[align=center].
.
.
.
.
الساعه الرابعة صباحآ.

المكان في غرفة ما في مكان ما..

الحاله النفسيه خاااااااااااااااايسه.

جالس في نص الغرفه ومتكي ظهري على المركى وماد رجلي اليسار وثاني رجلي اليمين
... بكت مالبورو على يميني وجنبه ولاعه حمرا اذا حطيتها على اخر شي بتشب في شعرك
علبتين ببسي على يساري وحده فاضيه والثانيه فيها النص او اقل وبعيد عنها جريدة الرياض حقت قبل امس
تلفزيون فيديو ورسيفر ..... وتحتهم البلاي ستيشن وفي زاوية الغرفه الستريو حق ابو فهد
قاعد اسمع نوال الكويتية ونص كلامها مافهمته لكن الموسيقى جايه في وقتها ...

في يدي اليسار ريموت الرسيفر واقلب في القنوات لكن نظري كان على الجوال اللي في يدي اليمين اقرى رسايل ...أشخاص عزيزين .... كنت اتمنى الدنيا ترجع لوراء ....عشان السوالف والوناسة.....
وكل مافكرت بالصداقه ... اتذكر ثلاثه من اخوياي واحمد الله اني عرفتهم
وكل مافكرت بالصداقه ... اتذكر كثيييييييييييير ناس واقول ليتني ماعرفتهم

من زمان كان اي شخص اجلس معه كم مره او اضحك معه مرات اعتبره صديق .... مرت اايام وسنين ورجفتني الدنيا وعلمتني ان الصديق صعب ...... صعب جدا انك تلقاه

وخلتني اشوف ان الاصدقاء انواع :
فيهم ناس ودك تكلمه كل فتره بس ماتشوفه وفيه ناس ودك تشوفه كل فتره وفتره وفيه ناس ودك تجلس معهم كل يوم ..
وفيه ناس يفزعون معك اذا طلبتهم بس جلستهم ممله .... وفيه ناس جلستهم رهيبه بس اذا طلبتهم ماتلقاهم .. بس حقين مصالح.


نصيحه لاتصادق بخيل ولا انسان قلبه حقود... ولا تصادق غبي ... ولا تصادق فكوك ... ولا تصادق ثقيل دم ... ولا تصادق كثير الكلام ... وبمعنى اصح نمام.


سي يوو[/align]