سجيــــنــووووه وإعصار كاترينا!!!
[align=center]قبل كوول شي وقبل السلام
الي يقرا موضوعي هاذا ,, ويرد ردن مظبوووطن ((---- فله خمس سمبوسات وثلاث كيلو بصل
والي يقرأ الموضوع ويرد أي كلام ((----- فله بس كيلوين بصل
والي يقرأ الموضوع ومايرد ((-----بسلامته أصلن أنا مايهمني الا الي يردون وبس
والي يقرأ الموضوع ويلطشه ((----- جعله المر الي يحوم كبده,,,وجعله الصلع ,,,وياجعله يعرس على وحده شيفه ,, واذا كانت بنت جعلها تعرس على واحد كبر جدها
خخخخخخخخخخ
قبل مانطب بالموضوع
الموووهمـ المووووهمـ
نطفي الانوااار ,,,وكل واحد يغمض عيوووونه,,,, ويتعوذ من ابليس,,,ويفتح خياله وعقله واستيعابه مع لساني
ويدخل جوووو معي ,,,>>الله يستر
3
2
1
بوووووووووم
طبينا بالسالفه
حر ,,,,طفش,,زهق,,شمس تطبخ ,,عرق,,خياس,,الاخلاق زفت .
.>>احساسي يدغدغني ويقول لي انكم بتقولون الله يستر كل ذا بالموضوع طلعنا بس
وعاد انتو تعرفون انا وين ساكن بمدينة جنيف ,,,بحي الروضه ،،بجنب برج ايفل,, بخمس حواري تقريبا يجيك شارع كله حفريات ,,, تبتل لين يجيك دوار الكرة الارضيه ،،،، بس وصلت ,,, تأخذ يمين عند محل أبو ريالين
>>ينعن ام الحوووسه
عاد انت اذا مشيت مع وصفي شرط تلقى بيتنا
أقوووول
بلا جنيف بلا لندن بلاهم بلابطيخ
جـدة وتخب ,,هاذه المدينه التي خرجت وانتجت الرجال والهوامير >>أجل وشو تخرج دجاج؟؟
جــــدة ومادراك ما جـــــــــدة الي شمسها تحرق الواحد لين يقول من قوة التخبيص شفت بوش يبيع جرايد عند
اشارة التحليه >>>من طبخة المخ،
عادا الواحد يكون لابس نظارات شمسيه ،،ومكتم الموتر زيرو زير
>>أتكلم جد لو نجيب برتني ونخليها بعز القايله ربع ساعه شرط انها تنقلب اوبرا
>>على طاري برتني والله ياعليها بزر انه يهبل طالع مثل امه
المووووهم
نجي بزبدة الموضوع ماعليكم من الخرلبيط الي فوق كووول ابووه يسمونه المقدمه
بقولكم سالفه من السواليف وحادثه من الحوادث ومرة من المرارير وقصه من القصص وروايه من الروايات
في هاذاكـ اليوم المبجل ,,,من ذاكـ الشهر المجنون,,في هيكـ السنه القديمه
>>ينعن ام التعبير الي تعرفه يدووولخ
>>لاتلوموني كنت مدقر بمادة التعبير بخامس ابتدائي
كنت طالع من الجامعه الموقره عليها من الله ماتستحق,,,>>حاقد بقوووة
وجوعاااان مرة تعرفون الواحد ذي االايام الجوع 24 ساعه يكفي بس اذا أكل وشبع
((صورة وجه يفرك يده ))
فتحت الموتر بمواقف الجامعه شغلته قعدت يمكن ربع ساعه عشان تبرد السيارة ثمن طلعت من الجامعه متجه
الى بيتنا
