--------------------------------------------------------------------------------
بسم الله الرحمن الرحيم
السلام عليكم ورحمة الله وبركاته وبعد
لاأستطيع أن أقول أكثر من السناني والزلامي
لأنني لو حاولت أن أقول شئ عنهما سأدخل
بكل تأكيد متاهات لاأول لها ولا آخر
أترككم مع هذا الأبداع منقطع النظير
____________________________
الزلامي
مرحباترحيبة إسلام في حفـل الكـرام
من هجوسٍ في المواقف ماتطفي نارها
وأنت ياللي تجمع الناس في قصر السلام
إجمع الشعار عندي وأجيـب أخبارهـا
السناني
البقى باللي سلامه على حسـب النظـام
والعرب ماتقبل شعار غيـر شعارهـا
يالزلامي وجهت الناس للبيـت الحـرام
وأنت وش عندك من صغارها وإكبارها
الزلامي
لاتدخل شهر شعبان في شهر الصيـام
مايغر الناس غير إختـلاف أنظارهـا
يابدو ياللي على السيف تبنـون الخيـام
فتش الخيمه ترى الذيب فـي تيزارهـا
السناني
أنت شيخٍ معتبر كلمتـك فيهـا كـلام
العرب فـي كلمتـك لاتسـم أفكارهـا
لايهمك عين ابو زيد ماجاهـا المنـام
عزوةٍ عند اللـوازم تسـوم اعمارهـا
الزلامي
سقت وحده بالعصى قد الأخرى بالخطام
لين طاحت فوق صم الصفى بأزوارها
لويشين الوقت ماطالت أرقـاب النعـام
يالله إستر حال بنت الحـلال وجارهـا
السناني
الحلال نحلله والحـرام اسمـه حـرام
وأنت حضك ساقلك دربهـا وإختارهـا
يالزلامي رجع الذاكره عشريـن عـام
مايخرب سمعة الناس غيـر أشرارهـا
الزلامي
المصيبه يكثـر الطـق ويفـك اللحـام
من يعرف وجيه الأسلام مـن كفارهـا
إنشد أم الخرص وام البناجـر والزمـام
هي سبب في سمعة الناس يلعن عارهـا
السناني
الدالائل بينه والرضـى مسـك الختـام
كل لحيـه يالزلامـي علـى مقـدارها
أنت معطيها سـلام وتحيـه وإحتـرام
مير أنا بنصحك وانت إحتفظ بأسرارهـا
الزلامي
استعن بالله والوضع مـن يمـي تمـام
ماتبي تغـرق سفينـه وأنـا بحارهـا
بس أنا والله من اليوم في خشمي عـرام
ودي أعرف من جهينه وويش أسرارهـا
السناني
المصيبه جات تحت اللحم فوق العظـام
زرعتك يابن الزلامي جنيت اثمارهـا
العرام يطيـح والعـود جعلـه للرحـام
كملك يوم إنتحـر عجهـا وإغبارهـا
الزلامي
مالنا عند أهل ينبـع خـوال ولاعمـام
كان عندك مشكله صرهـا بصرارهـا
منقووول
مواقع النشر (المفضلة)