إدخـل عـلى اللّـه ..
[poem=font="Simplified Arabic,5,firebrick,bold,normal" bkcolor="white" bkimage="" border="ridge,4,darkred" type=1 line=0 align=center use=ex num="0,black"]
يا راعي الرمش البهيم المضلـي=موتي برمشك والعيون المخاديـر
لا تذبح القلـب المهيـم المولـي=بعدك يشق أقصى خفوق الأسارير
ربطت قلبي ربطـةٍ مـا تحلـي=وشديتها لين أحكمـن المساميـر
ما مجت عن رمانة القلـب ملـي=حبك سمر رمانة القلـب تسميـر
وقام أيتوزع في خلا يـاي كلـي=دمي يضخـه للخلايـا شخاتيـر
عز الله انـك فالضميـر متعلـي=منزلـك روضٍ فايـع بالنواويـر
ليه الجفا يا مهجة الـروح قلـي=نهجك يخالف نهج كل الدساتيـر
اللي بدالي منك ما هـوب تغلـي=ما هوب كذا والله تغـل الغناديـر
يا ترفة الخفرات قربك دون لـي=وبعدك على قلبي عذاب وجثامير
أدخل على الله منك كلٍ فطن لـي=وجهي ويلحقني علوم ومخاسيـر
حتى وأنا خلف الإمام المصلـي=تروح لك صدار قلبـي مساييـر
يا جعل ذنبي مـن رقبتـك يتلـي=في يوم ما تنفعك فيـه المعاذيـر
كأنك تحسب الودّ ضحك وتسلـي=شهادتك راسب وفيهـا دواويـر
.
.
للشـاعـر/محمد بن صنهات النفيعي [/poem]
رد مع اقتباس
مواقع النشر (المفضلة)