نظامي دايمن اشغل حمودي عبده وانا راجع عشان يعيد الطاقه فيني
ومحمد عبده عاد حبيب ألبي يونسني الاماكن الي مريت انتا فيها عايشه بروحي وابيها
>>مشكلة المستخدم هاذا لاسمع محمد عبده وبالذات هالاغنيه تجيه حاله مش طبيعيه
وسوف أذكر لكم هيكـ الحاله بالتفصيل:_
# يقطع خمس اشارات والسادسه مجانا
# الرقبه تقول حفارة من قوة الهز
#أنواع التخييط بالموتر >>التماسح يفهمونها على الطاير
الا ذاك اليوم من سوء حظي شغلت البانوراما بعد ماشغلت سيارتي ومسكت خط بيتنا ,,,متوقع تطلعلي دعايه موبايلي ولا المخازن الكبرى ((وش قصدك)) هالله هالله
بس المفاجأة طلعت لي شيماء الشايب تغني أغنية أم كلثووم سيرة الحب ,,انا بس مسكت مع اول كلمه وادخل جو مع الاغنيه ،،،عيوني تناقزت ،،،شعري كذا فجأة طشم ورجع ,,,لساني امتد اربع امتار,,,سعابيلي قامت تقوووطر
>>أحسبها تقصدني ((صورة وجه يحكـ شعرة ))
>>مسيكين انا اشوف واسمع بالحب بالمسلسلات والقصائد ولاادري وشو
واي اغنية عن حب ولا غزل أقول بس تقصدني أنا
تدرون وش سويت؟؟ حطيت راسي على القزاز وافكر بالاغنية وادخل جو ,,وسجينووه مع الاغنيه ,,واقطع الاشارة وسجينووه مع الاغنية,,واشطف خط المطار,,وسجينووه مع الاغنيه,,وامر من عند شارع تفحيط ,,وسجينووه مع الاغنيه,,لين طلععت من جــــــــدة
وانواع التشطيف من الطيارات >>عاد سواقين الطيارات حقين الخطوط انواع الغشامه يقومونها بالثاني
>>ينعن ام التفكير من يوم شفتك كاتب السواقين بدال الكباتنه وانا غاسل يدي بمرق
ومع الوقت اخذت لي نوووومه وسحبت الشفاط وانواع الشخير خوخخخخخاااااخييييي خوخخخااااحخخييي
>>ينعن بليس ام كلثوم اغانيها تقول شاهي ملغم
ومن حسن حظي وحلاوته اني اول مانمت على طول طلعت من الشارع وطبيت بالطعوووس الي بجنب الشارع
وكل ذا وانا ماحس بشي,, نائم نومة نكرااااا
ومن طعس فوق طعس ومن طعس فوق طعس لين طحت من فووووق طعس كبيررررر
((صورة وجه أفلام كرتون يقول ووييييطططط))
وقبل مالمس الارض فتحت الباب حق السيارة وطبيت على الارض بس على ماذكر اني حبيت الارض من قوة الارتطام
>>ماتذكركم ببنك بانثر
والمسكين الي هو انا جتني غيبوبه مؤقته ماقمت الا ذاك الذيب الي قاعد يلحس وجهي >>مشكلة روبن هود
قمت أنا معصب وأصكه بذاكـ الطراق واتفل بوجهه ,,واذكر اني قلت له كيف تتجرأ ياسربوووت انكـ تبوسني
>>ماقلت لكم مشكلة بالي يسمعون بالحب
الذيب عصب وقاعد يصايح علي ويسب ويشتم واخر شي طفش وذلف من وجهي
قمت أنظف ثوبي من الغبار واتفلك بيديني ورجولي >>يعني اطقطقهم
فجأة
!!!!!!!!!
