موضوع نقاش :((الجمهور الهلالي حضورهـ بدون فائدهـ))

[[ابتسم]]

قبل ماتقرأ اذا كنت بتاخذ الموضوع على انه تحامل على الجمهور الازرق
فارجو انك تغير رايك
لان الموضوع لصالح جمهور الزعيم وفي صالح جمهور الكرة السعوديه
واقرا الموضوع كامل وزين وابعد عن العاطفه للنادي واهم شئ مصلحة النادي

[bimg]http://www.i1i2.com/uploadss/9efbfccf2d.jpg[/bimg]

الجمهورالهلالي او كما يحبون ان يسمون (الموج الازرق)
أول شئ وقبل كل شئ أنا باتكلم بالعاميه واللي يصعب عليه شئ يقول لي واشرح له
السالفه ياجماعة اني شفت في الجمهور الهلالي شئ غريب ماشفته في جميع الانديه السعوديه
حتى اندية الدرجة الاولى
وإلى الحين ما ادري وش السبب وانا على كثر ما احضر المباريات بالملعب لكن مثل جمهور الهلال ما لقيت
جمهور كبير بس بدون فائدة يعني على بلاطه بس جالسين على الكرسي طول وقت المباراة!؟؟

يؤ لانسيت هم يقومون اذا جاب الفريق هدف يقومون شوي ويرجعون يجلسون ماعليه على هالكلمه يعني ((حضورهم مثل عدمه))
وبعدين الرابطه بصراحه ماتستاهل انها تشيل اسم النادي يعني ماعندها سالفه لانها ماتحرك الجمهور مع اني يمكن اعذرهم
لانهم مايلقون التحفييز من الجمهوربس حتى الرابطه ماتتحرك وتشتغل الا 10 دقايق وبعدين دور لهم !!؟

يعني خذوا على سبيل المثال مباراة الميناء الرابطه ماسمعتهم الايوم بدت المباراة قعدوا 10 دقايق ثم سكتوا نص ساعه ثم تحركوا
اخر خمس دقايق ونفس الشي الشوط الثاني الا اذا مر الامير محمد قاموا يشجعون او اذا جا هدف!؟؟
ومثل ثاني قريب مباراة الاهلي الاخيره مباراة الكاس والله على ان جمهور الاهلي ما يجي 15 % من جمهور الهلال
الا اني اعتبر ان جمهور الهلال ورابطته ماتجي ولا 2% من رابطة وجمهور الاهلي يعني ماشاء الله الجماهير الاهلاويه
شغالين طول المباراة الين اخر دقيقه لكن جمهور الهلال.....لا تعليق
انتم تخيلوا والله كنت بالمدرج اللي جنب المدرج اللي فيه الرابطة الهلاليه وما اسمع شئ يوم انهم بدو بالاهازيج لان المعدات ومكبرات الصوت
ماكانت شغاله(يعني خربانه) بس كنت اسمع رابطة جمهور الاهلي وكاني جالس معاهم؟!؟!؟!؟

وغير كذا يمكن اللي حضر المباراة يعرف هالشئ لما كنا نربط الاكياس الزرقاء من تحت الى فوق
وصلوا لي اللي تحت الاكياس وجيت انا باعطيه اللي وراي علشان يوصله للي وراه ويربطونه تفاجات يوم قال ""لو جتني باقطعها ""
والله هذا كلامه ويوم التفت للي تحت باقول لهم انهم عيوو لقيت واحد من اللي قدامي مولع في الكيس بالولاعه علشان يقطعه!!!!

ولا اذا وقفت بتشوف هجمه قالوا لك اجلس وازعجوك ياخي انا ابي اعرف هم ليه يجون الملعب طيب روح شوفها بكوفي شوب وريح عمرك
علشان ماتوقف وتتعب ياقلبي انت المشكله اذا وقفت وماجلست قاموا ودبجوك ؟؟؟


بالاخير الموضوع مو للجمهور الهلالي بس الموضوع للجماهير السعوديه (شبابي +اتحادي +نصراوي+اهلاوي+قدساوي...إلخ)

