:
..
بسم الله الرحمن الرحيم
انا تعرفوووني اذا صار عندي شي يقرقع في قلبي جيت وكبيته لكم..
يمكن إنه الفكرة مكررة...بس الأسلوب يختلف..
موضوعي هو ......... اليوزرات الي نتعامل فيها مع بعض
في حوار لي بالماسنجر من اعضاء كثير قال لي عضو كلام غريب (( وهي اننا مجرد يوزرات نتعامل مع بعض .. وان اذا بدر منه غلط في حق اي احد فهذا مو قصده الشخص نفسه وانه يقصد اليوزر ))
طيب من اليوزر هذا ... اليوزر هذا هو انا وانت وهو وهي .... اليوزر هذا دم ولحم .
يعني فيه ناس تفصلك عن يوزرك ... انت في جهة ويوزرك في جهة...!!
. ومالك دخل بالي يصير ليوزرك.. خله يتحمل الي يجيه وانت مالك دخل ...!!!
هذا رأي واحد من الاعضاء لما سالته ..
((اللي يقول ان اليوزر مفصول عن الشخصية... يحاول يبري نفسه من اي مشكلة يسببها او اي وجهة نظر يطرحها خصوصا اذا صارت غريبه او شاذه )))
طيب بالله من عشرتنا مع بعض ... ماصار لليوزر هذا عندك مكان وصرت تشتاق له ؟؟... بعضهم يقول ((( انا لما اصك النت ينتهي عالمه وانساه ومااتذكره الا لما افتحه ))
بالله هذا صدق ؟؟
يعني رغم عشرة الشهور وبعضهم توصل سينين اذا غاب ماتقوول عسى المانع خير ..!!!
وهذا رأي واحد من الاعضاء بعد :
((النت ما فيه عشره ))
من قال ؟؟
من عشرتي معكم اكتشفت اننا مو بس يوزرات احنا اكثر من يوزراات
اليوزر هذا وذاك وراها شخصياات صرنا نعرفها ونعرف طبااعها
وطريقة تفكيرها !!!
تعدت المسأله مسألة يوزر .............
صرنا زي العائله الوحده (( وانا اتكلم عن منتدانا ))
طيب...
كم يوزر اجتمعت وتعرفت على بعض وتعدت علاقتهم مجرد انهم يوزراات !!
اعضاء كثير سالتهم السؤال هذا
كيف تنظر للاعضاء في منتدانا ؟؟ هل هم في نظرك بس يوزراات ؟؟
وكانت اجابتهم زي ماتوقعتها ..........
بعضهم تطورت وصارت اتصالات بينهم وبعضهم تقابلوا وصاروا اكثر من الاهل
والي ماتقابلوا ولا اتصلووا ببعض برضه يجمعهم حب المنتدى وحبهم لبعض من خلال مواضيعهم ,,
هذا كلام واحد من الأعضاء..:
(( يعني انا عن نفسي حبيت ناس كثير بس من خلال مواضيعها واذا تأخر في الكتابه اشتاق له ...
وبعضهم اذا غاب وطالت غيبته افتقده وافكر عسى المانع خير وش الي غيبه عنا ))
وهذا رأي واحد من الأعضاء:
((ومن قال انك في المنتدى تظهر بغير شخصيتك...!!
وعلشان كذا تتحجج باليوزر انه يقول ويقوول ويتطاول ويغلط ولا نشره على اي شي يقوووله لانه مجرد يووووووووزر ..!!))
وهذا رأي آخر :
(( و بعدين اي شي يطرحه اليوزر من وين بيجيبه..؟.. أكيد من نفسه))
انا اسألكم كلكم... هل تفصلوون في تعاملكم بين اليوزر وصاحبه ؟؟؟
سالت واحد من الأعضاء عن رايه في كلامي وقال بالحرف:
(((( لا والله ماافصل اليوزر عن صاحبه )))
وتكلم عن تجربه له مع يوزر من اليوزرات...يقول:
(((انا وواحد.. مالنا فترة متعرفين عن بعض لكن وربي يشهد انه اخ .. ويمكن اعز..كل شي اقوله له .. أي شي مضيق صدري على طول اروح له .. وينفس الوقت اي شي يفرحني على طول ابشره وصرنا اكثررررر من اخوان .. على اننا بالبداية كنا مجرد يوزرات بمنتدى)).
وواحد قال لي بالحرف ...
(( تعرفت عليه في منتدى انقطع فترة لظروف صارت له...
وكنت اسئل عليه ومعاي واحد يكلمه بالجوال
يعني يكون بالي مشغول عليه ابي اعرف ايش صار معه..؟ وكان صعب علي خصوصا اني انتظر هذا يدخل ماسنجر علشان اسئل عنه..؟ ووش صار عليه..؟؟))
شفتوا وين وصلت العلاقه وكيف تعددت حدود اليوزر ..!!
خخخخخخخخخخخخخخخخخخخ واحد من الاعضاء طلب من واحد ثاني انه يخلي تعاملهم مع الاعضاء في حدود اليوزر... وطلب من ذاك الشخص يخليه زيه
(( يعني خذني قدووه ))..
تدرون ان هذا الناصح مامشت عليه نصيحته وانه هو بنفسه صار يكلم تلفوون للي نصحه وماقدر يخلي علاقتهم في حدود اليوزر هههههههههه غصب حبه هذا شي من ربي .
هل اليوزر هذا مجرد حروووف ونقط ... ويمر في حياتك مرور الكرام ... ومايترك في نفسك اي أثر ..!!!
ماصرنا نعرف من هذا اليوزر ونعرف ان ورااه ...!!
انسان مثقف
او وراه انسان دمه عسل
وهذا اليوزر وراه واحد ينحط على الجرح
وذاك وراه واحد منسم
هل تنقطع علاقتك مع اليوزر بمجرد انك تقفل النت؟؟
يعني ماتفكر فيه بعد ماتقفل الجهاز ولا يخطر على بالك نهائياً؟؟
حتى لو كنت انت وهو متلاعنين جدف...ومتهاوشين..!!!
وفي الاخير اقول اكيد اني نسيت بعض النقط الي اكيد انتم بتفيدونا فيها
وبتستدلون بـ أعضاء غيري
وانا من جهتي بقوولكم شي واحد بس
بعد عشرتكم لي ....
من هو ( هجومي) :
انا عن نفسي اقوول (( هجومي واحد ملقووف وطويل لسان
ويحب القرقرة الكثيرة ومابقى مكان مانط فيه...وعصبي ويرضى بسرعة...
ومافيه احد ماتمشكل أو تهاوش معاه... ))
تقبلوا كلامي بصدر رحب
((واتمنى أشوف مشاركات بالموضوع.. تغطي على موضوعي))
@@@@@@@@@@@@
مواقع النشر (المفضلة)