سمعت صوووت غريب ومخيف ومريب ,,كذا تقولون ضحكة قرد يتفرج على مستر بن
من الخوف جاتني النفاضة وانتم تعرفون الحاله هاذي تقولون شابك بفيش 220
>>مثل البقرة لما ترقص راب >>اما ذي ماتدخل المخيخ
براطمي قامت تتصافق فوق تحت
>>أقول بنفسي وش ذا الصوووت الي يروووع ,,,ويخلي البزر يشيب ,,,ويخلي الحمار اسرع من الحصان
الا تجيني ذيك البلوكه تمشي مليوووون دووووووووووف
وماتشوفون الا غباري توزيت تحت السيارة وانا مغمض وحاط يديني على عيوني ومترقب شي بيصير بس مدري ووشو
الا وحبل ينلف على رجلي وانسحب بقووة من تحت السيارة واناظر وكانت المفاجئه
لقيت سلمكم الله قرد كبيررررر >>تتعب وانت تقول كبير
لابس وزرة ,,,ومخزن قات بسنونه ,,, وحاط مزرعه فوق راسه مدري نعناع مدري ريحان
وراه يمكن 60 قرد كلهم يناظروني بلعانه وكره شديد
المهم سألني كبيرهم وقال: مالذي أتى بكـ لديارنا ؟؟
قلت اخس منت بعاقل,, قرد وفصحى لاتسمعك وزارة التعليم يوظفونك سواق باص البنات الاصفر
>>دايمن لساني يوهقني
قال لي تتهزأ فيني يانسان ياحقير ياسافل ياحشرة >>ماتحسون ان ذا القرد خكري على حشرة صح
بيني وبينكم أنا مأرضى الاهانه ولا الذل قمت طلعت لي سكين من تحت كتووفي واطعنه بحلقوووه
((صوت قرد يتشهد))
وحطيت رجلي بس قبل مأحط رجلي قلت للقرود بالله دقيقه قبل مانحاش ,,وسويت حركات التسخين واحماء عشان مايجيني شد عضلي ,بنص الطريق
واعظ طرف ثوبي بفمي واحط رجلي وهم وراي ومطاردات وملاحقات بين الهضاب والسهول والوديان
والقرود وراي الملاعين حاقدين والله لو يمسكوني انهم يضيعون شرفي
ومن طعس فوق طعس والقرود وراي يبون يمسكوني
وانا منحاش عنهم الين
الطريق سلمكم الله الي كنت اركض فيه انقسم نصين
ومكتوب عليه لوحه
الطريق الاول الي علي يمين مكتوب بانكوكـ
الطريق الثاني الي علي اليسار مكتوب قريش
وانا اقرأ اقول بنفسي ذي قريش قد مرت علي وين وين وين
يؤيؤيؤيؤيؤيؤيؤ
كلها دجه وفساد بس على الاقل بروووح عند العرب وبعدين بانكوك وصاخه وقرف
واتوكل على الله وادخل قريش واول مادخلت الصراحه كنت منتهي تعبااان ومنهد حيلي والقرود وراي يلحقوني يبون يمسكوني
واشوف لي رجالين جالسين يعسلون ولابسين عمامه
واحد منهم يقول جمر ايها الهندي
والثاني يقول اعملي قليلا من المعسل البحريني
وقلت بس هذولا الي بتعزوا بهم
تعزوابهم=دخل بوجهم=دخل تحت حمايتهم >>عارف ان فيه ناس بيغرزون هووونا
سجينووه :مساء الخير والاحساس مساء مايليق الا بأطلق خشتين بقريش
الرجل :عمت مساء ياغلام
سجينووه :غلام جابته امك يالبقرة ,,كل ذا الجسم وتقول غلام
الرجل :مابالكـ معصب روق ام المانقو هدي اعصابك ريلكس
سجينووه :شوف باختصار واشرح لهم قصتي من الالف الى الياء ها يمدي ولا مايمدي
الرجل :اذهب الى ابوجهل انهوو كبيرونا وسيمشي معاملتكـ بس ادهن سيره
