((( يالـمـــنتــدى حظي رماني بملاقيف )))

[الكـــــايد]

[align=center]مساكم الله بالخير



قصيده من كلماتي اتمنى تعجبكم....

[poem=font="Arial,5,darkblue,bold,italic" bkcolor="transparent" bkimage="" border="double,4,black" type=1 line=1 align=center use=ex num="0,black"]

يالمنتدى حظي رماني بملاقيف=
يالله صبّر قلب نايف عليهم

دلوخ وما ينفع مع الدلخ تصريف=
قولو شسوي ياهل الخير فيهم

الله بلاني يوم انا جيتهم ضيف=
من شفتهم ماكان ودي اجيهم

لكن علي جو وعزموني بتحليف=
وازريت ارد اخاف ..بارد حكيهم

من جيتهم..جمعت ردى كلها زيف=
كذب ونميمه جعل ربي يهديهم

ياحيف يابعض الرجاجيل ياحيف=
ياعل يعفيني اللذي مبتليهم

اهل الردى مافاد فيهم تحاسيف=
لو يملكون المال محدن يبيهم

غيم الشتى ماهو مثل غيمة الصيف=
وياغيمتي بالخير لاتنثريــــــهم

اعفن عباد الله لا جو بتصنيف=
لو بعتهم بالسوق مانشتريهم

والا هل المعروف والخير يامنيف=
ياعلنا برواحنا نفــــتديهـــــم

ذولا هل الفزعات واهل المواقيف=
اللي يجونك قبل تنده عليهم

الطيبين اهل الشهامه هل الكيف=
يالله تكثرهم وتستر عليهم[/poem]

وسلامتكم [/align]

[منال الروح]

صح لسانك


الكلمات حلوووه عجبتني

[..°«¸نورمينا ¸»° ..]

الكـــــــــــــــــايد

قلما زاهيا ينزف اجمل العبارات . ويخط أروعها

جميل ماخطته اناملك وما بثته قريحتك

ابداع نرجو ان يعقبه ابداعات ونحن في انتظارها

ودمت لي

نورمينــــــــــــا

[ظميان غدير]

( الكايد )
صح لسانك والحقيقة كلمات معبرة وأنا شخصيا أعاني من ذولا الملاقيف ويمكن بأحفظ بعض الأبيات علشان ألقيها عليهم


( ظميان غدير )

[بنوته كوول]

الكايد


صح لسانكـ و تسلم على القصيدهـ الرووعهـ


وننتظر جديدكـ