يارب يامنجي نبيـك مـن الحـوت
ويارزقٍ حوت البحـر فـي بحرهـا
تفرج لقلبٍ من عنا الوقـت مكبـوت
وتفرج لعييـنٍ شاقيـة فـي سهرهـا
اليوم فات الفـوت ماينفـع الصـوت
سافر وانـا باحـرق بقايـا خبرهـا
الحب مات وغرغرت سكرة المـوت
في حبنا وانت السبـب فـي قشرهـا
ياللي شريت لمنبـع الحـب تابـوت
كمَـل جميلـك وادفنـه فـي قبرهـا
جف المطر يبس الشجر صار محتوت
ورش المطر ماعاد يـروي شجرهـا
لاتحسـبٍ الحـب لعبـه وبـالـوت
تشري على كيفـك وتأمـن خطرهـا
تشري حكم وانا أقلب الحكـم كبـوت
قامت عليهـا قبـل يرمـش نظرهـا
الشوك مايزَرع مثل شجـرة التـوت
والشمس تاضح من بـوادر سفرهـا
ولاتحسبنـي ميـت بحبكـم مــوت
الشمس ماتكْسـف ويكسـف قمرهـا
تروها لعبت بلووووت <_ متعذب
منقووووووووول
مواقع النشر (المفضلة)