سجينووه :اخس حتى ابو راس مايمشي الا بدهن سير خخخخخخخخ
طيب وين خيمته مدري فلته مدري شقته
الرجل :خلف اسواق بئر موول بجوار ملعب التنس الرياضي
سجينووه اها عوافي ياقلبي باااي
الرجل : انتظر لحظه ياهوووه
سجينووه ((يقول بنفسه)) بس عز الله بيمشي اموري وبيفكني من ذولا القرود
سجينووه : لبيه
الرجل : ما آخر المقاطع البلوتوث الي عندك تكفى ارسلي
سجينووه :عصب بقووووة
تفووو على وجهك،، اكبر يابزر الشرهه مو عليك على الي يعطيك وجه
>>تكفى يالقووي
ويوم تفلت بوجهه ويحقد علي ويلحقني يبي يفرشني ,,وانحاش والقرود والاعرابي وراي وادخل بهم بالحواري
واضيعهم
والتفت على ورى مالقيت احد >>شكلهم اعجبتهم حارة وفرقو كورة خخخخخخخخ
قلت فرصتي الثمينه ,,ليش ماأتسوق بسوقهم الي اسمه سوق بئر موول ,,, واروح ادهن قصتي بموية وافرق الفرقه ولقيت عجيز باسطه بسطه تبيع حنا وشروخ وجل >>الجل ذاب وجهه
وشريت منها جل وتزبرقت وادخل السوق
بس كانت المفاجئه والصدمه الكبرىىى
السوق فقط للعوائل
وقتها أصبت بحالة انهيار عصبي واحباط شديد وقمت أصيح من القهررررر>>اخ يالقهر
>>تسطيح خارج الموضوع
الي يقهر ان البنات والله مايعرفون السووق ولاالماركات حدهم بس سوق شعبي ويخب
بس الظلم الواقع على الشباب يشيب العين نرجع لمحور حديثنا
المشكله فتيان وفرسان قريش قاعدين يقردنون السيكورتي وهاذا الي يقهر
وفي لمح البصر تقع عيني على ذيك الجاريه الي تطيح الطير من السماء ويوم شافت كشخة سجينووه قامت تطقطق اصابعها وتناظر الارض
وتحاول تحتك فيني ,,وانتو تعرفون الثقل مخلوق فينا يالشباب السعودي عامة واعطيها اشكل
لين خربتها وتجيني وتقول ياعمري يارجل هل تريد ان تتسوق
قلت بلى والله يالبى قليبس
قالت وراي
ودخلتني وتسوقنا وشرتتلي ايس كريم باسكن روبنز بالتوفي بعد
يوم شبعت والله الا القرود في وجهي عاد ماله داعي انحاش واطيح من عين الجاريه
قلت كذا بثقل ولاكني اعرف القرود.ولاكني شفتهم .وجحيد ياجحيد
سجينووه : :وش تبي انت وياه؟؟يالله انقلع ؟؟اعطيتكم وجه؟؟صدق البزارين الي ماينعطوون وجه
القروود / كل واحد قام يناظر بالثاني باستغراب وكنهم يقولون وش يبي ذا
ويوم سنو سنونهم وناوين يقطعوني من القهر
سجينووه حس بالموووت والخطر ودقت ساعات الخطر وماله داعي انفرش قدام المزيونه
جتني فكرة جهنميه وقولت لهم البلديه البلديه طبووو عليكم ؟؟>>>ماتذكركم بزحفان وهجولة الحرم
((يوم كنا شباب طائش نروح للسوق الي بجنب الحرم اسمه سوق الليل وعددنا خمسه ولا سته وندخل من بداية السوق ركض ورافعين ثيابنا البلديه البلديه وماتشوفون الا العجز والتكارنه يخلون بسطاتهم وينحاشون الصراحه منظر مضحكـ اوي اوي ))
المهم القرود انحاشوا عاد انا انحشت من الجهة الثانيه يوم حسو اني لعبت عليهم سحبو جلنط ورجعو لحقوني
طلعت من السوق والقرود وراي
وعلى بيت ابو جهل