ومثل ماقال المهندس النمشان جمهور بدون تشجيع مثل الكراسي im0

ومثل ماقال الامير الراحل عبدالرحمن بن سعود اختلاف الراي لا يفسد للود قضية im0

لاتبخلوا علينا بنقاشكم واتاكدوا يالجماهير الزرقاء لولا حبي للهلال ماكتبت فيه :2ar: ولكن كتابتي من واقع اتمنى اني ماشوفه ابد

وبالاول والاخير ارجوا ان تكون الردود محترمه :5ar:

تقبلوا تحياااااااااتي متعصب لبرشلونه بس :1ar:

حمااااااااااادهـ

[$ّانـتـهـيـنـاّ$]

موضوع جميل اخوي حماده وكلامك صحيح

لان الجمهور الهلال البعض جاي يتفرج على المباراة مو جياي يشجع مع الرابطه

وبعدين يوم مباراة الهلال والميناء ولما سكت حقوي لان فيه ناس انا اعتقد انها مو من نادي الهلال

جالسين يرمو على الرابطه مويه من حقه حقوي انه يسكت من المهزله هو جالس يشوفها

لان ناس جايه تخرب مو تساند

هذا الحبيت اقوله

ومشكور مره ثانيه اخوي حماده على الموضوع الجميل

[كاتـم الآهــات]

حمادهـ

يعطيك العافيه على طرح هالموضوع

ولكن مالفائدة من تشجيع الرابطه وباقي الجمهور ساكت
الجمهور حضر للملعب ليستمتع بفريقه ويشاهد لعبه مباشره
لم يحضر للصراخ والغناء والطرب
ومع ذلك يجب على الجمهور التصفيق على الكوره الحلوه
مو صجه وازعاج
وعلى فكره انت من محبي برشلونه
انظر الى الجمهور الاسباني مثلا
هل هناك رابطه تلجلج بالملعب وتزعج من حضر للاستمتاع بالمباراه؟
وبعدين على سبيل المثال رابطة نادي الاتحاد
افضل رابطه موجوده في الملاعب السعوديه
تبداء المباراه وتنتهي وهم مافصلوا تشجيع
وعلى فكره تحصلهم مايدرون وش صاير في المباراه ولو تسأله بعد المباراه كيف المباراه
قالك اهم شي الفوز

الزبده:
جمعور يتابع بتركيز افضل من جمهور يغني ويطبل ويرقص وما يدري وش السالفه

تبقى وجهة نظر


تحياتي

[الصافي]

مشكور اخوي على الموضوع

و أحب أقولك ان مو كل اللي يحضرون المباراة يشجعو الهلال
و لا اللي يحضر مباراة النصر يشجع النصر
و لا الأهلي

بالعربي فيه ناس جايين للهجولة فقط لا غير

و فيه ناس سمعو ان الدخول مجاني راحوا للملعب مع ان البعض منهم لا هو هلالي و لو تسأله المباراة بين مين و مين ماراح يعرف أو تسأله عن اللعب هذا أو هذا نفس الشي


و بعدين فيه ناس جايين ستمتعو بالمياراة مو جايين من أجل هجوله او طرب

و أنا واحد من الجماهير هاذي و هلالي حتى الموت

و جميع مبارايات الهلال أحضرها و بعض المبارايات اللي خارج الرياض احيانا اسافر لها خاصة اذا في جده او الشرقيه من هنا تمشية و من ناحية ثانية نشوف المباراة
و أنا من اللي سافروا للعين و احضروا المباراة
و مو شرط ان اللي يحضرون المباراة كلهم يشجعون

و أنا حضرت مباراة الهلال و الأهلي
وكنت في المدرج الجنوبي
و ما أعجبني الوضعو طلعت للدرجة الأولى


لأني ابي اتابع المباراة
مالي خلق ازعاج


تحياتي


و سامجوني على الاطاله

[[ابتسم]]

وبعدين يوم مباراة الهلال والميناء ولما سكت حقوي لان فيه ناس انا اعتقد انها مو من نادي الهلال

جالسين يرمو على الرابطه مويه من حقه حقوي انه يسكت من المهزله هو جالس يشوفها

لان ناس جايه تخرب مو تساند

كلامك صح بس الترجيم ترا ماكان طول المباراة

مشكوووور على مشاركتك im0


تحياتي