السلام عليكم ورحمة الله وبركاته
حضور متواضع اتمنى ان ينال الاستحسان :
[poem=font="Simplified Arabic,4,darkblue,bold,normal" bkcolor="transparent" bkimage="" border="double,4,black" type=2 line=0 align=center use=ex num="0,black"]
لعيونه الثنتين ولا على شان=حبه وعشقه والغلا بالاضافه
اجيه لوانه سكن وين ماكان=من زود عشقه ماحسبت المسافه
مادام حبه دم والقلب شريان=امشي ولاني قايلن .. ياحسافه
ومادامني عاشق وهايم وولهان=لاهي مخاسيري ولاهي كلافه
متربع(ن) بالقلب والقلب ديوان=يجلس بصدر البيت ولاضفافه
اليا بغيت اقول واعطيه عنوان=رمز الحلا .. رمز العطا واللطافه
يعني على ماقيل مجموعة انسان=عقل وثقل تجمعت في شفافه
اغلى من الما بس بعيون عطشان=يعني بدونه ذاق قلبي جفافه
تشتاق له روحي وقلبي والاعيان=بالمختصر قالت ابد.. مانعافه
مقفل(ن) عن عاذلي كل بيبان=ويصد لامنهم مشوا .. باللقافه
غلاه في قلبي ترى فوق الامكان=أول ولاغيره يجي بالوصافه
واليا دخله الشك .. دخلت برهان=شوفوا قصيدي فيه ماشاب قافه[/poem]
وسلامتكم
احساسي صادق
مواقع النشر (المفضلة)