والحمدلله وصلت له قبل مايمسكوووني واطق الجرس ماحد فتح لي
دخلت بيته
تتوقعون وش لقيت ؟؟؟
لقيت ابو جهل وثلاثه من شيبان قريش متربعين بالحوش وثلاجة الشاي بجبهم وداقيتها بلوووت صن وحكم وسرا
قلت يابو جهل
ابوجهل متحمس ماعطاني وجه
سجينووه:يابو راس انت عطني وجه من زين خشتك تقول مقفى غوريلا
ابوجهل :تراك مصختها لألعن والديكـ طس عن وجهي
سجينووه:تكفى ترى تكفى تهز الرجاجيل
ابوجهل :يستمر بلعب البلوت ولاحياة لمن تنادي
عاد اخذتها براسي وطلعت
ولقيت عند باب بيتهم ولد شباب ملبق فرسه على جنب وقاعد يعيط =يصيح=يبكي
قلت خلني اشوف وش وراه شكل ابوجهل فارشه ومتوطي بطنه
سجينووه:ليش تبكي يابابا
الشاب :تهي تهي لعن الله الحب حبيبتي خانتني مع حفيد ابرهه الحبشي
سجينووه:طيب لاتبكي عشان مايقولون لكـ خكري الي يبيعك برخص بعه بلاش وتراب بعد
الشاب :تهي تهي تهي تهي
سجينووه:يصرخ بشده انطم صدق البزارين ماينعطووون وجه
انا بس قلت وجه الا القرودة طابين على ظهري وطاخ طيخ طووووخ تبون الصراحه فقعو وجهي وربطوني بحبال
>>انا بغيت اصفقهم بس انتم اكيد مقدرين الوضع الكثرة تلعن ام الشجاعه
وخذوني القرودة لقريتهم ،، ومستانسين ،،كل واحد يستعرض بخشته قدامي ،، ويوم وصلنا للقريه ربطوني بماصوورة ووسط القريه ,,لين تحكم محكمتهم بقضيتي ,,
بيني وبينكم ياحلووووين قريتهم مرررة حلوووة تصدقون وش لقيت فيها
عندهم سينما ,,ومحلات تميس ,,ومحلات ابو ريالين ,,,عندهم صالة اسهم ,,,وعندهم ياربي ,,أي مرقص ليلي
>>ياحظي ,,, القرود عندهم سينما وحنا تونا على اشرطة الفيديو
المووووهمـ
جلست مربط بالماصورة يمكن اسبوووع بالتمام وكل يوم يمر علي موقف معهم الله ينعن خششهم
اليوم الاول : تمر من عندي قردة وتكحل فيني وتبقق وتقول قصايد غزليه بس أحسن مافيها معها شنطه مثل شنطه جنيفر لوبيز >>>لايروح بالكم بعيد اقصد شنطة ((جيفنشي)) >> يبي يرقع
اليوم الثاني: جاني قرد مراهق يقول لي تبي حشيش تبيني ادفكـ بابيض
اليوم الثالث: جاني قرد عليه شنب توقف عليه نعامه مو طير ومعه ثلاجة شاي وملبور ابيض ويتكي قدامي ويسولف لي عن الاسهم عندهم >>تصدقون سهم البلاد ماسك السوق عندهم
اليوم الرابع : جاني قرد طرار يشحذ مني قلت على الله ياقرد قال: وجهك اصلن وجه فقر
>>ينعن بليسه طرار ويتشرط
اليوم الخامس : جتني قردة عيونها صغار ومعها منشفه وتقول لي انا سوي مساج كويس بابا يبي ولا ماييي
اليوم السادس : شطفني قرد حرامي زرف كل فلوسي وهدومي ماخلى الا السناوي
اليوم الأخير : حكمت المحكمه بالحكم النهائي قدام القرود كلهم بالقصاص
((صورة وجهي وانا بالع العافيه))
واصيح قصاص يعني فيه مووت يعني مافي حياة يعني مافيه منتدى يعني مافيه زواج يعني مافيه معسل يعني يعني يعني
من جد بكيت بكيت لين سويت بجنبي بركة من الدمووووع وخشمي صار طماطه
فكرت يمين شمال وس اشوي وس اشوي !!!
