازم يروح الحين لم كفيل يبغا انا زروري
نزلنا من التاكسي وفتحنا بيبان السياره من اللعانه وخيناهن مفتوحات جو شباب يوم نزلنا يبون يركبوون عيا الهندي جو يبون يسكروون البيبان قال لهم ابو حمالى لا لا تسكروون البيبان خلووه ينزل هو يسكرهن
المهم مشينا على رجلينا شوي و كل ما مر تكسي يعيي يوقف
الى ما مر هاك التاكسي مهدي السرعه
قام ابو حمالي وشات الباب اللي ورى حق التاكسي
وقف راعي التاكسي و نزل يوم طلع باكستاني انا عن نفسي هجيت
الباكستاني نزل يصارخ يوم نحر الدريا
الدريا خوينا بلش ما يدري وش يسووي يوم مسكه الباكستاني جاء ابو حمالى ويمسك الباكستاني
قال صديق معليش هذا نفر غبي ومجنون ما يدري وش يسووي هو خله
الباكستاني قام يصارخ ويزاعق على ابو حمالى
قال ابو حمالى خل هذا وتكلم معي يوم خلى الدريا قال او حملي للدريا هج ما عليك انا اتفاهم معه
ابو حملي اخذ الباكستاني بالسياسه معليش ومدري وشو و من هالحتسي الى ما هدى الباكستاني يوم جاه هاك الكف من ابو حمالى الباكستاني ما استوعب الكف الا ابو حمالى منحاش
و العام تضحك على الباكستاني وهو عصب وبدا يصارخ وهو راسه الى ما طس
المهم ونمشي ونمشي ولا واحد وقف لنا
يوم دق جوالي الا واحدمن العيال يقوول لي يونكم بالدلووخ قلت له حنا عند الملعب
قال متى تبون تروحون للشقه
قلت الحين
قال خلاص انا بسبقكم قلت له جب معك عشا قال خلاص
المهم وبعد معاناه لقينا تاكسي ورحنا للشقه
يوم وصلنا الا خوينا ضابط العشا ويتحرانا
المهم تعشينا وهات يا طق ورقه الى الفجر
يوم صلينا الفجر
كلنا نمنا الا خوينا راعي العشا و ابو حمالى جلسوو يسولفون
يوم جا يمشي راعي العشا نزل معه ابو حمالى تحت
طبعا ابو حمالى ان لابس فانيله علاقي وسروال سنّه
المهم راعي العشا راح لبيتهم وابو حمالى جلس تحت شوي الا هذا تاكسي مر من عنده اشر له ابو حمالى وقف راعي التاكسي قاله ابو حمالى
بكم العليا قاله راعي التاكسي باكستاني طبعا بعشرين ريال صديق
قال ابو حمالى يروح بخمسه ريال
الباكستاني عصب جالس يكاسره ابو الشباب وهو لابس فانيله وسروال
نزل الباكستاني يوم مسكه ابو حمالى وقام يهديه شووي الى ما هدى الباكستاني ويعطيه كف يحبه قلبك ويهج ابو حمالى بالحاره والباكستاني وراه
المهم الباكستاني رجع للسياره خاف عليه
رجع ابو حمالى للشقه وهو يراقب الوضع يم شاف واحد دخل الحاره يمشي على رجلينهمسكه قال فيه تكسي قدام العماره قال لا
رجع ابو حمالى ودخل الشقه ونام يوم قمن الظهر نزلنا نبي نتغدا
يوم دخلنا المطعم و جلسنا الا هذا الباكستاني اللي البارح يوم مسك ابو حملي وهات يا جلد وضرب يوم قمنا حنا ونطب مع ابو حمالى ونعلك لكم الباكستاني علك
و الله يا جلدناه جلد يحبه قلبك
يوم جت الدوريات وش السالفه ما السالفه
قال الباكستاني هذا ضربني كف يقصد ابو حمالى
قلنا حنا نصاب ما قلنا شي ولا سوينا شي هو اللي جانا وضرب خوينا حتى اسال راعي المطعم
قال راعي المطعم الشباب توهم جو يبون غدا و دخل الباكستاني وتهاووش معهم
الدوريات شالو الباكستاني معهم وحنا رحنا للشقه
اتمنى تعجبكم السالفه بس
مواقع النشر (المفضلة)