ياحمد...
ياحمد قلبي عليه اليوم خوف .... من هنوفـ (ن) جارحات اهدابها
يسود هدب ومايله ميلت سيوف .. ما تسمي بالهواء مضاربها
ياعلي يامنطق افواه الحروف .. والقوافي لك تصف اعجابها
جيتني تشكي من فراق الهنوف .. مرحبا بشكواك واللي جابها
ويل نفسي من جفى وقرب الهنوف .. ويلها من قربها وغيبابها
ليتها لما تقابلني واشوف .. حسنها تعطي دواء لصوابها
ما على قلبك يابو منصور خوف .. والمحبه ما تخيب اصحابها
من دخل دنيا الهواء لازم يشوف .. واختلافات المحبه ومابها
تصتفق بامواجها زرق الحروف .. غايت حروفي تنال اعجابها
زان جو القلب من عقب الكسوف .. يوم تضحك ويتبارق نابها
والهنوف اللي حوت احلى الوصوف .. مثل ما صابك هواها صابها
حظها تسكن وسط قلبـ (ن) عطوف .. قلب الشاعر والقصيد ابوابها
صافحت كفي بريحان الكفوف .. عطرها ما راح من مضاربها
يحرص الله ياحمد ذيك الوصوف .. نعم يابن سهيل بطنن جابها
ياعلي داري على الحلوه وروف .. حطها بعينك وغض اهدابها
دام شمس الصيف ياتيها الخسوف .. وش تقول بشمس ماحد عابها
مواقع النشر (المفضلة)