ارجوكم ساعدوه

[εïз 86ẄЋ]

السلام عليكم

انا جايبه لكم مشكله شخص وابغاكم تساعدونه


ويقول فيها :


انا كنت عايش بالكويت


مع امي وابوي


ابوي طلق امي


امي قدرت تقنع ابوي اني اعيش معها


لين قبل حوالي ثلاث سنين


جيت السعوديه


كنت امر امي مرات


وقبل سنه منعني ابووي


يقول ما تشووف امك


انت صرت رجاال الحين


منت بزر


وقدرت اروح لها يووم واحد برمضاان


ويوم شافتني وهي بالدواام قعدت تبجي جدام العالم


وما قدرت اتحمل الموقف


ورجعت بعدها السعوديه


ويوم درا ابوي اني رحت لهاا


مسك جوازي ودسه


وانا الحين ابي اشووف امي


كل ما تكلمني يتقطع قلبي وربي


تكفوون شوفوو لي حل


تكفووووون

[][خجووول][]

لا حول ولا قوة الا بالله

الله هو اللي يشوف لك حل

لكن اذا تبي العلم الوكاد

حاول تقنع ابوك بشتى الطرق

صعبه اقول لك قدم شكوى على ابوكـ

بس ما اقول الا ربي يفرج محنتك ويجمعك في امك ويحفظك ويحفظها من كل مكرووه

او دلني على ابوك وانا اجيب لك عائض القرني واخليه يقنعه

اور وح لأمام مسجدكم او احد اصدقاء ابوك اللي تحس انه متمسك فيه ويحبه

لا تخلي شي وانا اخوكـ


الف شكر اختي اشوريا ربي يجزاك الف خير

[غزال ومـا يصيدونـه]

موقف مؤلم بصراحه ان الانسان يكون بين نارين امه وابوه


لانه ابوك حاول معه بالطيب ووضح له ان الله نهانا عن قطيعة الرحم


شلون لو كان هالشخص هي امك


وذكره بعظم فضل الام ووجوب بر الاولاد بأمهاتهم وشلون وصانا الرسول

عليه السلام بالاحسان اليهم بالكبر

حاول تتناقش معه وتعرف شنو السبب بمنعك عن زيارة امك ؟

وان المشاكل بينهم انت مالك دخل فيها ومثل ماهو له حق عليك حتى هي بعد

لها حق مضاعف عليك تجاهها

ولو مااقتنع ارجع لشخص كبير بالعائله يتدخل بالخير بينكم

او ارجع لامام المسجد مثل ماقال الاخ خجووول وخل الامام يقنعه

ويفهمه بأسلوبه ان راح يكسب اثم وذنب بحرمانك من امك

وان شاء يتبدل الحال ولايحرمك من اغلى مابالكون


ومشكوره اشواريا على الاهتمام يعطيك العافيه

[وعد]

لا حول ولا قوة الا با الله

والله قطع الرحم مو زين والله نهي عن قطع الرحم

وابوك الله يصلحه بكذا يكون قاطع رحم

حاول ان توسط احد من الكبار الي عندكم يمكن ان شاء الله يقدرون يفهونه

الله يفك كربتك وكربت كل مسلم

دمتم بخير

[εïз 86ẄЋ]

مشورين وما قصرتوا

ون شاء الله يستفيد من حلولكم