بس جتني فوكرتووون جهنميه الا وهي التريش والترقيص
وشلون
أنا اعلمكم وشلون
واصيح ياقروووود ياحلووووين اجتمعوووو علي هلموووو واقبلوووو >>متأثر بابوجهل
تجمعو الربع علي كلهم حتى الزبالين بعد
قلت ياجماعة الخير انتم فاهمين السالفه غلط والله
أنا احبكم واموووت فيكم حتى من كثر حبي لكم الفت لي قصيده غزليه فيكم
كل واحد يفتح اذنه وبقولها لكم بصوت عالي
وانشد ذيك القصيدة التي مطلعها
قروتي تحـفه مـن النـوع الفريـد....لاجـيت بامـدحـهم اخاف اذمـهم
لأنن مدح الي يحبهم ينقص مايزيد....لأنهم خيال وطايش وماهمهم
متمردين وبعقل هارون الرشيد....وبالـزين ماعـذرا تـوقف يـمهم ((الله لايخلط فضله))
لو قستهم مثلن على الجيل الجديد....يـحطون حليمه بولند بكمـهم ((صورة وجه يقول ايه هين))
من غيهم لامن خذو نفس جديد....تـهاوشت الانفاس علـى فمهـم
الي باقوله ياجعلهم الحظ السعيد.....وربي يخليهم لأبـوهم ولأمهم
تدرون وش صار لهم
داخوووووووو من جد
وكل واحد خم له اقرب وحده بجنبه وأنواع التبويس >>ارتفعت الرومانسيه عندهم
وفكو الحبال مني واكرموني وصبو لي القهوة العربيه والقدوع والاقط وحلى القهوة >>بالتوفي بعد
وسو ذاك الاحتفال والمهرجانات >>صدق فاقدين حنان ماحد قد مدحهم الا انا
وسمرنا ذيك الليله ،،مافيه الا قوة قصايد ,,وغنيت لهم بصوتي((حبيبي اسف ازعجتكـ ))بالعوود ,, ورقص وشراب
وشوي جرابيع ,,
وخليتهم يسكروووون لين فقدو من جد
قلت فرصتي فرصتي ارض الوطن ياحبي له
>>نسيت مأقولكم يوم فكوني القرود خذو موتري ودخلوه ورشه بالصناعيه عندهم وصلحوه
المهم اخذت موتري وطلعت من القريه
ويوم طلعت خذيت عشرين تخميسه بالموتر ودلقتها بالحظ
وامشي وامشي وامشي الين لقيت لي خط سريع ماصدقت خبر وامشي عليه بس أنا خايف لا يوديني ذا الخط لديرة ثانيه
جا في بالي لايوديني لبانكوك ذيك
المهم جات قدامي نقطة تفتيش
سجينووه فرح أكيد واستانس وسنونه مكشرة من قوة الابتسامه ويغني بصوته
تيش تيش يامرحبا بالتفتيش وتيش تيش يامرحبا بالتفتيش
بس كانت المفاجئه
قال لي العسكري عطني اثباتكـ أعطيته بطاقة الاحوال
قال طيب ممنوع الدخول
قلت ليش
قال مدينة جــدة خاصة بالعوائل
العزاب يتوكلون على اللله
انصدمت
وقمت اصيح واقوووول للعسكري
ليش كذا ياجـــــــــــدة
ليش يأحلى مدينه بالعالم
ليش يالي ربيتيني وعيشتيني
ليش يالي اعطيتني من حنانك وهواك
ليش يالي احتضنتيني يوم كنت صغير لين كبرت
ليش يامدينتي الغاليه انا وش سويت لك ياروووح سجوني ياقلبه وغناته تهي تهي تهي تهي
عاد ضحكـ العسكري وقال لي صااادووووووهـ
لعبت عليكـ ياغبي
طلع العسكري واحد يعرفني بس يبي يهبل فيني
بس هاذي السالفه ورجعت الى ارض الوطن معافى ومشافى ومملي كرشتي بالموز
ودمتم سالمين اتمنى انها اعجبتكم الحتوته
مايستفاد من الهرجه الي فوووق
1# ماعندنا بالخليج عامه وبجــــــدة خاصة الفصول الاربعه مافيه الا صيف وشتاء وصيف وشتاء
2# لاتلومون اخوكم على الخرابيط الدعوه فله ووناسه
3# ياحبي للقرود يوم صلحو موتري عبو البنزين فل
4# حكمت اليوم ((التريش والترقيص كالسيف ان لم تقطعه بما لاتشتهيه السفن ))
5#عارف ان العنوان مال أمه دخل بالموضوع بس هيكـ يسمونها عونصر المفاجئه >>أقول لايكثر
بايووووووو لأحلى خششووووووو[/align]
مواقع النشر (المفضلة)